𝗘𝗩𝗔𝗡 [ 𝗁𝖾𝖾𝗃𝖺𝗒 ] ✔️

A

Warning ⚠️
- Adult Scene
- Dirty Talk
read it at your own risk
(characters are just characters not related with idols)

_________________________________

" ဘာလို့လဲ ဘာလို့ငါက ဒီအမှူကို ဆက်မကိုင်ရ​တော့တာလဲ ! အခင်းဖြစ်တဲ့​နေရာအထိ​တောင် လိုက်သွားခဲ့ပြီးပြီ​လေ သက်​သေ​တွေ​ရော ပြီး​တော့ အခု​နောက်ဆုံး ​အ​လောင်း​ဆေးစစ်ချက်ရလဒ်ထွက်ဖို့ပဲကျန်​တော့တာကို ငါက ဒီအမှုကိုဆက်မကိုင်ရ​တော့တာလဲ "

မျက်​မှောင်နက်နက်​တွေဟာ အတင်းအကျပ်ကျုံ့ခံထားရတာကို ကြည့်ခြင်းအားဖြင့် မည်မျှ​လောက် စိတ်ရှုပ်​နေမှန်း သိသာလွန်းလှသည်။

ဒီမနက် စခန်းကို​ရောက်​ရောက််ချင်း ဌာနမှူးဆီကကြားလိုက်ရတဲ့ အ​သိ​ပေးချက်မှာ ဂျုံ​ဆောင်းကို နားမလည်နိုင်ဖြစ်​စေခဲ့တယ်။

ဘာ​ကြောင့်များလဲဆိုကာ ​မေးကြည့်​တော့လည်း ​ဖြေရှင်းချက်မ​ပေးတာ​ကြောင့် အခု သူငယ်ချင်းဖြစ်သူ​ဆောင်းဟွန်းကို ​မေး​နေရခြင်းသာ။ ​ဆောင်းဟွန်းကလည်း ထူးဆန်းတယ်။ သူ​မေး​နေတာကို အဖက်ကိုမလုပ်ဘဲ လုပ်ဆက်စအလုပ်ကိုဆက်လုပ်​နေသည်။

" ​ဟေ့​ကောင် ပတ်​ဆောင်းဟွန်း ငါ​မေး​နေတယ်​လေကွာ အနည်းဆုံး​တော့ ငါ့ကိုဘာ​လို့လဲဆိုတာ ​ပြောပြသင့်တယ်မဟုတ်ဘူးလား "

အဆုံးထိလက်မ​လျှော့ဘဲ အ​​ဖြေမရမချင်း သူ့ကိုအတင်းလိုက်​မေး​နေတဲ့ ဂျုံ​ဆောင်း​ကြောင့် ​ဆောင်းဟွန်းမှာ နားအူပြီး မျက်စိ​တွေစုံမှိတ်ချလိုက်ရသည်။

ဂျုံ​ဆောင်းလိုမျိုး အမှုတိုင်းကို​ဖော်ထုတ်နိုင်တဲ့ အရည်အချင်းရှိတဲ့ရဲတစ်​ယောက်အ​နေနဲ့ ဒါက နားလည်ရခက်ပြီး လက်ခံရခက်တယ်ဆိုတာကလည်း ဖြစ်သင့်ပါတယ်။.သို့​ပေမယ့်လည်း ဒီအ​ကြောင်းကို ​ဆောင်းဟွန်း အဘယ်သို့​ပြောရပါမည်နည်း။

" ပတ်​ဆောင်းဟွန်း .. "

" အခု အ​လောင်းရဲ့​ဆေးစစ်ချက်ရလဒ်ကထွက်လာပြီးပြီ ဂျုံ​ဆောင်း "

" ဘာ "

အဆက်အစပ်မရှိတဲ့ စကားလုံးတို့ထွက်ကျလာ​တော့ ဂျုံ​ဆောင်းမှာ နားမလည်​နိုင်အောင်ကို ဖြစ်ရပြန်တယ်။

" အဲ့ဒီမူးယစ်​ဆေး​တွေက Evan ​ထုတ်ထားတဲ့ မူးယစ်​ဆေး​တွေပဲ "

" ဘာ​ပြောတယ် "

အတတ်နိုင်ဆုံး မဟုတ်ပါစေနဲ့ဟု ဆု​တောင်းထားခဲ့​ပေမယ့် သူ့ဆု​တောင်း​တွေက​တော့ လျစ်လျူရှု့ခံလိုက်ရသည်ထင်ပါသည်။ ​ဆောင်းဟွန်းဆီက ထိုအ​ကြောင်းအရာကြားကြားချင်း ဂျုံ​ဆောင်းအသိစိ​တွေပါလွတ်ကုန်​လေပြီ။

Evan က အခု ဖမ်းဝရမ်းထုတ်ခံထားရတဲ့ တရားခံဖြစ်​နေ​ပေမယ့် အခုအမှုနဲ့ပါ​ပေါင်းရင် ပိုကြီး​လေးတဲ့အပြစ်ကို လက်ခံရ​တော့မှာ။ အဲ့ဒီအခါကြရင် သံတိုင်​တွေကြားထဲက ပြန်​ထွက်လာဖို့​တောင် အခွင့်ရှိပါ​တော့မလား မ​သိနိုင်​တော့ဘူး။