𝗘𝗩𝗔𝗡 [ 𝗁𝖾𝖾𝗃𝖺𝗒 ] ✔️

V

ကိုယ်ပိုင်အလုပ်​နေရာတွင် ထိုင်​နေတဲ့ ဂျုံ​ဆောင်းဟာ ​ဘေးကဖုန်းကိုတကြည့်ကြည့်နဲ့ ဂနာမငြိမ်။ ဒါကို သူ့​ဘေးက ​ဆောင်းဟွန်းမှာ သတိထားမိသွား​လေပြန်​တော့ ​ခေါင်းတစ်ခါခါနှင့်လုပ်သည်။

မ​နေ့ညကလည်း ဘီယာသွားဝယ်မယ်ဆိုပြီး စတိုးဆိုင်ကိုထွက်သွားတဲ့သူက ကွန်ဒိုကို ​နောက်ကျမှပြန်​ရောက်လာပြီး ​ဆောင်းဟွန်း​တောင် မ​စောင့်နိုင်​တော့ဘဲ အရင်အိပ်လိုက်ရသည့်အထိ။

အခုလည်း အလုပ်ချိန်မှာ ဖုန်းကိုတကြည့်ကြည့်လုပ်​နေပြန်ပြီ။ ဒီ​ကောင် ဘာ​တွေဂယက်ထ​နေတာလဲ​တွေးရင်း

' ဘာလဲ ပတ်ဂျုံ​​ဆောင်း ရည်းစားရ​နေတာလား? '

အချစ်ဦးဆိုတဲ့လူက ပြစ်မှုကျူးလွန်သူဖြစ်​နေလို့ မြန်မြန် move on လုပ်လိုက်ပြီး ရည်းစားများရသွားတာလား​တွေးမိရင်း ​ဆောင်းဟွန်းက​တော့​ကျေနပ်​နေမိသည်။

မှန်တယ်။ ပတ်ဂျုံ​ဆောင်းက အဲ့လိုဖြစ်သွားရမှာ ၊ အဲ့လိုဖြစ်သွား​စေချင်ခဲ့တာ။ သို့​ပေမယ့်လည်း အဲ့ဒီအရာ​တွေအကုန်လုံးက တစ်သက်လုံးဖြစ်​မြောက်လာမည်မဟုတ်​​သော ​ဆောင်းဟွန်းရဲ့အ​တွေးသက်သက်ပင်ဖြစ်ပြီး

အခုအချိန် သူ့ချစ်သူငယ်ချင်း​လေးရဲ့ အ​တွေး​တွေကိုသာ ကြားနိုင်ခဲ့မယ်ဆိုလျှင် ​ဆောင်းဟွန်းတစ်​ယောက် ​သွေးတက်လိုက်မယ့် ဖြစ်ခြင်းပင်။

' ဘာလို့ ဆက်သွယ်မလာရတာပါလိမ့် '

အနမ်းတို့ပြက်လပ်သွားချိန်မှာ သူ့ဖုန်းနံပါတ်ကို​တောင်းလို့ ​ပေးပြီးတာနဲ့တစ်ပြိုက်နက် ရှက်ရှက်နဲ့ထို​နေရာက​နေ ထွက်​ပြေးလာခဲ့မိတဲ့ ဂျုံ​ဆောင်းဟာ အ​နောက်ကိုလုံးဝလှည့်မကြည့်မိခဲ့ပါ။

ဖုန်းနံပါတ်​တောင်းခံလိုက်ရတာ​ကြောင့် ဒီ​နေ့မှာ ဆက်သွယ်လာမည်ထင်ခဲ့​ပေမယ့် တစ်​နေသာကုန်သွားတယ် ဘာမှထူးခြားမလာခဲ့ပါ​ချေ။

စိတ်ဓါတ်ကျကျနဲ့ သက်ပြင်းသာချရင်း အခုအလုပ်ဆင်းရန်အတွက် ယူနီ​ဖောင်းကိုပြန်လဲ​နေတဲ့ ဂျုံ​ဆောင်းကို ​ဘေးက ​ဆောင်းဟွန်းက လှမ်း​ပြောလာတယ်။

" ငါ ဒီည ကင်းလှည့်ဖို့ရှိတာမို့ ကွန်ဒိုကို​တံခါး​တွေသေချာပိတ်ပြီး အိပ်ဦး ဂျုံ​ဆောင်း ၊ မနက်ကြရင်လည်း ​နောက်မကျ​စေနဲ့​နော် ငါနဲ့ဂျူတီလာလဲ "

ok sign ​ထောင်ပြလိုက်ပြီး ​ဆောင်းဟွန်းကိုလှည့်​တောင်မကြည့်နိုင်ဘဲ ထွက်လာမိတဲ့ဂျုံ​ဆောင်း။

ဆောင်းဟွန်းနဲ့သူနဲ့က အလုပ်စဝင်ကတည်းက စခန်းနဲ့အနည်းငယ် နီးတဲ့ ကွန်ဒိုတစ်ခုမှာ နှစ်​ယောက်အတူတူစု​နေဖြစ်ခဲ့တယ်။ ဂျုံ​ဆောင်းရဲ့အ​ဖေဖြစ်သူ ရဲမှူးကြီးမှာလည်း အခု​တော့ရာထူးတိုးလို့ ​တစ်ခြားမြို့ကို  တာဝန်ကျပြီးသွားကတည်းက ဂျုံ​ဆောင်းတို့အိမ်ခွဲ​နေဖြစ်​တော့တာပဲ။