جنون الهيام ( الموسم الثاني )

الجزء 2 🔥🥀

جنون الهيام ... الموسم الثاني 🍷🥀

ملكية سيد العرش 🔥 .... sima jarisse  A.Y

دائما تكون البدايات 🍷 ...

طلعت نسب وحدي اووف علاه جا علاه رجع كنت مرتاحة هكا ضك يبدا يتحكم كي عادتو متلبسيش ومتروحش ومتخرجيش وأي خطوة نخطيها يكون ورايا .. طبطبت على باب سمية جارتنا حلت عليا نلقاها مدايرة الطابلية تاع الشغل وفولارة فوق راسها قتلها واش هذي الحالة قالتي الميناج اكي تعرفي عرس عائشة قريب قتلها اوو وقتاه هذا وهي ما عاد عندما شهور ملي تخطبت قالتي يبنتي هو حب يهز بلخف قالك مزروب وعندي خدمة باه نديها ونروح قتلها ولله شحال نكره زواج الزرب هذا اصلا مش عاجبني راجلها عوجت فمها قالتي واش خصو اسيدي قتلها امم والو وبنتك هذيك خدمت شوي في الباك قالتي راهي تقول خدمت قتلها لا مربحتش زوجيها زي ختها وصاي قالتي الزواج نصف الدين قتلها نهار تكون تصلي وتكمل دينها وهبطت مقلقة كون نزيد نلقاه ومزيا مكانش روحت نجري خارجة من البلوك وناس الحومة قاعدين نسا يقصرو ولخرين ينشرو القش خاصة منهم العجايز ووحدة تضرب في ولدها الصغير زدت لقيت نصيرة هازة صواشي وجاية تضحك من قلبها قتلها اها يا شيبة النار راهي الضحكة مرسومة من الشق لشق قالتي يخاه كي شفتك وليت نضحك قتلها كي تشوفيني يتحل فمك باين ملكة جمال الحومة ولات تضحك ستفزتني نطقت جارتها قالتي الزين ميكملش وحدو قتلها الزين كي يتلاقى مع الدارهم يولي حاجة خلاف وانا عندي الزين وعندي الدراهم يسما مكلاه قالتي بناتنا شابين والحمد لله قتلها متقارنيش ههه روحت وخليتها تغلي حق هذاك الما لي وسختني بيه .. خرجت من الحومة للفارماسي مكانش بعيد دخلت نلقى وحد الجان يشري من عندو كي شافني بقى يخزر فيا ويهز في حواجبو جاني الضحك صحاب لاكوست ولاريني قالو صحا خويا وخرج مزالو حال فمو فيا .. شريت وعاودت خرجت قابلني في الباب قالي اهلا الزين زرقة العينين قتلو صح مخصك والو بصح معرف علاه حسيتك كافي من عهد الارض الطيبة وطرطقت بضحك حتى هو يضحك كي الهايشة على روحو قالي انا طارق ونتي زينب واش رايك نعيشو قصة حب قتلو لالا زيدان خير  روح خويا روووح بعيد اخطاني تشوف مشيت وخليتو وهو مزال ورايا حتى وصلني للحومة .. مقدرش يدخل معروفة حومتنا بلي ميدخلهاش الغريب ومن بكري متربيين مع بعض كي تدخلها يقابلك رود عريض وحيطان تاع الديار مقابلين بعض وفي وسطهم طريق تديك لداخل كي توصل ساااحة كبيرة تتوسطها والديار دايرين عليها منهم الفوضوي ومنهم لي من عهد بكري .. ناس متماسكين مع بعض مالغري كامل معندهمش .. نشوف ديما المرا تساند راجلها ولو كان فقير مي هذي الفكرة مقدرتش نتقلبها .. خطبوني قداه من واحد منقدرش نعيش في المزيرية والهم كيما يعيشو هوما منقدرش اني نبات في ليل والسخانة تحرق فيا ولا نبات للجوع بلا تبناج الانسان كي يوالف طبيعة ميقدرش يتبدل عليها ... وحنا برك لي كنا لاباس بينا حتى دار امين ناس قد حالهم معندهمش لهذيك الدرجة هو يخدم بزاف عليهم وهكاك مش لاحق خاصة مع مرض ختو بصح ديما نلقاهم يقولو الحمد لله وديما يلبسو بيا هذا الشي لي شفتو فيهم ... طلعت للدار وانا خايفة نلقى امين وليت نطبطب بلعقل حلتلي احسان قالتي ويين كنتي قتلها روحت نشري وشبيك قالتي جدة بصح قالت روحتي لسمية قتلها تلاقيت امين ومالقيت كذبة غير هذي علاما راح انا هبطت شريت لجدة ودمونداني زيدان  وزدت طرطقت بضحك هي قعدت حايرة فيا قالتي شكون زيدان ابنتي قتلها واحد برك سمعت صوت جدة تعيطلي روحت لعندها مديتلها الدوا قالتي واش شريتي قتلها فوتها لامين وخرجت قالتي احسان واش قالك كي تلاقيتو قتلها سلمت عليه وصاي وقالي نحي البارسيغ قالتي جدة ضك هو يردك للطريق قالتي يماه مهوش راح يزيد يروح منا اصلا ونشوفك كيفاه ديري مقدرتش نحكم فيك الدم نشف فيا قتلها وين يقعد هذا قالتي لقى خدمة قالتها احسان بصح.جدة هو ياك قاري الله يبارك علاه مخدمش هنا قالتها يبنتي هو كان يحب العسكر كي دخل صرالتو اكسيدو في نفس النهار لي درتو نتوما الاكسيدو يقولو بلي يدير السبور وطاحت عليه هذيك معرف كي يسموها تكسر صدرو كامل شهقت قتلها اخاه قالتي هيه ولله كيما نحكيلك يماك قالت هكا قتلها ومسكين خرجوه قالتي ايه بلادنا نورمالمو يخرج يخلص مي دارو السبة انو الاكسيدو مشي داخل البلاصة لي يخدم فيها قتلها وين قالني يخي هو يدير السبور وتقاس قتلها ربي يشفيه مي جدة تعيشي قوليلو ميحكمش فيا قالتي يشهد ربي اني ملي جيت هنا هو لي عاوني وهو لي يطلعي القفة مالا يحكم فيك وراسك فوق رجلك قوليلي برك شكون يحبلك الخير من غيرو هو ولاد  الحومة طامعين فيكم بصح هو مفضلكم وخااااااصة نتي اجيهان حرزي روحك قتلها ميفضلني ما نفضلو كل واحد.يعيش حياتو قالتي ضك نشوفو الطيارة تاعك وين توصل ما قريتي كي لبنات ما درتي حرفة في يدك تضلي شادة هذاك تلفون وتبداي تقولي ظهري يوجع وراسي يوجع امشي ديجا درقي وجهك عليا امشييي