أليس :
كنت واقفة و مقابلة مراية و ندير في بابيون ل بلو ل شعري ، انفتح باب شفت من مراية كان بابا واقف و يشوف فيا درت ليه
إيتام : برانساستي
فتحلي يديه و أنا رميت روحي و لفيت يدي عليه
: علاه طولت علابالك ليوم عيد ميلادي
إيتام : و كيفاش ننسا نهار لي ولدت فيه برانساس تاعي
جبدلي اونفلوب مبلع و مدولي
: واش هدا
إيتام : كادو تاعك
شفت فيه و ابتسمت ، كادوات تع بابا كانو دايمن مميزين
فتحت اونفلوب و لقيت ورقة فتحتها كانت ملكية تع قطعة ارض
: مافهمتش واش هدا
ايتام : كي كنتي صغيرة كان حلمك تفتحي مرسم و هادي قطعة ارض ليك باه يبدا البناء
: بصح ...
إيتام : علابالي ببرانساستي باغية تبدا من صفر وحدها بصح راني متاكد بلي راح تكون فايدة ليك
مكنتش باغية نخسر مكياجي بصح في نهاية عينيا دمعو و مشاعري ممتنة انو عندي اب كيما إيتام ، علاقته مع ماما و معايا و مع حتى وينس رغم المشاحنات إلا إنه كان زوج و اب مثالي لينا
إيتام : ربي بلاني ب زوج بكايات
عنقتو و ضحكت على مقصد تاعو
: كون تسمعك ماما راح تبات في صالون
إيتام : اذا مخبرتيهاش مراحش تسمع
قاطعنا صوت وينس ، وهو يبتسم و هاهي بدات حرب بين بابا و وينس كي العادة
وينس : و اذا خبرتها انا
راح بابا ووقف قدامو و شدلو وذنو
إيتام : واش رايك كون نبعتك ل دزاير دير مهمة راك غير قاعد مقابلني هنا
وينس : وذنيييي
إيتام : واشبيها وذنك مرانيش نزير
زاد جبدو بابا من وذنو و وينس يعيط من الم و يحوس يفك روحو ، دخلت ماما ل شمبرة
سما : إيتاااام
إيتام : اممم
سما : اطلق طفل وجهو حمار
قربت منهم و بعدتهم على بعض
وينس : مزية جيتي راجلك كان راح يقتلني
سما : وينسسس
جا قدم عندي و حضني
وينس : شكون لي كبرت ليوم
: هدا وين تفكرتني
وينس : منسيتكش يا سنجابة
: و كادويا !!
وينس : همم كادوك شوي مميز بما انو عام لفات كنتي باغية تروحي معايا ل البرازيل و بسك نتي قاصر مقدرتيش
: بصح لحد الان مزالت ماقفلتش سن قانوني و زيد لازم بابا و ماما يوقعو عقد
وينس : كي يكون عندك وينس في حياتك كلشي يتحل
شفت في بابا و ماما كانو يبتسمولي هذا يعني انهم وقعو على موافقة سوطيت على وينس و بستو في خدو
: نحببببك يا أحسن أخ في العالم
وينس : و نتي أجمل اخت
جات ماما عندي
سما : و درك وقت كادو تاعي
: بصح درتولي بزاف كادوات
سما :منقدرش منديرلكش كادو و هدا ليوم ولدت فيه برانساستي
جبدت بوكس و مداتولي ، فتحتو لقيتها سنسلة و فيها
كانت سنسلة فيها هلال و داخل هلال جنين مطلع يديه ، طلعت راسي لقيتها وراتلي سنسلة لي دايرتها فوق سنسلة تع ألماسة زرقاء ، كانت ل أم حاكمة يدين جنين و تكملة كانت عندي قربت منها و عنقتها ، مزالت متفكرة كيفاش كانت ماما تعاملني كانت تفهمني من نظرة اولى كانت بيناتنا علاقة الأم و الأبنة مثالية
بعد ماديت كادواتي هوما خرجو و أنا بقيت نشوف في روحي في مراية كنت دايرة ل عينيا مكياج سموكي لي بين زروقيتهم و لبست غوب بلو و رفعت شعري ل فوق ، قعدت فوق سرير و نخمم واش نلبس في رجلي ، طبعا بسباب كسلي طالون لي كنت باغي نشريه كان إصدار محدود و مبقاش منو ، سمعت حس في بالكون بصح ماهتميتش هاد يامات جو راه غير ريح و شتاء حس كان غير يزيد و غير نضت من بلاصتي انفتح باب بالكون ، نضت و أنا قلبي يخبط جيت راح نبلعو حتى حسيت بيد جبدتني و لصقتني في حيط
بقيت مغمضة عيني و خايفة سيناريوهات قاع جاو في مخي ، بلاك كاش مافيا جاية تقتلني بسباب مخابرات
إيدن : أليس
غير سمعت صوتو فتحت عيني
بعدتو بيدي و رديت نفس
: منيتتك لي يدخل يدخل هاك
إيدن : خوك مخلاليش حل واحد اخر
: كنت راح تحبسلي قلبي
قرب مني كثر ، و نحنى ب كور تاعو حتى دفن راسو في رقبتي
ايدن : توحشتك
بلعت ريقي ، صوت قلبي كيفاش راه يخبط خلا كور تاعو كامل يفيبري
: واش جيت دير
طلع راسو و قابلوني عينيه نوزات
ايدن : جيت ل حفلة تع برانساستي
: حفلة تحت ماشي في شمبرتي
ايدن : لازم نشوفك قبلهم
جبدلي بوكس
: واش هدا
ايدن : افتحيه و شوفي
بقيت مغمضة عيني و خايفة سيناريوهات قاع جاو في مخي
إيدن : أليس
غير سمعت صوتو فتحت عيني
بعدتو بيدي و رديت نفس
: منيتتك لي يدخل يدخل هاك
إيدن : خوك مخلاليش حل واحد اخر
: كنت راح تحبسلي قلبي
قرب مني كثر ، و نحنى ب كور تاعو حتى دفن راسو في رقبتي
ايدن : توحشتك
بلعت ريقي ، صوت قلبي كيفاش راه يخبط خلا كور تاعو كامل يفيبري
: واش جيت دير
طلع راسو و قابلوني عينيه نوزات
ايدن : جيت ل حفلة تع برانساستي
: حفلة تحت ماشي في شمبرتي
إيدن : لازم نتاكد من حاجة قبل ما تنزلي
شاف فيا من لفوق لتحت و كي وصل لتحت عقد حواجبو ، هبطت عيني شفت وين راه يشوف ، بلعت ريقي كي شفتو مركز في طول لاغوب لي كانت عند ركبة
قرب مني حتى لصق فيا و بقا بيناتنا ميليميترات و يلصق وجهو في وجهي ، حبست نفس و تجمدت في بلاصتي حاسة بروحي اي حركة نديرها راح نلصق في وجهو
همسلي في وذني
ايدن : بدليه أليس
بعدت عليه و رديت نفس لي قطعتو
: مكاش واحد غريب علينا
إيدن : اذا تحركتي فخاذك راح يبانو
وجهي رجع أحمر ، كان يهدر بكل أريحية و أنا حاسة ببركان في وجهي و حفلة في كرشي
جيت راح نبعد عليه بصح شدني
جبدلي بوكس من ساشي لي كان رافدو
: واش هدا
ايدن : افتحيه و شوفي
فتحتو لقيت طالون نفس لي كنت باغية منو ب اللون ابيض و عليه خياطة باللون ازرق و تحتو غوب ، درت ليه و حاولت نخفي ابتسامتي
: كيفاش عرفت بلي راني نحوس عليه
ايدن : تبعتك كي رحتي ل مول
عاودت رجعت بوكس كيما كان ،
: صحيت ايدن بصح مراحش نقدر نقبلو
جا و رمى روحو فوق فراشي
ايدن : معندكش حل تاني بسك اذا مقبلتيهش راح نقطع لاغوب لي لابستها فوقك
: واش مشكلتك انت ، مكاش واحد غريب كاين وينس يكون خويا و وانت و رايدن
ايدن : رايدن !!
: رايدن يكون توأمك ، لي يشوفك هكا يشك بلي راك تحبني و تغار عليا
كنت راح نرفد بوكس بعدها استوعبت واش قلت ، كمش عينيه و شاف فيا
ايدن : يشك ! احسن تقولي يتاكد
دورت عينيا ، حالف يجيبلي جلطة ليوم
: اخرج خليني نبدل
ناض من فراش و لصق فيا بجنبو
ايدن : يجي نهار و تبدلي قدامي
ابتسم و راح ل بالكون و سوطا ل تحت و انا رميت روحي على فراش من صدمة ، حاسة نحاو ايدن و جابو واحد جديد في بلاصتو
YOU ARE READING
we were kids كــنــا أطــفــال
Romanceالجزء الثاني من احببتك في الخفاء ، حي واحد و بلاصة واحدة و عائلة واحدة تجمعهم من طفولة مشاعرهم كانت شبه مستحيلة ل بعض !! #كرونيك-جزائرية #الجزائر #قصص #dz #كرونيكات #كرونيكات-جزائرية
