سعود ضحك بخفه وقرص خدودها:سامحتك امشي البسي عبايتك نطلع للمطار
الغيم ابتسمت ولبست عبايتها وسلمت ع عمها وجدتها وجدها
الجدة سلطانة:لاتطولين علينا وجودك نور قلبي
الغيم حضنتها وقالت:يا جدة بتخليني ابكي بس يومين وراجعة ولا انتوا اول ناسي شلون اطول عليكم
أديم:يالغيم طمنيني عنك
الغيم:حسيبك ربي ورطتني وطلعتي منها شعره من عجينه طاحوا البنات يضحكون عليها وقالت :وش سوا فيك
الغيم بدلع:سامحني
أديم :اشوى
الغيم:لاتنسين بردها فيك وبأميرك
أديم ابتسمت وفز قلبها من سمعت أسمه
خالد :سعود يالغدار
سعود ضحك بخفة:تخسى وتعقب نقطة ضعفي كيف اضرها
الغيم ابتسمت وطلعوا متجهين للمطار
في السيارة ..
سعود :حرمتني من المويه وانا ضامي
الغيم تنهدت:ع اساس اني شربت انا
سعود:امانة
الغيم:والله
سعود ضحك بخفه:حتى بمقالبك تنسين نفسك اشهد ان قلبك رهيف ( قلبي وأنا أدري به .. يحبك ويغليك)
الغيم ابتسمت واكتفت بصمتها
وصلوا المطار واتجهوا لطيران بسرعة لان معد معاهم وقت جوا اخر ناس
—
قصر فهد بن راضي آل قايد
بحر:يمه
ام بحر لفت له وقالت:هلا
بحر نزل راسه ع رجولها وتنهد بهدا حيل وقال:يمه طحت ع وحدة و محد سمى علي
ام بحر مسحت ع راسه وقالت:بسم الله عليك ومنهي سعيدة الحظ
إيلاف:قصدك تعيسة الحظ
بحر اخذ الشبشب ورماه عليها وقال :توكلي
إيلاف طاحت تضحك وقالت:وانا صادقه الله يعينها عليك انت عصبي
بحر:إيلافوه دزي امها
ام بحر تسنيم:ماجوبتني منهي؟!
بحر غير الموضوع وقام:مو مهم كل شيء بوقته
اول يوم من رمضان في أبها دخلت هي وسعود وسلموا على (جدتها خولة) و(جدها حمدان) و(خالتها مروى) و(بنتها عبير )و (خالها زياد)
زياد:هلا بنسيب
سعود :الله بيقيك
مروى:معد شفناكم بعد الزواج
الغيم:والله يخالتي مشغولين وكل واحد يلا يلا يتفضى لنفسه و يهذي انا جيتكم بتم عندكم يومين وراجعين
الجدة خولة:اقعدوا ع الاقل اسبوع
الغيم:ياجدة ما اقدر والله
الجدة خولة تفهمت الموضوع وما حبت تضغط عليها واكتفت بقول:الي يريحك ياريحة سما
عبير سحبت الغيم وقالت:تعالي معايا
الغيم :وين
عبير دخلتها غرفتها:ابي ابسط معاك وش جديدكم
الغيم علاقتها شبه سطحية معاها ف استغربت سؤالها :مع مين قصدك !
عبير:سعود
الغيم ضحكت بخفه وقالت:من اي ناحيه
عبير :علاقتكم
الغيم تنهدت بحب:الله يديمه لي يارب واحبه ويحبني وتخيلي قبل اذان الفجر سويت فيه مقلب مع بنت عمي أديم و انبني ضميري
عبير عدلت جلستها:وش هو
الغيم بدت تحكي لها كل شيء
عبير:ياربي سعودك يجنن مره لايقين لبعض
الغيم بغرور:اكيد حبيبتي
عبير ضربتها بخفه ع فخذها وقالت:صايمه اليوم
الغيم :اكيد
عبير :طيب انتوا مسافرين ليه مافطروتوا
الغيم:تبين الصدق ماحسينا بتعب ويوم خفيف فا مولازم نفطر
عبير هزت راسها بمعنى فهمت
طلعوا ورجعوا لصالة الجد حمدان:يالغيم تعالي عندي الغيم اتجهت له وباست يده و جلست جنبه مسح ع شعرها ونزل راسها ع رجوله ولعب بشعرها يعطيها من حنان أمها غمضت عيونها ذرفت دمعتها كانت تشم ريحته من ريحة امها وكان بداخلها حروب وشوق لحنان أمها وعتاب وتعبت داخليًا هدت حيلها وارتخت ملامحها وغفت بين أحضان جدها
أنت تقرأ
ياغيم واللي فيك من ماي صبه اروي الثراي واسقي الضماي
Dragosteليتني ما شّفت فِي عيِّنكِ دمُوع منّظرَ الدمٌعة عَلى خَدكِ هٌلاك يامضٌّوي فِي دجى عٌمريِ شمُوع الحٌزنَ ما خُلق لعُيون المَلَاكِ اتحمّْل عنَّكِ كٌل أمرٍ يُروع خٌذ هَنا قلبي وخَلف لي عَناك واتقٌّدَم لكِ بقلبي فِي خضُوع ضّح به فِي هيكلَ الحٌب لهٌوَاك
