#بيان_لـ_ضرغام
يُحكى أن السِحر أتى ؏ شكل عـيون..
⏝⃔⏝⃔⃔⏝⃔⃔⏝⃔⏝⃔⏝⃔⏝⃔⃔
گاعدة بالصالة ويا البنات، سوالفهم تشتغل، وضحكاتهم توصل لأبعد مكان. وقتها صار الظهر وسمعنا أذان الصلاة، رحت أصلي ويا بيان وملاك. كملنا الصلاة ونزلنا حتى نساعدهم بالتحضير للغدة.
وأول ما نزلت، شفت الولد كلها گعدت بالصالون وبدت تسلم. أسد أول واحد شفته، عيونه مثبتة علي، هو ضل يباوع، وأنا حاولت أبعد نظراتي عنه، بس مو كل مرة أگدر.
سيف چان يحچي ويا أمي، عمو راضي و نجيب سلموا علينا بترحيب، والجو چان لطيف. الكل منشغل بالسوالف، أسد ما چان يحچي هواي.
گعدت يم بيان، حاولت أشغل نفسي بالسوالف وياها...
شمس: هواي ناس، بيان، شتحسين؟
بيان: أحس بالخنگة، وماكو هواء!
شمس: الخنگة من الولد مو من الجو!
ضحكت بيان بخفة، ضلينا ننتظر الغدة يجهز، وكل ما تلتقي عيوني بعيون أسد، أحس يريد يگول شي، بس ما يحچي.
إلياس: شمسية كبرتي بسرعة
ملاك: غير صار سنتين طبعاً تكبر
إلياس: عبالك البارحة
ملاك: أنتَ وين تحس نايم
إلياس: بالعباسس حسيتت
ملاك: شحسيت
إلياس: بغيابكم
ملاك: صححح
مجد: تخيلي صار ينام باليوم ٢٣ ساعة بس ساعة نشوفة من حزنة عليكم
ملاك: خطييةة
مجد: لا تلومي
ملاك: لا أبد
صبو غدة و رحنة نتغدة يسولفون ومندمجين خلصنا أكل و راح لكل ينام ويرتاح...
بيان: راسي موتني
ملاك: روحي سألي رُقية لو فريال يجوز عدهم براسيتول
شمس: وجيبيلي وياچ
بيان: بدال ما ترحون أنتن تدزني
هزيت أيدي و نزلت أدور البنات ماكو يمكن راحو ينامون گلت أشوف المطبخ يجوز هناك حاطين العلاجات أكو شباك من المطبخ يطلع ؏ الگاع مالتهم.
أنت تقرأ
بيان لـ ضرغام (مُتوقفة مُؤقت)
Romanceفتاة جميلة وبسيطة، من عائلة محافظة ودينية، لم تعرف الحب يومًا. نشأت في بيت تُحكمه القيم والتقاليد، حيث كان الحديث عن الحب خارج نطاق الزواج أمرًا مرفوضًا تمامًا. كانت تركز على دراستها وواجباتها، وتقضي وقتها بين العائلة والمدرسة، ملتزمة بتعاليم الدين...
