#بيان_لـ_ضرغام
يُحكى أن السِحر أتى ؏ شكل عـيون..
⏝⃔⏝⃔⃔⏝⃔⃔⏝⃔⏝⃔⏝⃔⏝⃔⃔
خلص اليوم عادي وحاطة صورة سلطان وأباوع عليها شگد حلو من يشتغل...
- وگعت أني من صدك وگعتت
مياسة: شسوين ملاك
خفت وتوترت اذا أگلها رح تمنعني ما اگعد يمة حچيت بخفوت...
- ماما أريد أگلچ شي
مياسة: تحبين سلطان
وسعت عيوني ونزلت راسي حچيت بـ خجل...
- شعرفچ
مياسة: شفت نظراتچ
ملاك: وشنو رأيچ
مياسة: سلطان مابي عيب وحتى يمكن يحبچ
ملاك: چذببب يحبنييي
مياسة: گعدي لا أگطع النعال ؏ راسچ
رجعت گعدت مبتسمة وأسمع لها...
- احنة تربينا ما نعرف شنو الحب قبل الزواج وهس اذا أبوچ عرف ما رح يقتنع
ملاك: بس ماما اذا يحبني وأحبة رح نزوج
مياسة: حبيبتي ملاك، ما گلت ما رح تزوجون بس مستنقع الحب صعب وسلطان مادري اذا يحبچ بس گتلچ يمكن
ملاك: يعني شسوي هس
مياسة: لا تغلطين، اذا تحبي وهو يحبچ وأعترف لچ گوليله أخطبني
ملاك: شبسرعة
مياسة: هذا الغلط، الحب اذا بقى فترات بدون علاقة رسمية تصير علاقة محرمة
ملاك: ما أحبة
مياسة: ههههههه هس أني گتلچ لا تحبي؟
ملاك: يااا ماما حيرتيني
مياسة: گومي عقلچ زغير
رحت من يمها دخلت أنشر ستوريات وشفت أسد مسوي تاك السلطان و ضرغام، دخلت ؏ حساب سلطان متابع الأنستا كلها شسالفة دخلت ؏ ستورياته كله ضلعي وضلعي كسر لهلضلع...
نشرت ستوريات ونشرت الصورة مالـ ملثمين وسويت تاكات بس للي أعرف حساباتهم گلت أسوي تاك السلطان أشوفة يردة لو لا...
- اذا رد التاك يعني يحبني واذا ما رد يعني ما يحبني
ضليت أنتظر بالـ ١٠ دقايق ماكو رد عفت الجهاز ونزلت ويا البنات، أجة سرمد و سيف يضحكون...
- متجمعات الحبايب
أنت تقرأ
بيان لـ ضرغام (مُتوقفة مُؤقت)
Romanceفتاة جميلة وبسيطة، من عائلة محافظة ودينية، لم تعرف الحب يومًا. نشأت في بيت تُحكمه القيم والتقاليد، حيث كان الحديث عن الحب خارج نطاق الزواج أمرًا مرفوضًا تمامًا. كانت تركز على دراستها وواجباتها، وتقضي وقتها بين العائلة والمدرسة، ملتزمة بتعاليم الدين...
