غوث الانشطار

الـ محطة || السادسة♦️

الهم صلِ علىٰ مُحمد و الـِ مُحمد🩷
غوث الانشطار
مريم العَّلـيْ

تصويت + تعليقات بين الفقرات
اضافة للحساب لطفًا قدروا تعبي
بيهم ، مثل ما اقدر حماسكم  🤍🫶🏻

<•••••••••••>
بين الحلم
والمو حلم
بَس انتَ باقي ببالي
وغيرك شكد شايف بَشر
بس انتَ شو تحلالي ! 🤍

أصوت ضحكهُم عالية ، ابتسمت
من سمعتة يحجي وياهُم يا بعد روحي
و دنيتي و حياتي و حُبي الاول و الاخير !
افدي هذا الصوت الحلو انـا

عدلت وكفتي من سمعت خطواتة
تتقدم نحو المطبخ ، فجأة توقف ما اريد
إندار و أشوفة اريد تختفي الابتسامة حتى
لا تفضحني ، اي اي زعلانة منة
بس ميتة عليَّ احبة هوايَ و أكثر من الهوايَ

وكف بصفي لزك ، سحب جلافة
و سيم و ماعون يجلف و يدندن
بأغنية " نبعة الريحان " بس هوَ طفر
الـ ابيات أحبهن و ياخذني العالم خاص

"يوم الذي حَبيت يا مُنيني جنيت"
" يا مُنيتي جنيت"
" حاير انـا ضليت"
"مـا ادري ، ذنبي شجان"
"مـا ادري ، ذنبي شجان"
" يا نبعة الريحان "
"حني على الولهان"
"حني على الولهان"
" جسمي نِحل و الروح ذابت"
" و عضمي بان ، ذابت و عضمي بان"

انتهت الأغني لكِن شعورها ما انتهى و بقى
بـبالي و روحي و بالاخص مشاعر بُراقي
همس بصوت ولهان و هوَ يتقرب اكثر
- حِني عليَّ تراها الروح ذابت

گلبي المسربت صار يردح ردح شلون ردح
العمارة دفعتة خاف يجي احد
رغم كلها تعرف بينا نحب بعض بس
مع ذلِك استحي و اخاف ، رجع تقرب و يهمس
و هذهِ الهمسات تخليني ما اندل دربي

- احبج ، عاشگج ، هايم بيج
الروح و الگلب و الشريان
و النبض انتِ ، انتِ بيتي الدافي
ربحي بالدنيا انتِ

بقيت ساكتة وِجهي بوخ من الخجل
تغيرت ملامح وِجهة عبالة بعدني زعلانة منة
و بالحقيقة انـا السانـي انعگد و ماعرف شرد
ضربني بخفة على راسي و حجة بـ ضوجة

بُراق : أكلها الروح ذابت حني تغلس
لج ميت عليج مشتاگلج كلش شسويتلج
حتى تزعلين؟

تلفتت خاف واحد يجي بسبب عيطة
بُراق شلون بي هذا الزلمة مهموش
من يوم يومة ، لا لا اكو غلط بالموضوع !!
ليش يصيح و هوَ ابدًا ابدًا مو عَصبي ولا
يم العَصبية و يتخبل منها عزة بعينج يغيدة
خاف عندة وحدة غيرج و يحبها و غيرتة و صار
عَصبي يبوووو عليَّ و على حظي