" احبك لو انك في ديار الخطر والخوف "

7

وراح سمير عن سلطان وقال سلطان : هذا من قال له اني تزوجت ؟
ومشى سلطان عند هيثم وقال له : يا هيثم
هيثم : وش تبي
سلطان : هيثم بالله عليك أسلوبك تشوفه حلو ؟
هيثم : اي عاجبني وكيفي
سلطان : اسكت بس جاي اقول لك شي
هيثم تحمس يعرف وش السالفه وقال : وش فيه
سلطان : توه جاني سمير ولد غانم
هيثم : مين سمير ؟
سلطان : سمير هذا حفيد اخو جدي
هيثم قعد يفكر بشجره العائلة ويعرف من هذا وتوه تذكر : اها هذا
سلطان : اي
هيثم : طيب وش قال لك ؟
سلطان : قال لي الف الف مبروك بس ليه ما عزمتني وانا وقتها استغربت وقلت له وش الي ما عزمتك
قال لي زواجك من هيام وانا سويت نفسي تذكرت وقلت له توي اذكر اني تزوجت وقال لي اي الرجال ينسون
هيثم بإستغراب : من قال له ذا ؟
سلطان : أنا جيت اسألك
هيثم : روح اسأل رغد
سلطان : لا احس رغد بتقول ل هيام لان هيام ورغد أسرارهم عند بعض
هيثم : طيب وإذا قالت ل هيام لان هيام أصلا ما تتكلم
سلطان : بس مستحيل تسكت لان السالفه هاذي تخصها ؟
هيثم : اجل مين يعني
سلطان : بروح اسأل سمير واقول له من قال لك
هيثم : تمام
سلطان راح ل سمير وقال له : يا سمير
سمير لف له وقال : نعم
سلطان : من قال لك خبر زواجي ؟
سمير : اختي
سلطان : طيب من علم اختك
سمير : سمر ما غيرها تعلم اختي بكل اخبار البيت
سلطان بصدمه قال : ها ؟ اها خلاص شكرا
سمير مشى وركب سيارته وحرك لبيته

*عند الحريم الساعه ١١:٠٠ *

الجده : يلا يا هيام روحي نزلي سمر
هيام : لا يا جده خليها الساعه ١٢:٠٠ احسن
الجده بعصبيه : بسرعه قلت لك روحي نزليها تزف ولا ألطمك كف
هيام : طيب طيب
وطلعت هيام فوق عند سمر وقالت : سمر يلا زفتك الحين
سمر :انتي بتنزليني ؟
هيام : اي
سمر : لا مابي
هيام : اقول لك بسرعه بس
هيام مسكت سمر وقعدت تزف سمر وبشويش والجده ترش عليها ورد وسمر تسوي نفسها مستحيه والين وصلت عند الكوشه
وقفت واشتغلت أغنيه ( مبروك ... بلقيس ) واشتغلت الاغنيه والكل قعد يرقصون ويسلمون وهيام جلست على الكنبه تعبانه من الي عملته اليوم مرهه وكمان البنات نفس الشي ودخلت رغد المطبخ عطشانه وجت تاخذ مويه و فجاه سمعت صوت وراها ورجعت خطوه ورا من الخوف
وقالت : مين
هيثم : أنا هيثم
رغد : وجع فجعتني
هيثم ذايب من جمالها وقعد يتأملها ودخلت عقله وقال : جميله ماشاءالله عليك كلها قريب ويجمعنا الله
رغد استغربت من كلامه وقالت : وش قلت توك ؟
هيثم استوعب وقال : لا ولاشي بس أعطيني التمر الي هنا
رغد اعطته التمر وفجاه شم ريحة عطرها ذاب اكثر وقالت له : اقول بس اطلع أزعجتني بس تلحقني
هيثم ضحك وقال : بكرا تشوفيني بكل وقت معك
رغد : ايششش
هيثم : ولا شي
وطلع هيثم من المطبخ وراح عند الرجال واعطى جده التمر لان جده طلب منه يجب التمر

معليش تأخرت عليكم بس عشان عندي اختبارات وتعرفون عاد ان يبغى لها مذاكره بس لعيونكم كل ما اجي من المدرسه اكتب لكم وانزلها واحاول قد ما اقدر اني اكتب لكم افضل الروايات واتمنى أنها عجبتكم وانتظروني في البارت الثاني ❤️🙏🏼