Maid of my Heartless Ex-Husband (Billionaire's Slave Series 3)

Chapter 4

IT TOOK a while before she could blink again. Para siyang binuhusan ng malamig na tubig sa kinatatayuan dahil makalipas ang pitong taon ay muling nagkrus ang landas nila ng dating asawa—and this guy isn't just her ex-husband. Navi Reinhart is one of the most talented singers in today's generation!

Ang dating payat na 21-year-old aspiring musician na anak ng mag-asawang negosyante ay isa nang makisig at matipunong lalaki. Malinis ang pagkakagupit ng buhok nito. Taglay din niya ang tsokolateng kulay ng mga mata, matangos na ilong, may perpektong hugis ng mga labi na kaakit-akit at kay sarap halikan. Balbas-sarado din ito na lalong dumagdag sa kakisigan ng lalaki.

A perfect boyfriend material kung iisipin. However, despite the good looks he has, there's one thing missing: his smile. Nakatingin lang ito sa kanya nang diretso at walang mababasa na kahit anong expression sa mukha nito.

"Sir, I want you to meet Mabelle de Guzman. She's the new maid I hire for you," Earnest broke the silence by introducing her to his boss.

Kusang humigpit ang hawak ni Mabelle sa anak niyang si Paris na nasa tabi niya. Walang tigil ang puso niya sa pagkabog lalo na nang humakbang pa nang kaunti si Navi palapit sa kanya.

"I'm the head of the house. I'm glad to finally meet you, Miss De Guzman," he said without offering his hand.

Duda siya kung talaga bang nagagalak itong makilala siya sapagkat ramdam niya ang diin sa boses nito nang banggitin ni Navi ang kanyang apilyedo sa pagkadalaga.

She tried her best to act like normal. Pinilit niyang ngumiti kahit ibig na niyang magpalamon sa lupa dahil sa kahihiyan.

"It's nice to meet you, too," she said in almost a whisper.

Bumaba ang tingin ni Navi kay Paris, ngunit sa halip na magtago sa likod niya ay nanatili lamang itong nakayakap kay Mabelle.

"I wasn't informed about bringing a child with you," he mentioned. "Is this your daughter?" sabay turo nito sa bata.

"Opo, Sir," wika ni Mabelle.

"Pasensya na po, Sir Navi. Hindi ko nabanggit kay Earnest na isasama ni Mabelle ang anak niya rito," pagsingit ni Jhazz sa usapan. "Baka po puwedeng payagan ninyo ang bata na tumira rito kasama ang nanay niya. Wala po kasing mapapag-iwanan sa bata, e."

Tahimik at nakatitig lamang si Navi sa cute at magandang bata na nasa harap nito. Nasurpresa ang lahat sa sumunod na eksena nang ilahad ng bata ang isa niyang kamay kay Navi at nagpakilala.

"Hello po, Mister. Ako po si Paris, ang cute baby girl ni Mommy Mabelle ko," inosenteng wika ng bata habang nakangiti nang pagkatamis-tamis.

Sa kabila ng ka-cute-an ni Paris ay hindi 'yon umubra kay Navi. "Tss," he hissed.

Navi quickly shifted his gaze to the mother and said, "You're lucky I'm so easygoing. I'll let her stay but I have no responsibility for that child of yours, Miss De Guzman, so you have to feed her on your own. Understood?"

"Yes. Of course," nasabi na lang ni Mabelle.

"You can start tomorrow morning," aniya. Lumipat ang tingin ni Navi sa dalawang kasambahay na nakatayo sa likuran ni Mabelle. "Jhazz, show her quarters. I'll be staying in my room today working."

"Okay, Sir," ani Jhazz kasabay ng pagtalikod ni Navi. Nakatitig lamang si Mabelle sa lalaki habang pinapanood itong umakyat ng hagdan pabalik sa silid nito.

"Maiwan ko muna kayo. May gagawin pa ako sa garahe," pagpapaalam ni Earnest sa kanila.

"Ako nama'y maglilinis pa ng banyo," ani Hyacinth at nagmamadaling nagtungo sa CR para gawin ang nakabinbin na trabaho.