ياغيم واللي فيك من ماي صبه اروي الثراي واسقي الضماي

-البارت١٠-

أديم مسحت دموعها
أمير ابتسم بخفه ونطق تسمحي لي بشعر
أديم: أسلم
تنحنح وقال:
حننت إلى صوت النواعير سحرة
وأضحى فؤادي لا يقر ولا يهدى
وفاضت دموعي مثل فيض دموعها
أطارحها تلك الصبابة والوجدا
وزاد غرمي حين أكثر عاذلي
فقلت له أقصر ولا تقدح الزندا
أهيم بهم في كل واد صبابة
وأزداد مع طول المعاد لهم ودا

أديم:يالله بخاطري بكلام اوصله لك
أمير:اسمع اسمع مين بيدلعنا
أديم ضحكت وقالت:

وأسعدتني ورودٌ سوف تهديها
وكم ذهبتُ لوعد لا وجود له
وكم حلمتُ بأثواب سأشريها!
"ارجع إليّ فإن الأرض واقفة
كأنما الأرض فرت من ثوانيها
إرجع!!
فبعدك لا عقد أعلّقه
ولا لمستُ عطوري في أوانيها
ارجع كما أنت صحواً كنت
أم مطراً.. فما حياتي إن لم تكن فيها؟!"

أمير:فديتك اصبري علي والله اني راجع لك انتظريني
أديم :مع السلامة الله معاك
أمير:انتبهي لنفسك
وقفل وتركها بحيرة متى يرجع لها أميرها ،دخلت عند البنات وهي تشتت افكارها
رنيم:بنات بروح اجدد القهوة وأجيكم
وعد:وانتي جايه جيبي لي معاك مويه بشرب ادويتي
رنيم:طيب حبي،توجهت للمطبخ وتصب المويه ف الدله وحطت بهارات القهوة وطلعت من الباب وقعدت وغمضت عيونها واخذت نفس عميق تشم نسمات الهواء البارد الي يداعب شعرها وفستانها وزفرت براحة ، ((فهد وهو يحاول يلعب عليها ))غطاء ع فمها بيده وهي تحاول تبعد يدها الي كتمت انفاسها وسحبها وراء المخيمات وحاصرها في زاويه وهو مافك يده من فمها وشافته فهد وقالها:اشش ولا كلمه اسمع لك
تحاول تصارخ لكن ماقدرت من قبضت يده وقال:ما بفكك الا لما تسكرين فمك فهمتي
رنيم دموعها جرت مجراها وهزت راسها بمعنى فهمت وفك يدها و لجمته بكف دوى بأذنه وقالت:ياحقير ياكلب كيف تقرب مني وانت تدري انك اكبر اعدائي
فهد ضحك بسخرية وقال: احبك
رنيم ضربت صدره ونطقت بكل عصبية:وانا اكرهك ياحقير يانسونجي
شد ع رسغها وقال وهو شاد ع أسنانه:لا تشككين ف رجولتي
رنيم تأوهت بألم وقالت:فكني وجع ومين انت عشان تيجي تواجهني مالك مكانة عندي ولا ذرة تتشرف فيك ورفسته بركبتها في بطنه بقوة
و وطاح يتألم ومثل ع انه مات وجت بتركض الا تشوفه معد يتحرك وقالت :احسن جعله بالموت وبين خطواتها راجعه للمطبخ تراجعت لوراء ونطقت بخوف:طيب لو مات
ورجعت وشافته مازال ع الأرض ونزلت له قربت منه فجعها ومسك وجهها وقبلها بكل قوته وهي تطلب النفس تضرب بيده ع صدره وتبكي لكن ماصغى لها وبعد محاولات يضعف تنفسها تدريجيًا وفكها واخذت شهيق وزفرت و انهارت طاحت ع الأرض تبكي بكل حرقه وقالت:تحسب اني بخليك ان انتقمت منك مااكون بنت سلطان آل سالم وقالت بأستفزاز:كـل تبن كل تبن
نفث دخانه في وجهها وصد رجع عند العيال ،و كحت انكتمت منه رجعت للمطبخ والقهوة قد أحترقت و جهزت قهوة جديدة واتجهت للمغسلة تمسح وجهها وهي من عوايدها لما تبكي تخفي دموعها داخل المويه واستجمعت نفسها وجففت وجهها بالمناديل و اخذت القهوة ورجعت للبنات ونسيت مويه وعد ،نورة:شفيك تأخرتي
أديم مسكت وجهها:وجهك محمر وعيونك مورمه
رنيم بتصريف :اي طلعت برا وتحسست عيوني من الحشرات
أديم ما أقتنعت لكن ماحبت تضغط عليها وتتخابر وياه بالبيت افضل نطقت:بسم الله عليك تعالي وجلسوا رجعوا يتقهوون ،وعد:رنيم حبيبي جبتي مويتي
رنيم ضربت راسها بخفه وقالت:ويي والله نسيت ذحين اجيبه لك
الغيم قامت :لالا تجلسي انا بروح المطبخ واجيبه معايه
رنيم جلست وكملت سواليف معاهم ولا كأنه شيء صار تحاول تلهي نفسها ،قامت إيلاف وشذى معاها متوجهين للمطبخ
الغيم:بنات تبون معايه كوكيز ؟!
شذى و إيلاف:مانقول لا
دقت ع سعود ووصلها صوته :ارحبي يعيوني
الغيم ابتسمت :الله بيقي من يرحب
سعود:أمري تدللي
الغيم بأحراج: تروح للمدينة عادي !
سعود يخلخل اصبعه بشعره وذا الشيء يخليه ينعس ونطق بصوت ناعس:والله اني معاي نوم معد فيني حيل
الغيم بتفهم:خلاص حبي بالعافية وقفلت بدون ماتسمع رده
إيلاف:وش فيك تغيرت ملامحك
الغيم:سعود بينام ومايقدر يروح يجيب لنا كوكيز
شذى :عادي عيني مره ثانية
قاطعهم وليد من عند بابا المطبخ وقال:يالغيم
الغيم لفت عليه بأستغراب:وليد بسم الله شفيك جاي كذا؟
الغيم لفت عليه بأستغراب:وليد بسم الله شفيك جاي كذا؟
إيلاف فز قلبها من سمعت صوته
وليد:امشي تعالي ،وتوجهت له وقالت:هلا وش تبي
وليد:سعود وصاني اجيب لكم الي تبونه وش تبون بسرعة
الغيم ابتسمت وقالت:فديته ماخلاها بخاطري
وليد :مالت عليك وع سعودك صفقني اليوم
الغيم طاحت تضحك وقالت :تستاهل
،وذا كله يصير تحت أنظار إيلاف الي حست بالغيرة من علاقتهم ،وليد:تعجلي وش تبين ؟!
الغيم :جيب ثلاث كوكيز ولفت للبنات وقالت:إيلاف  شذى حبي وش تبون ؟
وليد من سمع أسمها ابتسم إبتسامه عريضه  ودخل راسها من الباب وقال: إيلافي شخبارك
إيلاف ضحكت بخفه وخجل:الحمدالله تمامم
وليد:فديت الصوت وراعيته
إيلاف تقلب وجهها الوان قوس قزح وقالت:يمه جريئ
الغيم ضحكت عليهم وقالت:يحلوكم
شذى ضحكت عليها وقالت :اهههخ يا إيلاف طلعتي تعشقين وانا مدري
إيلاف ضربته بخفه ع كتفها وقالت:سدي حلقك لا يسمع
وليد ضحك:سمعت والله سمعت وانا اعشق طاريك وكل طوايفك
إيلاف خجلت وقالت عكس خجلها:خلاص انقلع عجبك الوضع لا يقفطك بحر يتوطى ببطنك
وليد :خايفه علي من اخوك الثور
إيلاف ابتسمت وماردت وهي تتمنى ماتنتهي سواليفهم ،
وعدل وقفته وقال:ها شتبون
الغيم :خلاص بس كوكيز
وليد :ابشري ياحرم سعود
الغيم:تبشر بالجنه
وتوجه لسيارته منطلق للمدينة ورجعوا البنات الغيم:وعودي ها حبيبي خذي المويه
وعد اخذته و نطقت:تسلمين عمري وشربت فيتاميناتها
نورة:بنات احس مليت عندكم سواليف ولا نمسك فرشنا
(البنات بين ردودهم:لا ماعندي-امسكي فراشك ابرك لك-لا الصراحة ودي نريح تعبنا)
كل وحده مسكت فراشها وع جوالاتهم يطقطقون .
"عند الحريم"
الجدة سلطانة : كيف رمضان معاكم عساكم بخير
كلهم بردود مختلفه (الحمدلله ع مايسر-بخير الحمدالله )
ام وليد : مراحب متى أمير أن شاءالله يرجع
ام أمير:والله دق علي وما قالي خبر جديد كالعاده
ام وليد:الله يوفقه ويرجع بالسلامة يارب
ام أمير ربتت ع يدها بخفه وقالت:الله يسمع منك
"عند البنات"
وليد ارسل للغيم  وكتب:تعالي خذي الكوكيز تحصلينه ف المطبخ
الغيم:طيب
وقامت متجهه للمطبخ ودخلت صدمت راسها بصدره وحاوط خصرها وهي كانت متلطمه بشماغه الي اخذته منه وعيونها كانت سحره تفتن وقالت:يمه خرشتني
سعود ابتسم بخفه وعيونه تلمع هيمان فيها وقال : يا ام عيون الواسعة السود ،الغيم ابتسمت بخجل وعيونه تتلألأ كما تتلألأ النجوم
سعود قرب منها اكثر وباس عيونها نزل راسه ع كتفها ونطق بصوت ناعس الثقيل:داعبي شعري مصدع ،الغيم احاطت بيدينها راسه ونزلته لصدرها وخلخلت أصابعها بشعره الويڤي الحرير ارتخى ملامحه وقشعر بدنه من لمساتها
وحست بثقل جسده دليل ع انه نام وقالت :سعود
سعود همهم لها :همم
الغيم:روح نام عند العيال
سعود هز راسه بنفي
الغيم ضحكت بخفه:بتنام بالمطبخ يعني
سعود:اذا انتي معاي مانقول لا
باست خده وقالت:طيب البنات ينتظروني بنتقهوى ع الكوكيز ،سعود:عادي اعطيهم وتعالي عندي
الغيم :طيب ثواني انتظر و بعدت عنه وأخذت الكوكيز حق إيلاف وشذى و اتجهت لهم و مدتها لهم وقالت :بالعافية
إيلاف و شذى :الله يعافيك بس وين رايحة
الغيم ابتسمت:مشغوله
إيلاف فهمت و ابتسمت وقالت:خذي راحتك
وتركتهم بدون رد ورجعت لسعود
وقالت:عندك مكان
سعود :اي
الغيم :وين ؟!
سعود :مو مهم امشي معايه ومسك يدها وسحبها ويمشون بخطواتهم وهي اكلها الفضول وين بيوديها وتوقفوا عن السيارة وفتح الباب الخلفي وقالت:هنا!
سعود:اي اركبي ،ركبت وركب من بعدها وقفل الباب وبحكم ان السياره مغيمه فما تعبوا والسياره وسيعه طلع بطانية وانزل راسه ع رجولها وغطى نفسه بالبطانية وتلعب بشعره وقالت:الحين انت بتنام وانا وين انام أجلس قاعده لين ينكسر ظهري سعود ناظر لها وسحب شماغه  من وجهها وشافها حاطه روج احمر مدمي وقام اعدل جلسته وقال:وفي فمها لونٍ أحمر كالدمٍ يذهب العين
الغيم تقلب وجهها ألوان وهو يغرقها بالشعر و الحب ،وقرب منها وباسها طرف شفتيها و سحبها ونزل راسها ودفنه بحضنه وغطاها بالبطانية معاه التزمت بصمت ماقدرت تقول ولا كلمه واكتفت بأنها تحاوط ظهره بيدها من تحت البطانية وهو يلعب بيده ع شعرها الحرير
وهو يمسح بيده ع شعرها الحرير وقاطعه إتصال الضابط علي لكن صمت الجوال بدون مايشوف مين المتصل ورجع يتصل مره ثانية بعدت منه وقالت:أمكن مهم
سعود:ماعندي حدٍ مهم غيرك وأخذ الجوال وشاف المتصل الضابط علي وهي بعد تشوف تحت انظارها وفتح وقال:خير يا علي
الضابط علي:شكلك ماتبي الدليل
سعود:احلف لقيت دليل
الضابط علي :والله لقيته
سعود:اشكرك والله ماتقصر حطه ع مكتبي وقفل باب المكتب معاك
الضابط علي:العفوا واجبنا يارجال و ابشر
سعود:تبشر بالجنة مع السلامة وقفل ،الغيم:دليل وش ؟!
سعود مسح وجهه وقال:المجرم الي بأبها تعرض لك
الغيم:سعود اتركه خايفه عليك
سعود:هذا وانا ضابط وزوجتي الضحية اخليه بارده مبرده يخسى ويعقب والله لأشرشح فيه بالسجون ولا أندمه ع كل ثانية قرب منك معاش الي يزعلك
الغيم مسكت يده وقالت : حبيبي الله لا يحرمني منك يا سعودي
سعود باس يدها:ولا منك يابعد قلبي
—
"عند الحريم"
غدير:يلا يالبنات بنحط السحور
كلهم قاموا يحضرون السفرة وجهز كل شيء ولفت هدى :بنات وين الغيم ؟
إيلاف:اتوقع راحت عند سعود قالتلي مشغولة
هدى:طيب بنات وحده منكم تراسلها تيجي
أديم:تم عندي ،ودقت عليها سناب وقالت:يالخروف ابعد عن غيمتي
الغيم طاحت ع كتفه تضحك ،سعود:توكلي غيمتي انا متى صارت غيمتك ياسراقه تسرقين مسمياتي روحي لأميرك
أديم وهي ميته ضحك وقالت:اروح له ماعندي مشكله
سعود:يالخفيفه اثقلي
أديم:كيفي مالك دخل يالغيم امشي حطينا السحور وننتظرك
الغيم:طيب عيوني جايه
وقفلت الجوال وفتحت الباب بتنزل الا ويسحبها بقوة ويشم ريحة عطرها من نحرها وقالت بصدمه من اندفاعه :مريض يربي صبرني
سعود ضحك بخفه:ومن سببه ،الغيم:عطني بس شماغي
سعود:اوب اوب جحودي متى صار شماغك
الغيم:من غطيتيني فيه وسحبته وهي تضحك وقال:كوكيزك ،الغيم:بالعافيه ع قلبك وتركته  بدون رد قلبه يتراعد وراها
ودخلت عليهم وجلسوا كلهم و سموا بالله وبدوا يتسحرون
الغيم:خالتي عطيني السلطة
ام سعود مدته لها واخذته الغيم
ام ذيب مرام:ماشاءالله انتي زوجة سعود ؟!
الغيم بخجل من سؤالها:اي انا
مرام:ماشاءالله الله يديمكم واضح يعزك و ويقدرك الله يحفظه لك
الغيم ابتسمت:أمين يارب
الجدة سلطانة:ماتدرون عن الغيم ماتتم فرحتنا الي بوجودها بسم الله عليها بلسم ع قلوبنا لها مكانة خاصة بقلوبنا وهي ريحة محمد وسماه أكيد غالية علينا
الغيم :حبيبي الله لا يحرمني منك وحضنتها لانها جنبها
ام ذيب وأمير:ماشاءالله الله يديمها لكم يارب
كلهم بصوت واحد:أمين
خلصوا سحورهم وكل البنات يساعدونهم يلمون السفره ويودونها للمطبخ والحريم والجدة سلطانة رجعوا لجلستهم وكل وحده ماسكة فراشها لانهم بالمخيم فرشهم أرضية ، والبنات كلهم بالمطبخ نورة ورنيم يرتبون المطبخ ونوف تغسل الأواني والغيم تسبعها وإيلاف تنضف الارضي هي وشذى وغدي ماسكه الهنوف تلاعبها وجالسه جنبها وعد،
الهنوف بصوتها الطفولي:انتي وش اسمت!
غدي قرصت خدودها :غدي
الهنوف:كيوت انتي كيوت
غدي باست خدودها :يمه شوفوا مين يمدح ماتدري انها الكيوت واللطافة كلها فيها
وعد ضحكت عليها وقالت:هي كذا تحب تمدح تقلد ابوها
غدي:يزينها تدنن
الهنوف صرخت بنداء ع ابوها :بابا وتصفق
وعد وغدي غطوا ع اذانيهم لان صرختها حاده
وعد:تبين بابا ؟!
الهنوف:ابي بابا بروح عنده
وعد:حبيبي اصبري ادق ع عمو فلاح
وعد دقت ع فلاح ووصلها صوته يقول:ارحبي يا ام هايف ارحبي ياحب قلبي
وعد ابتسمت بخجل لأن كان اسبيكر :البقى يابو هايف
فلاح:تحتاجين شيء يوجعك شيء اوديك المستشفى ؟!
وعد :لالا حبيبي بخير بس تعال خذ الهنوف لفارس
فلاح:تم اعتبريني اخذتها
وعد:مشكور يقلبي وقفلت ماهي ثواني وجاء وقال بصوت جمهوري:وعودي
وعد قامت وماسكه هنوف بيدها متجه له وطلعت وقالت:هلا حبي
فلاح باس راسها وقال:كيفك الحين
وعد واقفه بصعوبة وماسكه ع ظهرها وقالت:بخير ما عليه خلاف لكن والله مو قادرة اوقف وظهري يعورني فلاح حضنها وقال ارخي نفسك ترتاحين شوي وبادلته وكان حضنها وهي تحبه لما يهون عليها وبعدت عنه ونزل لين استوى ببطنها وباس بطنها بكل حنيه وقال:تطلع ونتحاسب تتعب وعودي