" احبك لو انك في ديار الخطر والخوف "

10

* عند العيال *
هيثم : يا عيال شرايكم نروح كشته مع جدي وعماني
سلمان : وربي فكره
غامد : اخخخ بشوف الحب هـــدى
خالد بعصبيه : ايش قلتت
غامد : اي بشوف الحب شعندك
خالد : تخسي وتعقب تشوف اختي
غامد : وش الي ما أشوفها مو على كيفك جدتي قالت محد يتغطى عن الثاني يعني بشوفها كل يوم
سامر : خالد خله يقول الي يقول بس لو قرب منها ياويله
خالد : وربي عشانك يا سامر سكت ولا والله كان طحت فيك
غامد بدون اهتمام : عادي
سلطان جاهم ركض يقول : يا عيال
سليم : خير
سلطان : شذا الأسلوب
سليم : شفيه أسلوبي
سلطان : اي ما عليك شرهه نفس اختك
سليم : شفيها اختي مسوي فيها شي ولا معجب
سلطان قال بقرف : يع أنا أعجب ب سمر ، لا والله انك أنجنيت
سليم مسك سلطان من كتفه ودفه سلطان وقال له سلطان : وربي تمد يدك امحيها لك
سليم شوي خاف من التهديد و وخر يده ومشى
قال هيثم : كفو وربي
سلطان : كفوك الطيب الإشكال هاذي ما يمشي مع إلا العين الحمراء
هيثم : سلطان
سلطان : هلا
هيثم : شرايك نقول ل جدي نروح نكشت مع عماني و زوجاتهم وعماتي بعد
سلطان عجبته الفكره وقال : قدااام يبوي
وراح سلطان هو و هيثم عند جدهم : يا جدي
الجد : هلا وش بغيت
سلطان : يا جدي نبي نكشت كشتة عائلية
الجد قعد يفكر و عجبته الفكره وقال : طيب بس روحوا قولوا ل جدتكم وأمهاتكم وعماتكم يجهزون
ابو فيصل : يا يبه متى نمشي
الجد : لما يخلصون الحريم
ابو سلطان : والله البلشه
الجد : ليه
ابو سلطان : يا يبه الحريم مرهه يطولون ويجي الليل وهم لسا
الجد : اسكت بس
ابو فيصل : يبه
الجد : اسكت انت الثاني
ابو فيصل :ابشر
* عند الجده *
الجده : يا بنات
هدى : هلا يا جده
الجده : سلطان يقول هو و هيثم بنروح ل كشته بالبر وتجهزون
هيام : ها ؟
الجده : اي بنروح للبر في مناع
هيام : لا بس المفروض من بدري نعرف
الجده : انتي لو ما مسكتي لسانك أقصه لك
هيام : قصيه
الجده عصبت شوي وقالت : ايش
هيام مصره على كلمتها وقالت : قصيه
الجده : بسكت لك عشان الحين بنمشي وننبسط مابي الجو يخرب علي بسبتك
هيام مشت وطنشتها والبنات عرفوا ان بيمشون للبر شوي
والأمهات والعمات جهزوا الأغراض بس باقي البنات يلبسون العبايات ويمشون
ام فيصل : يا هيام
هيام : هلا يمه
ام فيصل : البسي العبايه بسرعه
هيام : طيب
ام سلطان : يا رغد جهزتي
رغد : لا بس باقي العبايه
ام سلطان : بسرعه اخلصي ترا العيال برا
رغد : ايش ؟
ام سلطان : اي جدتك بتقسمنا بالسيارات
رغد : يوههههه
ولبسوا البنات وجهزوا وطلعوا عند جدهم والكل جاهز وقالت الجده : الترتيب راح يكون

*سيارة سلطان *
سلطان يسوق جنبه هيثم
وراهم هيام و رغد و سمر
*سيارة غامد *
غامد يسوق وجنبه سليم
وراهم هدى و عبير
*سيارة سلمان *
سلمان يسوق جنبه خالد
وراهم عبير و ريم

*سيارة فيصل *
فيصل يسوق جنبه سامر
وراهم محد

* سيارة ابو فيصل *
ابو فيصل يسوق جنبه ام فيصل
*سيارة ابو سلطان *
ابو سلطان يسوق وجنبه ام سلطان
* سيارة الجد *
الجد يسوق وجنبه الجده و وراهم العمات

الجده : شرايكم بالتقسيم
هيام : وليه كذا بالتحديد
الجده : انا ابي كذا
هيام : كان خليتي كل واحد مع أهله احسن من التقسيم ذا
الجده : بسرعه قدامي

والكل حرك بالسيارات

وانتظروني بالجزء الثاني 🌷🤍