" احبك لو انك في ديار الخطر والخوف "

15

معليش تأخرت عليكم بس عشان خلصت كتابه وتخيلوا كله انحذف ياربييي تعبت وانا اكتب فيه بس تستاهلون ارجع اكتب

وناموا البنات والعيال جلسوا صاحيين
قال سلطان : آخ والله مافي باليد حيله
هيثم : مو مصدق مووو مصدق
سلطان : خلينا الحين نطلع من الغرفه عشان ينامون زين
هيثم : تمام
وطلعوا من الغرفه وراحوا عند الرجال
*عند الحريم *
الجده : اقترحوا لي عرسان ل هيام و رغد
ام فيصل : لا معليش يا عمه ل هنا وبس
ام سلطان : والله معليش مستحيل اخلي بنتي تتزوج غصبًا عنها
ام فيصل : المعذره إذا الموضوع كبر اكثر مالي قعده هنا وبرجع أنا وبنتي وعيالي للمدينه
الجده : روحي بس تخلين هيام هنا
ام فيصل : وليه ان شاءالله
الجده : عشان بتعرس ان شاءالله
ام فيصل وقفت وقالت : لا معليش ترا زودتيها سكتنا لك مره ومرتين وثلاث الحين جايه تقولين بخليها تعرس ؟
ام سلطان وقفت جنب ام فيصل وقالت : اي كلامها صح وبعدين ليه تزوجينهم وهم مو موافقين وعلى اي أساس
الجده قعدت تطقطق أصابعها وقالت : أنا ما قلت لكم لا تمشون ، أنا قلت خلو البنات عندي بس انت امشوا
ام سلطان : لا عاد الحالة زادت اكثر وأكثر
ام فيصل مشت للمطبخ واخذت جوالها ودقت على ابو فيصل ورد عليها وقال : الو
ام فيصل : متى نمشي
ابو فيصل : ليه وش صاير
ام فيصل : طفشتنا امك بس تقعد تزوج بناتنا خير شفيها ذي
ابو فيصل : ايش فيكم انتم اليوم كلكم مو عاجبكم الموضوع
ام فيصل : لا والله يعني تبينا ننبسط وبنتنا زعلانه ؟
ابو فيصل : لا طبعا بس يعني
وقاطعت حديثه ام فيصل وقالت : بلا بس بلا بطيخ شوي ونمشي
ابو فيصل : لا معليش نبي نجلس هنا كلها شهرين ونرجع
ام فيصل وهي مصدومه  : شهرين !! منجدك انت ولا فيك شي
ابوفيصل : المهم بس رجعه مافي إلا بعد شهرين
ام فيصل وهي معصبه قالت : طيب
وقفلت الاتصال ورجعت عند الحريم وجلست
ام سلطان قالت بصوت خفيف ل ام فيصل : مدري احس لو قلت ل ابو سلطان بيقلب علي
ام فيصل : ارتاحي أنا كلمت ابو فيصل وقال لي مافي رجعه إلا بعد شهرين
ام سلطان شهقت وقالت : وربي كنت حاسه بس مو لهدرجه شهرين !
ام فيصل : وش يدريني عنهم
*عند البنات *
هدى : فين هيام ورغد
عبير : كل شوي يختفون
ريم : يوهههه منهم كل شوي نضيعهم
هدى قامت وقالت : الحين بروح أشوفهم
ريم : تماموراحت هدى عند البنات ودخلت وقالت : بسم الله شفيه وجهكم
صحت هيام من النوم وقالت : ليه وش فيه
هدى : وجهك كان احد مزعلك
هيام تذكرت وقالت : لااا ليه تذكريني
هدى : ب ايش ؟
صحت رغد وقالت : ايش فيكم
هدى : حتى انتي وجهك كان احد مزعلك شفيكم اليوم ؟
رغد تذكرت وتأففت وقالت : لااا راح نتزوج غصباً عننا
هدى انصدمت واستغربت وقالت : وش السالفه ؟
رغد بضيق وقالت: جدتي بتزوجنا رجال ما نطيقهم وتقول عشان نتربى وتقول ابوي و ابو هيام موافقين
هدى انصدمت وشهقت وقالت : لهدرجه جدتي كذا ؟
هيام : وش تتوقعين منها يعني
هدى : بنات لا تزعلون
رغد : شلوووون ما نزعل بالله ذي سالفه تفرح؟
هدى : لا بس انتم لا تأخذون الموضوع بجدية
هيام : لا هدى انتي مجنونه ؟
هدى : لا بسم الله علي
هيام : وش قصدك يعني الموضوع مزح؟
هدى : ممكن
رغد : فين البنات طيب ؟
هدى : فالصالة
رغد : تمام قولي لهم السالفه وانا و هيام بنجي
هدى : تمام
وطلعو هدى من الغرفه وراحت عند البنات
ريم : وش في ؟
عبير : شفيك ؟
هدى قالت لهم السالفه وعبير شهقت وقلت : خيررر منجدها ذي
ريم انصدمت : لا عاد مو كذا ؟
هدى : مدري عنها
*عند العيال *
سلطان : هيثم
هيثم : ها ؟
سلطان : احس البنات قاموا من النوم
هيثم : خلينا نشوفهم
سلطان : قدام
وراحوا سلطان و هيثم عند البنات ودخلوا
هيام قالت : وش تبون
سلطان : مانبي شي بس نبي نتطمن عليكم
رغد : احنا بخير
هيثم : والله ما ظنتي
هيام : هيثم احنا قلنا إننا بخير ليه تبونا نصير تعبانين ؟
سلطان : لا العذر والسموحه ما كان يقصد شي
هيام : رغد تعالي نروح عند البنات
رغد : تمام
وطلعوا البنات من الغرفه وراحوا للصالة والعيال مصدومين من تصرفاتهم
سلطان مستغرب : شفيهم
هيثم : مدري
سلطان : انت ما تدري عن شي
هيثم ضرب سلطان بشويش وقال : انقلع بس
سلطان : ابشر
هيثم : سلطوني صاير تسمع الكلام
سلطان مسك هيثم وقال : قسم بالله لو اسمه اسمي ينقال كذا وربي لا أسطرك
هيثم : ابشر
سلطان : ايوا كذا
* عند الحريم*
الجده : ام فيصل وأم سلطان
ام سلطان : هلا
ام فيصل :هلا
الجده : بناتكم يكرهون مين من العيال
ام فيصل : أتوقع يا عمه هذا شي ما يخصك
ام سلطان : منجد
الجده انصدمت من ردهم وقالت : طيب طيب على أسلوبكم ذا معي تشوفون
ام سلطان : يعني هذا تهديد ؟
الجده : افهميها زي ما تبين
ام فيصل : بكبر عقلي صراحه وبحترمك عشان ام زوجي ولا لو انك احد ثاني كان سويت شي ثاني
الجده : اي عشان اجلس على قلبك
* عند البنات *
رغد : بنات
هيام : ها
هدى : وش
عبير و ريم : هلا
رغد : بروح للبقاله مين تجي معي ؟
هيام : أنا
هدى : مابي
عبير : مره احس اني دايخه
ريم : لا مابي
رغد : تمام
هيام راحت تلبس عبايتها وقالت : رغد بنمشي مع مين
رغد : مع سلطان
هيام : تمام
رغد قعدت تلبس عبايتها وقالت : هيام
هيام : هلا
رغد : تكفينن أقنعي سلطان يودينا
هيام استغربت وقالت : ليه مو انتي
رغد : لا عشان لو قلت له أنا ممكن يرفض وانتي مستحيل يرفض لك طلب
هيام بدون تردد قالت : تمام
رغد : انتي نادي سلطان وانا بكون معك بس انتي كلميه تمام ؟
هيام : تمام
وراحوا البنات للمزرعه ( او الحوش كلها واحد ) وراحت هيام عند سلطان وقالت : سلطان
سلطان : عيونه
هيام : تكفى وديني البقاله أنا ورغد
سلطان : تمام
هيام : شكراا
رغد تحمست وقالت : شكرااا
سلطان : لا داعي لا داعي
رغد : كل تبن
سلطان : ابطل ؟
هيام : لا معليك تمزح
سلطان : امزح معكم
هيام : تمام
سلطان جاب المفتاح وقال : اركبوا
ركبت هيام ورغد ورا وسلطان قال : لا والله كلكم ورا ليه
رغد : في مشكله ؟
سلطان : الحين يحسبوني سواق
هيام : عادي وش فيه السواق
سلطان : يلا بسرعه اي وحده منكم تركب قدام
رغد غمزت وقالت : ليه اي وحده ؟
سلطان : مدري بس بسرعه
رغد ركبت قدام وهيام كانت ورا وشغلوا اغاني قبل ما يوصلون وقال سلطان : بشغل أغنيه
هيام : تكفى سلطان لا تشغل اغاني الحب حقتك
سلطان : ليه
هيام : مدري احس انك تقصد احد
سلطان : اكيد لازم اني اقصد احد
هيام : امشي بس
سلطان : من عيوني
هيام : خير سلطان وش الي من عيوني
سلطان وهو يسوق قال : قبل شوي قلت لك من عيوني وما قلتي شي ؟
هيام : ياخي ما اركز أنا
سلطان : وصلنا للبقالة
نزلت هيام و رغد للبقالة وكل وحده افترقت عن الثانيه وهيام راحت عند قسم العصيرات ورغد راحت عند قسم الحلويات
وكان عند قسم العصيرات ٢ هنود اول ما شافوا هيام قالوا : واو مدام انتي مره حليوة
هيام خافت وتوترت وكانت ترجع ورا والهنود يقدمون وصارخت هيام وقالت بأعلى صوت : سلطاااااااان
سلطان سمع اسمه وكان عارف انه صوت هيام وقعد يركض اول ما شاف الهنود قال : خيررر مجتمعين
الهنود خافوا بس جو عند سلطان وقالوا : مدام مرا حيلوهه
سلطان عطاه كف وقال : لو تقرب عند زوجتي أذبحك
الهندي الثاني : مدام إنتا مره حلوو
سلطان عطا الثاني كف وقال : انقلعوااا
والهنود راحوا يركضون
وهيام جات ركض عند سلطان تبكي وحضنته وسلطان بادلها الحضن وقال : لا تخافين وانا عندك
هيام كانت تبكي وتقول والله ما امشي لحالي مره ثانيه
سلطان : هيام تكفين لا تبكين

وبس ان شاءالله عجبتكم بس احس ان الروايه مو حلوه لان فيها أشياء مره اوفر وأنتم قولوا لي رأيكم فيها 🌸🤍