" احبك لو انك في ديار الخطر والخوف "

17

الجدة عرفت ان هيام و رغد جوا من برا وناداهم و قالت : هياااام ، رغدددد
هيام سمعت وراحت لها وقالت : هلا
الجده : وين رغد ؟
هيام : مدري
الجده بصوت حاد : وينها اقول لك !
هيام : قلت لك مدرررررييي
الجده : طيب ببدا بالموضوع المهم مو عيب عليك تركبين مع واحد مو محرم لتس ؟ ( معليكم هي لهجتها كذا بالسين ومرات تقول بالكاف )
هيام : ليه عيب ! وكمان انا ما ركبت قدام عشان يصير عيب ولا قعدت اتكلم معه واضحك كثير من الاساس !!
الجده : طيب طيب الحين بدق على سلطان يجي ويقول لي السالفه الحقيقه يا الكذوب
هيام انصدمت وقالت : انا كذابه !
دقت الجده على سلطان وقالت : الو
سلطان : هلا يا جده
الجده : لا تكثر كلام معي
سلطان استغرب وقال : ليه وش فيه ؟
الجده : مو عيب تطلع معك وحده غريبه للسيارة ؟
سلطان استغرب وقعد يفكر بعدين قال لها : ما قد طلعت معي احد غريب
الجده : و هيام !
سلطان عصب شوي بس ما بيّن لها وقال : معليش يا جده هيام بنت عمي ولا هي غريبه
الجده : بس انت محرم لها ؟
سلطان : عندي سؤال  بالله عليك إذا أنا مو محرم لها كيف تخيليني أشوفها بدون عبايه ولا طرحه ؟
الجده ترددت ولا عرفت ترد ب حرف وقالت : خلاص مع السلامه مع السلامه
وقفلت الاتصال وقالت بصوت عالي : يا ام سلطان
ام سلطان جاتها وقالت : هلا يا عمتي
الجده بعصبية : اسمعي لا عاد اشوف هيام تركب مع ولدك فاهمه
ام سلطان استغربت وقالت : ليه وش فيها يعني
الجده بعصبية : ولدك مو محرم لها عشان تكرب معه
ام سلطان : بس هيام ما تركب قدام عشان يصير حرام
الجده عصبت من كلام ام سلطان وقالت : كيفي أنا ابي اخليه حرام فأهمه ولا لا
ام سلطان عصبت بس سكتت لها عشانها ام زوجها وكمان كبيره بالعمر
*عند البنات*
هيام : بنات
هدى : هلا
هيام شافت ان محد درا عنها غير هدى قالت بصوت شوي عالي: بناااااااتتتتتت
رغد وهي ماسكه الجوال تقلب بالفيديوهات قالت : هااااا وش تبين
هيام عصبت من حركتها وقالت : خير احنا جايين ننبسط ولا جايين عشان الجوال
عبير قالت : هيام مو وقتك
هيام : افففف شكلي بروح للصاله
هدى مسكت جوالها وتأففت وقالت : روحي بدل الإزعاج هذا
هيام راحت للصاله وجلست على التلفزيون وشغلت مسلسلها
*عند العيال*
غامد : يا عيال
خالد : وش تبي
غامد : وربي جاتني فكره جااااامدههه
خالد تحمس شوي وقال : وش قول
غاد، : لازم اقول للعيال كمان
خالد صارخ بأسم سلطان وهيثم و سليم و سلمان وجا سلطان ركض وقال : وش فيه
خالد : يا عيال غامد بيقول فكره جامده
سلطان كشر وجهه وضرب خالد ضربه خفيفه وقال : منجدك عشان ذا الموضوع تناديني كذا ؟
خالد : ايوا وش فيه
سلطان : ولا شي
غامد : المهم يا عيل بقول لكم
سلطان : يشيخ اخلص علينا
هيثم : هذا ترا ما عنده سالفه
سليم : قول
غامد وهو متحمس : شرايكم ندخل البيت وبعدين ندخل غرفه البنات
سلطان : خير
غامد : اصبر خليني أكمل
سلمان : كمل كمل
غامد : وبعدين نجلس معهم ونحب بعض
سلطان أنصدم وقال : خيرر لا يالحبيب
غامد : عادي أنا اجلس مع هدى
خالد عصب وراح هجم على غامد ومحد قدر يفك غامد من خالد إلا عقال سلطان
وفكوا بعض وقال سلطان : بزران انتم اعقلوا
خالد وهو معصب : أسمعك بس تعيد اسمها على لسانك
غامد وهو متكسر وقال : بطلع
سلطان : روحه بلا رده
هيثم : تعالوا نروح عند جدتي
سلطان غمز ل هيثم وقال  : متاكد ؟
هيثم : لا عاد مو لهدرجه يا سلطان اروح لها
سلطان : لا بس ابي اعرف إذا متاكد انك بتروح ل جدتي ولا ل احد ثاني
هيثم : لا هاذي المره بروح ل جدتي صدق
سلطان : طيب

اسفففههههههه اسفهههههه اني تأخرت عليكم كثيررر وكمان خليت البارت قصير اسفه وربي حقكم علي بس عشان الاختبارات بتجي وانا عندي أسبوعين  اختبارات الاسبوع ذا اختبر حق السماعي  والأسبوع الجاي  النهائي وادعولي بالتوفيق وانا اسفه اني طولت 🤍🥺