غرام إبن العم ( باللهجة الجزائرية )

البارت الخامس

غرام إبن العم 🥀

تقاليد دمرتني ....  ⚜ عروش عليا ⚜

بقلم إدمان سيما ... sima jarisse A.Y 🥀🍷

الجزء 19

سسسس يا صغرونة ارواحي نقولك .. درت نشوف شكون يعيطلي حتى لقيتو عمي فاتح لي يخدم في الحانوت ( هو كان خدام مع خوه وهذاك الوقت عمرو 18 سنة ) تبسمت بسك موالف يمدلي الكرواصو والميلفاي قربت منو قتلو انعم عمي قالي وين كنتي يا الشابة قتلو كنت نقرا قالي واش قريتي قتلو لغة عربية ورياضيات في كراس النشاطات قالي اممم شطورة ارواحي معايا نمدلك الميلفاي كي العادة تبسمت ورحت معاه زير على يدي وداني للمخبزة مدلي الحبة تاع المليفاي قالي اطلعي هنا في حجري وكولي وبطبيعة الامر كنت صغيرة طلعت عادي وهو يمس في خدودي وكتافي قالي اسيل نبوسك شفت فيه قتلو انا لازم نروح وجيت هابطة زير على مسلاني لي كان صغير بديت نبكي قتلو وجعتنيييي عمي فاتح بعد خليني نروح قالي خليني نبوسك باه تروحي قتلو ايه باسني من خدي وجا راح يبوس كتافي هربت نجري لحقني وليت نبكي ونعيط ومولا المخبزة مكانش بابااااا ماماااااااا ..مامااااااااااااااا .. دخلني لدار الصغيرة وين يخبيو الفرينة وهذوك صوالح وكان راح يغتصبني لولا لطف ربي وكانو ليجوندام دخلو سبحان الله فاتو منا سمعو حسي دخلو ديركت هزوه وانا داني واحد.منهم للدار .. من هذاك العام بديت نتعالج ولات عندي عقدة من الخرجة بشوي بشوي رجعت كيما كنت بصح من وقتها ولا يحكمني ضيق التنفس كل ما نتفكر الحكاية بسك هذاك النهار هو خنقني بيدو باه نسكت ومزدتش شفتو من هذاك النهار ... رجعت للواقع تاعي متبدل فيه والو غير كبر شوي عيطت على حدي امييييييييييييير وطرت داخلة نجري لقيتو في الباب جاي دخلت فيه دورت رجليا عليه ويديا زيرت نبكي بصوت قالي اششش واش كاااين هذا قتلو هو .. هو رجع يا امير قالي شكونو بديت نبكي ونقولو رجع حتى عيط عليا اهدررررييي بعدت عليه نمسح في دموعي بصباعي قتلو هو ولله هو هبطني لسقت ورا ظهرو راح يطل من الباب ملقى حتى واحد هز حاجبو قالي شكون مكان حتى واحد قتلو كيفاااه مكانش طليت صح مكانش غبر بقيت نشوف مشوكية  هذا وين راح .....قالي اني نحكي.معاك ؟؟ درت ليه قتلو امير صراحة جا واحد نعرفو وكان يخوفني من الصغر على هذا جيت لعندك.تخنزر فيا قالي وحليتي عليه عادي قتلو ولله مكان علابلي قالي اتهزي قدامي نشوف عاودنا دخلنا للصالو قتلو نجيبلك قهوة ؟ قالي لا كملي واش كنتي ديري قتلو اوكي قعدت توالو حكمت ستيلو نخزر فيه قتلو امم وزيد عجبني وحد البراسلي وهو ذهب ابيض بزاف شباب قربتلو تلفون يشوف غمضت عيني من نفس رقبتو لي يضرب فيا هدر بصوت مبحاح " غرام " بعدت عليه عينيا ولاو حمر حاسة بحاجة مش نورمال خزرت فيه عينيه يلمعو وهذيك الضربة على وجهو زادتلو زين على زين بلعت ريقي قرب مني قالي وشبيك خايفة اممم قتلو لا... مش..خاي.فة قالي امم زعما نضت.من توالو السخانة تخرج مني قالي ارواحي هنا درت ليه جايني البكا مستحيل انا نحس بحاجة هكا راه متزوج بولادو قتلو انعم امير قالي ارواحي منبقاش نعاود قتلو شوف امير القرب هذا بلاك تعاودو فهمت نتا راك  متزوج.بمرتك علاه تقرب مني هكا ولا الاسم لي جبتو جديد  منحبش نخرب دار مرتك منحبش نشتت بناتك مزالهم صغار علاه دير فيا هكا علاه قبلت مدام انت الامر الناهي في الدار لي تحكم بحكامك علاه دمرتلي حياتي وانا مزال صغيرة حابة نقرا !! قولي تعيش امير كرهت وكرهت وتعبت بقيت نشوف فيه قالي كملتي ؟؟ قتلو حبيت نتفاهمو شوف مدة من الزمان ونطلقو نبقاو ناس ملاح مع بعضنا ناض من بلاصتو قالي وشكون قالك انا راح نطلقك ! شكون جبد سيرة الطلاق ...!!! معندناش بنات يطلقو تزوجتي بيا تروحي لقبرك ونتي على اسمي شرعت عيني من كلامو قتلو كيفاااااااااه قبل لا نكمل جبدني من شعري حتى توجعت قتلو اط.لقني توجع.في.ا قالي اخر مرة تهدري معايا هكا فهمتي والمرة اللخرة لي تعيطي في وجهي مكانش بنت دارتها تجي فرخة قد يدي ديرها قتلو مداااام فرخة طلق جدي وريحني انا نحب حبيب فهمممممت ... عينيه يا يما اجري خبيني في كرشك ولاو جمر وجهو تبدل رجع كحل حكمني من رقبتي حتى تهزيت من بلاصتي وبقد ما يقدر رماني على الحيط تخبطت فيه عيطت  ااااااااااه حسيت يدي طارت زاد قرب قالي حبيب ياااااااك واااااااش انا هدرت تشوفي فيا #@# تهدري عليه وانا حاضر مكنتش لاهية بيه غير نبكي شدلي شعري قالي اخزري فيا مليح عمرك وتوالي تجبدي اسم راجل ولي خلقني غير نقتلك ومنسالش عليك ندفنك تحت سبع بحور واحد ما يعرف قبرك مزال ما تعرفيني عاملتك يومين مليح.ديتي راحتك وبلاك تغرك الدنيا تقولي انا منيش راجل نهدر توالو هكا نتي مرتي اناااااا مكتوبة على اسمي اسم الذكر ميجيش على فمك حتى بلغلط خليك عاقلة وخطيك من الطيارة تاع المراهقة تديها غي في عظامك طلق شعري وناض ينفض في روحو راح هز تلفونو والورقة قالي اتهزي نقي هذا الشي وضك يوصلك واش عجبك كامل خرج خبط الباب وخلاني نبكي ... قصص إدمان سيما .. صح كيما قال هو عاملني مليح يومين طلقت هبالي معاه وقاعدة نقصر انسان مهبول مش في عقلو الطريقة لي رماني بيها قادر يكسرني هزيت روحي بسيف حاكمة يدي لي توجع ولله ما تفوتلك يا السي امير نتا نتا وانا انا والايام  بينا ضك تشوف وجه اسيل تاع الصح لميت الحالة خفت تجي ماما منبعد تفكرت فاتح لي رجع الله يلعنو وقتاه خرج من الحبس هذا
غرام إبن العم 🥀