اهلا اهلا ...🌿
بارت [ 7 ]
المدرسة كان وقت الفسحة كانو الخمسة قاعدين على الارض وراء المسرح بالضبط ومسوين دائرة
ايمان : محد فيكم كلم سلاف!
ملاك: لا والله كل يوم اتصل على جوال امها ويطلعلي مقفل وامس اتصلت م ردت
نجود: كويس اقلها هذا يأكد انها بخير دام ف البداية كان مقفل والحين يرن
سوزان هزت راسها ولا اتكلمت
ايمان بتردد: افكر اروح بيتهم اليوم بعد المدرسة كذا على المغرب واشوف
ملاك : رغم ان كل يوم اروح وم احصل احد إلا اني بروح معك اليوم بعد
نجود: دام بنت عمي بتروح ف رجلي على رجلها
سارة: ماني فاضية اليوم ف بقعد بالبيت
سوزان ناظرت على سارة بحده ولفت عشان م تتهاوش معها
جت روان وهي بيدها اكل ويالله ماسكته لا يطيح : بنات زحفو بقعد
وبالفعل ايمان وملاك زحفولها وقعدت هي ورمت الاكل بشويش قدامهم ع الارض
سوزان وهي تناظر الاكل : وشو ذا؟
روان: يسمونه وجبات خفيفة باللغة الفسحة والبعض يسمونه سناكات والبعض يسمونه خرابيش عاد الي يريحك
سوزان: هيهي سامجة، أنا قاعدة اسال لمن ذا كله!
روان وهي ترفع حاجبها: لمن يعنى! أكيد لنا كلنا
ملاك: بس حنا م عطيناك ذا المبلغ على م اذكر وشلون جبتي كل ذا بالفلوس الي عطيناك هو؟
روان : اوه نسيت ؛ مدت يدها على جيب المريول وطلعت الفلوس وقالت: خذو هذا فلوسكم وثاني مرة لا تعطوني هو إذا رحت اشتري
نجود: لا بالله تبينا ناكل ببلاش!
روان بحده: وليه م تاكلو يعنى! ترا الفلوس ذا مب حرام
نجود بمزح: من الدجاجة هذيك ماعاد أضمنك
روان وهي تسحب البسكوت من يد نجود: اجل انقلعي لا تاكل الي جبته وروحي جيبي بنفسك مو تقولي فلوس حرام يلا روحي جيبي بفلوسك
قعدو البنات يضحكو على روان ونجود الي كل م قعدو اتناقرو
ملاك وهي تشرب من القهوة : احسن شي سوته المديرة انها جابت آلة قهوة ف المدرسة
سارة: صحيح
سوزان: مدري كيف يعجبكم القهوة الحالي ذا
ايمان؛ لو سمحتي القهوة اذا م أضفتي عليه حليب م يصير قهوة
سوزان: اقول انتي قهوتك عبارة عن كوب حليب ونقطة قهوة وخمس ملاعق سكر ف لو سمحتي لا تتكلمي عن القهوة اساسا حلى القهوة بمرارته
نجود وهي تضحك: الصراحة معك حق ايمان قهوتها عبارة عن حليب ونقطة قهوة
ايمان صدت بعيونها وهي تاخذ قهوة نجود الي سوته من البيت وبالغلط بدال م تاخذ حق نجود خذت حق سوزان واول م شربته م اتحملت ولفت على وراء ورجعت نصه
البنات بقرف: الله يقرفك ي شيخة
ايمان وهي مغمضة عيونها واتغير ملامح وجهها: مر ي بنات مر مرة يع استغفرالله الله يكرم النعمة وشلون تشربون ذا
سوزان خذت القهوة بقوة وهي تقول: هذي قهوة سوداء شي طبيعي بيكون مر وبعدين ليه خذيتي وشربتيه إذا م تحبيه
ايمان وهي تاخذ المويا من ملاك: م دريت انه حقك كنت احسب حق نجود
نجود وهي تناظر بالمق حقها الي كان ف يدها وكانت قاعدة تشرب منه وفجاة إنفجرت من الضحك وهي تناظر ايمان وفجاة ضربتها روان من ظهرها بقوة لدرجة طاح القهوة على الارض وهنا كلهم سكتو وبداو يناظرو على بعض ولا هي ثواني وكلهم قامو يجرو ونجود وراهم تلحقهم والبنات رافعين المريول ويجرون بكل حيلهم بالساحة ..
^
^
^
