غرام إبن العم ( باللهجة الجزائرية )

البارت الثاني 🔥

🥀غرام إبن العم 🥀

تقاليد دمرتني .... ⚜ عروش عليا ⚜

بقلم إدمان سيما ... sima jarisse A.Y 🥀🍷

الجزء 2

🖤 احقا مزال الجهل يسري في هذا العالم .. !!!!!

شفت في أسيل قتلها هيا عمري نهبطو حكمتني من يدي قالتي هيا اسولة الشابة ضحكت معاها وهبطنا نمشيو بشوي وهي كل مرة تقولي هذي شمبرة فلانة وفلان تحكي زي الكبار تقول عمرها 20 سنة تلاقينا بعمي مراد ( الكبير ) طالع قالي واش بنتي وشراكي قتلو ولله لباس قالي سمعت مجبتيش الباك قتلو ايه ولله يا عمي انا كانت صدمة بنسبة ليا قالي والقراية واش ديري بيها اصلا تقراي ولا تقعدي رانا شفناهم قراو وقعدو في ديار بطالين قتلو بصح ( هل يستوي اللذين يعلمون والذين لا يعلمون ) اعمي !!! بقى يشوف فيا قتلو القراية مشي عيب نتوما العرش تاعكم يقول حاجة مي انا منيش منو وتخمامي حاجة خلاف اكبر من الزواج وهذو صوالح انا نخمم ندير مستقبل نخدم ونروح نشوف بلدان العالم منبقاش مركونة في بلاصة منتحرك منها قالي ربي يهديك قتلو امين يهدينا ويهديك طلع وخلاني بقيت نشوف فيه كمية الجهل كبيرة في هذي البلاصة .. دخلت للصالو نشوف في جماعة تاع نسا والياقوت في الوسط وبابا وعمومي على جيهة وزوج ليجان لحت السلام خزرو فيا قالتي الياقوت وين كنتي نتي قتلها نشوف في الدار هذي قالي ديجا لحقتي تشوفي الدار بقيت نخزر فيها برك كلامها مستفز خزرت ليجان لي توالي قالتي ارواحي سلمي على نسا عمومك قربت سلمت عليهم وحدة مرت عمي مراد ولوخرا مرت سمير ديجا جاو لينا وشفيت عليهم وليجان هذوك قالتي هذا سليم وليد عمك الصغير وهذاك حمزة خوه قتلهم سلام تبسمو معايا قالولي سلام خرزت في لشهرة لي مهبطة راسها تفكرت كي جاو راح يخطبوها لسليم هذا من اسمو انا حسبتلي يكون واحد لابس قشابية ومداير عمامة ويروح يرعى الغنم بصح شابين ضارب الحطة وشباب يهبل مكانش علابلي عندي ولاد عمومي هكا قعدت توال ماما ملمحتش حبيب يادرا وين راح نطقت جدة قالتو سليم روح عيط لعمك مراد قالها ايه راح عيطلو عاود.جا قعد فوق الكرسي توال الباب الصالو تاعهم تقليدي غير مضربات ومكسي بلحاف الشاوية فيها طابلة في الوسط تاع حطب محطوط عليها لاناب فيه الالوان والبيفي مقابلني هاز ديكورات وتصاور بزاف وفي وسط لاتيلي .. فيقتني صوت اسيل كي جات لعندي قتلو بابا شوف هذي اسيل اسمها كيما انا قربها عندو وباسها قالها يا الزينة بنت من هذي ايما قالتو بنت امير وليد خوك صااار هذاك الراجل اسمو امير قالها اا الله يبارك وجهو تبدل وشاف فيا قالتو عمو نتا باباها ياك قالها ايه قالتو حتى انا عندي بابا امير قالتها الياقوت اسيل روحي عيطيلو قالتها جدة راه خرج هذا وين شفتو دورت الياقوت وجها مقلقة قالتنا مدام جمعتو وجيتو كامل نعلمكم بلي الخطبة والعقد والعرس تاع سليم وشهرة راح يكون هذا الشهر شهقت شهرة وانا قتلها وااااااااش خزرو فيا كامل نضت من بلاصتي حكمني بابا قتلها انتي واش تحكي وشهرة قالتها واش تحكي نتي انا نتزوج مع هذااااا منيتك اناااااا ندي هذاااااا ناض ليها باباها حكمها من يدها قالها تبلعي ولا لا قالتو منييش حابة نتزوج ياووو منتزوجش السيد عندو مرتو الياقوت بقات هادية وتشوف فيا قتلها واش تشوفي فيا مهيش حابة تتزوج بسيف اهدري غير قوليلي بسيييف زاد حكمني بابا تخلطت الحالة قالها يما سمحيلنا لبنات مشي متعودين على هذا الشي قالتو ترباو في المدينة تربية الزنق عيط يمااااا بناتنا متربيين اني نقولك مشي متعودين على العرش تاعنا من بكري قالتو شهرة نضن تربات هنا ولا المدينة نساتها في العادات نطرت يدي من بابا وجيت خارجة قابلني الكرسي خبطتو وروحت الله يلعنكم كيما راكم .. في طريقي شفت وحد لبنات يطلو من باب كي شافوني بعدو قتلهم شكون نتوم حلتلي الطفلة الباب مليح تبان وحد 25 سنة قالتي مرحبا بيك قتلها شكون نتوما بصح بنات عمومي ياك ؟؟ دخلت دهشت فيهم كثرمن 10 بنات بقيت نرمش قالتي وحدة شفتك كي.خبطتي الكرسي مخفتيش قتلها من واش نخاف مثلا ؟؟ قالتي باباك ولا دادا قتلها لالا نهدر الحق الوغ عرفوني على رواحكم قالتي نتي اولا شكون قتلها انا نكون أسيل بنت عمكم فلان كامل تبدلو وجوهم ونشوف للكوانة الطفلة لي مقبيل تلاقيت بيها قالولي نتي هي أسيل هزيت براسي قتلهم وشبيكم بصح كل ما نهدر اسمي الغاشي يتبدل وجهو ما بنتكم اسمها كيما أنا حكمتني الطفلة من يدي قالتي انا نكون وردة بنت عمك مراد بقيت نشوف فيها سبحان الخالق تهبل بيضة عينيها خضر شواربها صغار وحمر انا طفلة وعجبتني قتلها شواربك هوما هكا قالتي ههه نديرو العكر الفاسي يولو هكا قتلها واشي هو مفهمتش ؟؟ قالتي منبعد نوريلك نزيد نعرفك بقات تعد فيهم كامل بنات عمومي وعرايسهم شفت زوج تفكرتهم كي جاو لعندنا قتلها مشي جيتو لعندنا قالتي ايه انا امينة مرت سليم شهقت قتلها جيتي تخطبي لراجلك المرة لي فاتت قالتي ايه واش ندير وقعدت فوق الطابلة جاتها الدمعة قتلها متبكيش يا عمري قالتي خمس سنين زواج وربي ما رزقني بلولاد قررت دادا تزوجو بشهرة بصح علابلي يحبني هو يتزوج غير على جال لولاد واخيرا نطقت الطفلة لي ملهيه قاعدة وحدها قالتي نتي وبنت عمك جيتو دمرو حياتنا شفت فيها لابسة جبة حمرة مكحلة عينيها مام هي شابة عندهم زين خاص قتلها واش تحكي انتي قالتي كيما نقولك جيتو دمرو حياتنا
غرام إبن العم 🥀