رحلة لقلب همجى

5 - اين زهرتى ؟

فى صباح اليوم التالى كان كل من اشلى وماتيلدا ومعهم اصلان وعدنان على متن تلك الطائرة المتجهة الى المجهول لتبدا قصة كانت فى طئ الكتمان منذ اكثر من 20 سنة

وصلت الطائرة التى على متنها السيد اصلان واتباعة على حدود الغابة الحمراء نظر اصلان لتلك الغابة التى تعتبر تحته مباشرتا عندما وجه حديثة للطيار

اصلان : ديمون نزلنا هنا ولف انت وارجع

ديمون : سيد اصلان المكان هنا مرعب مقدرش اعمل كده واسيبكم

اصلان : متخافش علينا احنا درسين المكان ده كويس اوى لو احتاجنا لاى حاجة انا هعرف اوصلك

ديمون : الى تشوفة يا سيد اصلان وبدا فى عملية الهبوط

بعد مرور ربع ساعة كانت عملية الهبوط قد تمت بنجاح واقلعت الطائرة مرة ثانية تاركة خلفها اصلان وعدنان واشلى و ماتيلدا

عدنان : لازم نتحرك بسرعة سيد اصلان

نظر له اصلان بابتسامة هادئة وقال : بسرعة ليه يا عدنان احنا فى اقلل من ربع ساعة هنكون عرفنا فين تولاى اهدى

اشلى وهى تنظر الى اصلان وتبتسم : فاكر سيد اصلان المكان ده

ابتسم هو لها وهو يهز راسة بالموافقة على كلامها : طبعا اشلى ياما لعبنا هنا واحنا صغيرين

لترد علية اشلى : وياما عملنا هنا حفلات السمر واحنا شباب

تنهد اصلان بالم وهو شارد ليقول : ذكريات كل ده بقى ذكريات اتحفرت فى قلبنا وعقلنا

عدنان : واية المانع سيد اصلان نعيد الذكريات دى

نظر له اصلان وقال : مع الاسف خلاص فات الوقت وفقدنا كل الاشخاص الى كنا بنستمتع معاهم عدنان وفقدنا معاهم روحنا

ماتيلدا : ليه سيد اصلان اية المانع

نظر لها اصلان وهو يقول : انتى وعدنان كنتم صغيرين يمكن يكون فى ذكريات بسيطة فى عقلكم بس الذكريات دى مش هتساعدكم انكم تعرفوا ليه لازم كل ده يفضل ذكريات

ثم تنهد وهو يقول : يالة بينا لازم نمر من الغابة بسرعة البرق والا انتم عارفين ممكن نقابل اية

وبالفعل تحركوا هم الاربعة بسرعة كبيرة جدا جعلتهم يخترقوا الغابة دون الشعور بهم من قبل الكائنات التى تسكن تلك الغابة

====================================

بقصر الهمجى

كانوا جميعا ملتفون حول طاولة الطعام لتناول افطارهم وهم يتحاورون حول امور كثيرة منها بعض اعمال الوكالة او بعض الطرائف مابين الشباب وبعضهم البعض

كانت تولاى لاول مرة منذ وطأت قدمها هذا المكان تنام بعمق بهذا الشكل بعد ان حضر لها الطبيب امس وقام بتغير بعض الادوية بعدما شكت له من ارقها وكمية الكوابيس التى تراها