جنون الهيام ( الموسم الثاني )

الجزء 3

جنون الهيام ... الموسم الثاني 🍷🥀

ملكية سيد العرش 🔥 .... sima jarisse  A.Y

دائما تكون البدايات 🍷 ...

قتلها نتي هذا ما تعرفي ودخلت خبطت الباب نحيت البيل الفوقاني وروحن للكوافوز جبدت المكياج تاعي نماكيي والدمعة في عيني سوايع نتوحش والديا نقول كون غير جاو حيين دخلت عليا احسان قالتي وشبيك نتي تهدري مع جدة هكا قتلها نهدر ونزيد قالتي امين يحبك افهمي هذي الحكاية في راسك درت ليها قتلها وشمن حب نتي تحكي عليه اولا كبير عليا عمرو 32 ثانيا يتحكم بزاف وكي يقلق يولي عبد خلاف قالتي عبد خلاف معاهم مي نتي وشكون قتلها انا جيهان برك ومنيش حابة اي واحد يدخل فيا ولا يوريلي واش ندير قالتي المشكل كلامك وطيارتك غير لينا اما هو تولي قدامو فلوس بلعت ريقي ما لقيت ما نهدر صح انا نخافو يعيط بزاف وقت يقلق وخطرة واحد تبلاني حكمو قتلو بضرب مخلاش فيه قداه من واحد يقولي انو يحبك بصح انا منحبوش منحملش نشوفو فيه صفات الرجولة لي تتمناها اي بنت وانا ميدخلش لخاطري كل قلب لواش يرتاح ... قتلها احسان كون تتلهاي في روحك مشي خير !!! قالتي صااار اني لاهية يا الكلبة وخرجت .. قصص إدمان سيما . هزيت كتافي وكملت خدمتي .. لحق المغرب جداتي ناضت تصلي هي واحسان وانا كل مرة كيفاه ربي يهديني روحت حطيت ليا ناكل سمعت صوت الباب يادرا شكون هذا بلاك راجل خالتي روحت نحل .. لقيتو امين رجعت لور كي شفتو كان لابس قميص اكحل وهاز سجادة في يدو قرب مني حط يدو على فمي ومسح قالي واش كنتي تاكلي قتلو ايه تبسم قالي وينها خالتي قتلو تصلي قالي مالا كي تخلص روحو لدارنا قتلو لاه قالي جات في بالي عندك مشكل تنهدت قتلو لا معنديش قرصني من خدي قالي ستعقلي وهبط زادت خرجت يماه قالتي ابنتي خبركم امين قتلها ايه ضك تخلص جدة وتجي قالتي مام نتوما ياك قتلها امم وغلقت الباب عيطتلي جدة قالتي وشكوون قتلها هذاك امين قالكم ارواحو لدارهم قالتي غير الخير قتلها معرف غير روحو انا نقعد نتعشى هنا تعرفيني منحبش نروح للناس قالتي يا طفلة نتي هبلتي طغيتي صاي قتلها اااااا صاااااي منرووووووحش قالتي شي خطرة تقتليني خرجت احسان لابسة طقم الصلاة وتهدي فيها قتلها جدة بصح على جال هذو العايلة وليتي تكرهيني قالتي نكرهك يا بنتي وييين نكرهك كاين لي يكره كبدتو افهمي امين يحبك خلينا نطيحو القدر ضك هو يحبك وكامل علابلهم بهذا الشي غير نتي مكيش فايقة مقدرتش نسمع هذا الكلام دخلت لشمبرتي مخليتها تعيط منبعد راحو لدار امين ..قصص إدمان سيما .. هزيت تلفون نتفرج ودرت الغنا نضت نشطح وشعلت الديسكو بلوتوث لي  عندي طفيت الضو ولات شمبرتي زي الديسكو وليت نشطح وندور وحدي حتى سمعت الباب هذي  احسان كشما نسات خرجت نجري نحل .. بلعت ريقي كي شفتو امين وهو عاقد حواجبو عيط عليا قفزت قالي كنتييييييييي ديري   بااااار هنا وخلاص دخل بلا مقدمات لشمبرتي تفكرت تلفوني معمر بليزامي في الفيس والانستا قلبي هبط في رجلي .. شعل الضو وانا نشوف فيه هز تلفون طفا الغنا دار ليا قالي واش هدرت انا ااه قتلو صراحة انا عيط عليا وااااااش هدرت ياك قلنا خطيك من الغنا هذا  جيت نهدر قالي اسكتي منسحقكش تهدري انا مكنتش خايفة منو قد ما كنت خايفة يشوف تلفون قتلو صاي مراحش نعاود.قربت ليه حضنتو قتلو صاي قالي لا اله الا الله وحط يدو على ظهري ديري المشاكل منبعد تبداي تبكي جبدني ليه كثر باسني من راسي قالي صاي منحبش نعيط عليك انا بعدتو وديت تلفون قتلو منزديش نسمع الغنا حط يدو على خدي تبسم قالي صحيتي علاه مجيتيش للدار قتلو مش حابة قالي يالله قدامي البسي حاجة مستورة متزديش تحلي هكا قتلو اوك روحت هزيت البيل ولبستو خبيت تلفون في الخزانة و جبدني من ذراعي وراه طفى  الضو ودا المفتاح من الباب وغلق الباب وراه طبطب في باباهم برجلو حلت علينا ختو سليمة وولادها جاو وراها يجرو قالتي اا جيهان جيتي ختي ولله كنا نستناو فيك وقالتي جداك تعشات قتلها الصراحة ايه قالها امين تجي بسيف عليها ودخلني قابلتني جدة مع احسان في الصالو وخالتي زكية وختو رانيا لي معوقة دخلت قالتي جدة جيتي قتلها لا مزال زير امين على يدي ضحكت قتلها ايه جيت كنت راح ندخل نقعد مي يدو حكمتني درت ليه يحكي مع ختو قتلو امين مردش عليا عاودتلو امين خزر فيا قتلو يدي شاف فيها شوي قتلو اطلق يدي نقعد طلقني وكمل مع ختو انا قعدت توال جدة قالتي خالتي زكية جابك امين ولله هو دواك تنهدت وقلبت وجهي من كلامهم امين امين قلبي وجعني من هذي السيرة بدات سليمة تحط في العشا وتدي وتجيب وولادها عاقلين يعاونو فيها نطقت جدة قالتنا نوضو عاونوها ناضت احسان وانا لا قرصتني قالتي نوضي قريب نبكي من التعامل هذا