📽️ Chapter 2
သူ့ကို ပိတ်ဆို့ထားသောကြောင့် ရန်ရှူမှာ အလွန်ရိုင်းသည်ဟု စုတျ့န်တျန့် ခံစားလိုက်ရသည့်အတွက် ရန်ရှူကို လူအများမှ ဆဲဆိုကြိမ်းမောင်းစေလိုခြင်းဖြစ်သည်။ သို့မှသာ ရန်ရှူထံတွင် ခက်ခဲသောအချိန်များ ဖြစ်လာစေမည်ပင်။
ထိုအရာမှာ သမားရိုးကျ အကျိုးနှင့်အပြစ်များအကြောင်း ဆွေးနွေးခြင်းတစ်ခုသာဖြစ်ခဲ့သော်လည်း သူ ပြိုင်မငြင်းနိုင်သည့်အတွက် ရန်ရှူမှ သူ့ကိုထိုးချခဲ့သည်။
ရန်ရှူဆိုရင်ရော ဒါကိုသည်းခံနိုင်မှာလား…
ရန်ရှူ၏အဖြေမှာ ထပ်မံ၍ သံသယဝင်ရန်ပင် မလိုအောင် စုတျန့်တျန့်ကိုသွားငြိစေသည့်အတွက် စုတျန့်တျန့်၏အမူအရာမှာ ရှက်ရွံ့နေသည့်ဟန် ပေါ်လာသည်။
စုတျန့်တျန့်မှာ လက်တလောအခြေအနေအပေါ် များစွာလိုက်လျောညီထွေလုပ်နိုင်သူ မဟုတ်သောကြောင့် လက်ရှိတွင် တုန့်ဆိုင်းစွာဖြင့်သာ ပြုံးနေနိုင်သည်။
တင်ဆက်သူမှာ စကားခေါင်းစဉ်ပြောင်းခါနီးအချိန်တွင် စုတျန့်တျန့် သတိပြန်ဝင်လာကာ ပြန်ပြောလိုက်သည်။
“ ကျွန်တော်လည်း ဒီလိုပဲထင်ပါတယ်… စီနီယာရန်က အရမ်းထက်မြက်ပြီး သူ့ဖန်တွေကို ဦးဆောင်တဲ့နေရာမှာ တော်တယ်လေ...”
ထိုစကားမှာ ရန်ရှူမှ သူ၏ဖန်များကို တမင်တကာဦးဆောင်၍ စုတျန့်တျန့်ကိုမုန်းတီးစေသည့်ဟန် ပေါက်သွားခဲ့သည်။
သူက တကယ်ကြီးနောက်ဆုံးရယ်နိုင်တဲ့သူ ဖြစ်ချင်နေတာလား ဟမ့်…
ရန်ရှူ ငြင်းဆိုလိုက်မည့်အချိန်၌ သူ၏မိုက်ကို တစ်စုံတစ်ယောက်မှ ပိတ်ထားကြောင်း သိလိုက်ရသည်။
ထိုအချိန်တွင် တင်ဆက်သူမှာ သူ၏နားထဲရှိနားကြပ်မှ ညွှန်ကြားချက်အချို့ကိုရလိုက်သောကြောင့် ခေါင်းစဉ်ကိုပြောင်းလဲလိုက်သည်။
“ ဒီတော့ မင်းတို့နှစ်ယောက် အယ်လ်ဘမ်အသစ်အတွက် ပြင်ဆင်နေကြတယ်ဆိုတာ အမှန်ပဲလား…”
ရန်ရှူ စမ်းကြည့်လိုက်ချိန်၌ သူ၏မိုက်မှာ နဂိုအခြေအနေသို့ ပြန်ရောက်သွားကြောင်း သိလိုက်ရသည်။ သို့သော်လည်း အစောပိုင်းမှ စကားခေါင်းစဉ်ကိုမူ သူပြန်သွား၍ မရနိုင်တော့ချေ။ အဆုံး၌ သူက နောက်ကြောင်းပြန်လှည့်မည် မဟုတ်ကြောင်း အစောပိုင်းကမှ ပြောခဲ့ပြီးပြီဖြစ်သည်။
YOU ARE READING
ငါ့ကို ဘာလို့ မချော့တာလဲ
RomansaI don't own this story. This is just a fan translation.
