#بيان_لـ_ضرغام
يُحكى أن السِحر أتى ؏ شكل عـيون..
⏝⃔⏝⃔⃔⏝⃔⃔⏝⃔⏝⃔⏝⃔⏝⃔⃔
اليوم نرجع للبيت، وچان التعب مسيطر عالكل. شمس نايمة بجهة، وأميرة بجهة، وملاك بجهة. عفتهم وطلعت برة، أريد أباوع آخر مرة على المكان. شگد أحب كربلاء، من أجي أحس بشعور حلو، راحة ما تنوصف.
وگفت أتأمل الأجواء، الهوى العليل والمكان اللي يخليك تحس بالراحة. فجأة حسيت صوت وراي، إلتفت وشفتة، چان واگف يدخن...
- ها! بعدچ هنا؟
عيوني ما گدرت تطلع من عيونه. ليش دائماً يطلعلي بهالأوقات؟ گلبت وجهي عنه بس حسيت جسمي تجمد، وكأنه كل شي وگف للحظة...
بيان: إنتَ ليش بكل مكان أشوفك؟ شنو تراقبني؟
ضحك ضحكة خفيفة ورفع الجگارة من إيده...
- مو چنت أدورچ بس الغريب إنتِ اللي دائماً تلاگيني، مو أني.
سكتت لحظة، أدور شلون أرد، بس ما لگيت جواب...
بيان: على العموم، بعدني عند أهلي، وياهم، لذا أبتعد عني.
- مو مهم وين إنتِ، بس الظاهر مكانچ وياهم كلش مريحچ. عيونچ تحچي قبل لسانچ.
حسيت حرارتي ترتفع من الكلام، فكتفت إيدي وحاولت أحافظ ؏ هدوئي...
بيان: أني لازم أروح، هواي تأخر الوقت.
مشيت بسرعة، بس كل شوي حسيت عيونه تلحگني، دخلت جوة شفت ملاك گاعدة...
ملاك: وين چنتي
بيان: طلعت أشوف الجو
ملاك: أحس براسي عركة من الدوخة
بيان: كل سنة تگولين هيچ
ملاك: ههههههههههههه شتردين أحچي غير الحقيقة
بيان: يلا سكتي سكتي
ملاك: باع شمس نايمة ومرتاحة
بيان: منو يگول مرتاحة، شمس أكثر وحدة متأذية
ملاك: شلون؟
بيان: لو ماما وبابا لا سامح الله توفو شنو رح يصير بيچ
ملاك: يممة بياان لتحچين هيچ، ونبي أموت
بيان: وشمس هيچ تفكر، بس شمس محظوظة لأن عدها عمة نفس أمي
ملاك: صحيح
بيان: يلا ورانه طريق نامي عوفي السوالف
ملاك: يلا
أنت تقرأ
بيان لـ ضرغام (مُتوقفة مُؤقت)
Romansaفتاة جميلة وبسيطة، من عائلة محافظة ودينية، لم تعرف الحب يومًا. نشأت في بيت تُحكمه القيم والتقاليد، حيث كان الحديث عن الحب خارج نطاق الزواج أمرًا مرفوضًا تمامًا. كانت تركز على دراستها وواجباتها، وتقضي وقتها بين العائلة والمدرسة، ملتزمة بتعاليم الدين...
