بسم الله الرحمن الرحيم
ـ متابعه لحسابي
ـ صوتوا ومتابعه للقصه
ـ للكاتبه: نـور الطائي
مشاهده ممتعه...
ـــــــــــــــــــــــــــــــــــــــــــــــ
نور : ما موافقه
أنصدم من جوابي وكال
احمد : بس ليش مموافقه شايفه شي علي
نور : لا بس ماريد ازوج هسه اله اكمل دراستي وبعدها افكر بل موضوع
احمد : اي ماكو مشكله انه اخليج تكملين دراسه مامنعج من هاذ شي
نور : خلص احمد كتلك ماريد ازوج هسه
احمد : تمام براحتج
علي : خلص مانجبر البنت على شي وهاذ قرارها واحنه وياها بهاذ الي تكمل دراستها وبعدها الله كريم
العم : هاهيه بنيتي قرارج هاذ ومانجبرج
نور : شكر عمو
حسن : يلا بنيتي روحي جوا
نور : صار يابه
طلعت وانه متوتره دخلت للصاله وماحس غير هلاهل واجت سيلين
سيلين : وافقتي اكيد
بقيت اباوع الها وامها كالت...
الخاله : ها بنيتي وافقتي
نور : لا خاله موافقت
بقن ساكتات
ندى : ليش موافقتي
نور : كتلهم اكمل دراسه مامفكره بالزواج هسه ولكل كال قرارج بعد وطلعت
ندى : براحتج حبيبتي
سيلين : عبالي حيصير عرس شي
نور : شنو كوه خل اكمل دراسه والله كريم
الخاله : براحتج ماما القرار الج مانجبرج تعالي نكعد
نور : تفضلي خاله
كعدنا امي وخالتي يحجن سيلين وندى يحجن وانه ما الي خلك حسيت نفسي دايخه
نور : اترخص انه راسي يوجعني اروح ارتاح فوك
ندى : اجي وياج
نور : ميحتاج حياتي
ندى : امشي بلا كلام زايد
نور : يلا تعاي
احمد : انجب لك اختك دايخه واجيت اشوفه
باوع الي عمر
عمر : شبيج نور بابا
نور : لا مبيه شي دوخه عاديه والله
عمر : تمام اذا تردين شي انه موجود وانت يلا خلها ترتاح اطلع
احمد : يلا طالع
عمر : اي دير بالك توصل ل اختي
احمد : الله كريم ابن عمي
عمر : هسه صرت ابن عمك صلواتتت ككلللوشش
احمد : دمشي لك
نور
طلعو ثنينهم بقيت وحدي بتسمت لان احمد تفهمني
نمت......
ـــــــــــــــــــــــــــــــــــــــــــــــــــــــــــــــــــ
"ندى"
طلعت من يم نور لان اجه احمد لعندها عفتهم نزلت جوا يم سيلين كعدنا شوي دخل اخو نور علي
علي : خويه ندى اخوج يصيحلج برا حتى ترحون
ندى : تمام خويه
طلعت شفت شهم يم حارس
ندى : يلا شهم
شهم : صعدي بسياره هسه اجي
ندى : تمام
صعدت بسياره شوي واجه جان واكف يم الحارس
صعد وساق سياره بقينه ساكتين لحد ما كال....
شهم : نور عنده سبب ثاني لحتى موافقت ب احمد
ندى : ءاحم جنت يمه كالت اعتبره مثل اخوي ماكدر اعتبره زوجي لان كل وقت يمهم هاذ الي كالته
شهم : اي
سكتنه شوي وكتله.....
ندى : بس ليش سؤال هاذ
شهم : لان من اجت بل مضيف مبين عليها متوتره عرفت انو مو جوابه هاذ الي كالته انو تكمل دراسه
ندى : اي هو تعتبره مثثل اخوها وهم تريد تكمل دراستها
شهم : اي
بقيت ساكته وصلنه نزلت وهو بقه بسياره
ندى : شنو ماتنزل
شهم : اخبار واجي
ندى : تمام
دخلت جوا شفت جود بالصاله كاعد يباوع بل تلفون
جود : اهلا وسهلا ست
ندى : اهلا بيك عيني
جود : وصلني الخبر جاين خطابه ل نور وافقت لو لا
ندى : ماوافقت تكول تكمل دراستها
جود : اي احسن الها
ندى : اي
عفته وشفت شهم واكف يم الحارس نطاه مفتاح سياره علمود يصفها
غيرت ملابسي مسحت مكياج عبالك عرسي ههههه
رحت ل فراشي راسلت سيلين
ندى : لج سيلو
شوي يلا ردت
سيلين : لج هاا يولي
ندى : اريد اكلج شي
سيلين : اي كولي
ندى : من جنت عند نور كالت دايخه صعدت يمها فوك نطيته علاج واجه احمد اخوج كال عوفينه وحدنا وعفتهم بس ماعرفت شنو يحجون روحي سئلي احمد عفيه لان بقت فضول
سيلين : تمام اسئله وارجع
ندى : دزيلي رساله والصبح اشوفه
سيلين : تمام
طفيت تلفون ونمت......
ـــــــــــــــــــــــــــــــــــــــــــــــــــــــــــــــــــ
"سيلين"
كاعدين كلنه بالصاله بيت عمو حسن
راحت نور صاحوها للمضيف لحتى يسئلون ويعرفون جوابها
راحت وطولت هواي نحجي انه وندى باوعنه اجت نور وخالتي وامي يهلهلون رحت سئلته ومانصدمت لمن كالت موافقت لان اعرف هي متريد تزوج هسه صعدت لغرفتها مع ندى لان دايخه دخل احمد سال خالتي عليها كتله دايخه فوك هسه بغرفتها راح صعد فوك ونزلت ندى يمي شوي واجه علي كال ل ندى اخوها ينتضرها برا لحت يروحون ودعتها شوي واجه عمر كال وين نور كلنه اله فوك صعد الها بقينه نحجي وي خالتي ونزلو عمر واحمد يضحكون باوع النه احمد وكال...
احمد : يلا حتى نروح تاخر الوقت
ودعنه خالتي طلعنه عمي الجبير الي شيخ العشيره اخذ حراسه وراح واحنه توجهنا للبيت دخلنه للبيت شربت ماي ورحت غرفتي غيرت ملابسي اجاي اشعار بالتلفون من ندى شفته كالت عفت احمد ونور وحدهم بس ماتعرف شنو حجو وصدك احنه ماعرفنه واحمد مكال شي كلت ل ندى اسئله وارجع اكول الها طلعت من غرفتي مشيت لغرفت احمد دكيت الباب اجاني صوته.....
احمد : تفضل
دخلت اله باوعت بيده تلفون داخل ل صوره بنت بس ماشفت وجها
سيلين : عادي نحجي
احمد : اي تعالي
سيلين : شنو حجيت وي نور من رحت الها
احمد : سئلتها ليش موافقه ونفس جوابه تكمل دراستها بس انه مامنعت انو متكمل دراسه بالعكس اخليها تكمل وتتخرج بس احس انو مو هاذ جوابه بس هي هيج كالت ماعرف بعد مزودت الحجي وياها
