غرام إبن العم ( باللهجة الجزائرية )

البارت الثالث 🔥

غرام إبن العم 🥀

تقاليد دمرتني .... ⚜ عروش عليا ⚜

بقلم إدمان سيما ... sima jarisse A.Y 🥀🍷

الجزء 7

🖤 احقا مزاال الجهل يسري في هذا العالم .. !!!!!

قالتي شوفي اسيل قتلها يروحو يقودو هوما بدراهم تاعهم دورت عيني زدت لمحت الفولارة هذيك تاع مقبيل تحت السرير مشيت جيهتها جبدتها مقبيل رميتها وضك عاودت خرجت قالتي كوثر وشنو هذا قتلها والو خبيتها في صدري ورجعت للفراش قالتي شهرة وشنو هذيك قتلها والو غير حاجة تاعي .. قصص إدمان سيما .. فات الوقت وانا في الشمبرة نخمم لبنات رقدو عياو وانا باقية في بلاصتي وريحة الفولارة تضرب فيا صدري رجع معمر من البارفا تاعها جبدتها نشوف فيها يادرا تاعمن زعما تكون تاع امير تفكرت نفس الراجل لي جا مقبيل هاز اسيل سور هو صح شباب وعندو وحد الخزرة ووحد الوقفة مام الكور تاعو عريض يبان واحد مش منا اصلا ووردة سقساتني على حبيب الظاهر عجبها اااه يا اسيل الما يمشي من تحت رجليك ومكيش فايقة حطيت يدي على صدري نخمم تحل الباب دخلت ماما شافت فيا قالتي بنتي هيا تتعشاو نوضيهم قتلها لا مش قادرة قربت مني قالي يا عمري هدي روحك قتلها هدرتي مع بابا قالتي مش ضك خفت شوي منبعد نقولو هزيتلها براسي نوضت لبنات محبوش عاودت خرجت ... قصص إدمان سيما .. فات الوقت لحقت 11 ومجاش حبيب عاودت عيطتلو من عند شهرة نفس الشي مكانش ستغفرت ونضت توضيت صليت زوح ركعات قلت يا ربي عاوني غير نتا لي تقدر عليهم جيت نحي الخمار سمعت صوت الباب عرفتو حبيت خرجت نجري دخل شافني طرت عندو حضنتو لدرجة رجع لور قريب طاح بدا يهدر بشوي قالي اششش حبي اشش هدي روحك هيا نهدرو في الشمبرة مشاني معاه وغلق الباب مزالن لاسقة فيه هزيت راسي ليه قتلو راح تتزوج حبيب صح واش سمعت اه حط يدو على خدي وجبهتو على جبهتي قالي نحبك ولله قتلو راح تتزوج قلبي راح يحرق قالي خليني نفهمك قتلو اشش معندك ما تفهمني راح تتزوج ايه لالا قالي ايه بعدت عليه قتلو ربي يهنيك مالا جا يحكمني طبعتو روحت للشمبرة حاطة يدي على فمي طحت في فراشي غميت روحي بلوسادة نبكي بلا صوت ليلة كاملة مرقدت ولا شفت النوم ..قصص إدمان سيما ..فاتو ليام على هذاك الحال اليوم شهر ملي جاو خطبو ومزالت سمانة على عرس شهرة وسليم غير مرت عمي لي تروح تجهزلها محبتش هي وانا صاي دمرت من حبيب لي راح يخطب ورا عرسهم بصح مزادوش جبدولي على حكاية امير قلت سور بابا محبش وصاي طلعلي المورال شوي قهرتني غير حكاية حبيب لي موليتش نشوفو واذا شفتو منخزرش فيه هذي المرا لي خلاتهم يتزوجو بسيف عليهم حتى شهرة كي سقسيتها واش قالتها هذاك نهار قالتي تهدد بزاف وسكتت ..اليوم نضت صباح على صوت تزغريت مام شهرة خرجنا نشوفو نلقاوها جارتنا جابت القدور تاع المرقة سلمت عليها وفت غسلت وجهي نخزر لروحي كيفاه تاعبةومذبالة طاحت دمعتي مسحتها متبكيش متبكيش روحت للشمبرة لبست شوميز طويلة تحت الركبة جاية فولار وتحتها تريكو وليبا لونها كحل مام الشوميز كحلة وباسكات بيضة حكمت شعري ديت الصاك تاعي وخرجت شهقت شهرة كي شافتني قالتي يخاه مشي عمي قالك متلبسيش هذي قتلها ونتي مشي قلتي نروح نشري صوالح الحنة هيا قالتي ولله عمي يضربك ونتي دبري راسك المرة لي فاتت قالك وشنو هذي اللبسة قتلها نهار يخمم يسقسيني في حاجة منبعد يهدر دخلت تلبس في حجابها وانا نستنى زادت فاتت عليا شيماء قالت نفس الكلام مدرتش عليهم جات شهرة خبرتهم بلي نخرجو وروحنا للسوق دخلنا للحانوت شرينا سلة تاع حنة جاية باج فيها كلش شموع مع القطنات والطبسي لي يخلطو فيه الحنة عجبني بزاف قتلها زيدي اشري صوالح وخلينا نروحو تعبت حابة نرقد قالتي حسبتلك مش فايقة بيك ليل كامل تبقاي تبكي قتلها نبكي على حياتي لي ضعيتها وانا نحلم بخوك بصح كنت غالطة بزاااف قاتلي مراحش نوقف مع خويا بسك حتى نتي ختي يدبر راسو خسرك خليه يجي نهار ويندم قتلها غايضتني السنين لي من الصغر وانا منشوفش لغيرو مدايرتو هو القدوة هو الراجل لي يحبو قلبي بصح ظهر مشي راجل فلوس جداك تحكم فيه تنهدت ملقات ما تقول وروحنا للدار نشوف في طومبيل بيضة لي جات المرة لي فاتت قالتي دار جدي لا قتلها يعطيهم ضربة دخلنا بديت نستر في روحي خفت بابا روحت طول للشمبرة قبل ما يشوفني وشهرة دخلت ليهم نحيت قشي لبست شورت وبيستي كنت راح نلبس الروبة تحل الباب شفتها الياقوت عقدت حواجبي قالتي استري روحك قتلها مرة خلاف طبطبي لبست الروبة درت ليها قالتي سلمي على عمومك قتلها حاجة متخصكش قربت مني قالتي راجلك راه هنا بلعت ريقي قتلها ومنبعد قالتي كيفاه منبعد الشيخ راح يجي يقرا الفاتحة وورا الحنة تاع شهرة السمانة الجاية تعقدو قتلها لا منيش قابلة اني هدرت قالتي واحد ما وقف في وجهي يا حفيدتي اول مرة هي نتي قتلها وعلاه نتي ربي ستغفر الله واش حاسبة روحك تزوجي بهواك حاسبة الزواج ساهل هكا وحاسبتني انا شهر قربت منها حساباتك مليح يا الياقوت منيش اي واحد انا اسيل متعرفنيش برك خزرت فيا من الفوق لتحت قالتي وانا راني هدرت وكلامي يطبق مشات وخلاتني واقفة حطيت يدي على راسي هداي اسيل متخليهاش تلعبلك على المورال دخلت عليا شهرة قالتي اسيل واش قالتك قتلها مزالها في سيرة زواج قالتي جا امير تنهدت وقعدت نخمم
غرام إبن العم 🥀