بارت [ 3 ]
عند سلاف الي اول م دخلت البيت شافت أمها ماسكة دفتر الحسابات وتعد وتخربش فيه وتشوف كم راح وكم بقى من الراتب دخلت وسلمت على أمها ودخلت غرفتها الصغيرة الي كان حرفيا كله كتب ودولاب صغير بالركن وسرير بسيط شبه متهالك لكن المكان كان نظيف رغم زحمة الكتب وعلطول رمت الشنطة ونزلت العباية وفكت شعرها ورجعت ربطته كعكة على فوق وخذت لها ملابس عبارة عن سروال اسود ماسك على الجسم وبلوزة حمرا بلون فاقع مرة ولابسه فوقه زي الجاكيت بلون وردي (الذوق ف انحدار) ودخلت الحمام عشان تتروش وبنفس الوقت ترجع تغسل ملابسها رغم ان توها امس غسلته لكن بسبب دواماه فهي تعرف أنها تعرق كثير وسلاف م تحب هالشي ف هي شبه يوميا تغسل مرايلها وهي من النوع الي م يحب يأجل شغله ف لذلك م طلعت من الحمام اعزكم الله إلا وهي متروشة ومغسلة ملابسها ومبدلة وأول م خرجت راحت تنشف المريول ورجعت دخلت ف الحمام عشان تحط العباية وأول م طلعت رجعت دخلت الغرفة ترطب وتتعطر صحيح سلاف نظيفة ومرتبة وكل شي فيها حلو حتى ملامحها طالعة على أمها إلا ان عليها ذوق فضيييع وشعرها طويل بشكل مبالغ يصل لتحت خصرها
وبعد م خلصت طلعت لامها وقالت : يمة ف غداء ولا أسويه أنا؟
أم عبدالعزيز وهي تناظر الدفتر: لا ف غداء تحصليه ف المطبخ جنبت لك أنا وعبدالعزيز أكلنا الحمدلله
سلاف اول م دخلت المطبخ وفتحت الثلاجة وبدا تشيك الأغراض والأكل عرفت ان أمها أبدا م أكلت من الغداء وإنما اكتفت بحبة ساندوتش بيض وخلت الغداء لها ولاخوها وحزنت على حالهم لكن الحمدلله على كل حال هي تحمد ربنا ان عندهم سقف يظلهم عندهم بيت يحميهم من الأمطار ورجعت حطت الغطا على صحن الأكل وخرجت بعد م سوت لنفسها شوفان خرجت وهي بيدها الزبدية وهي تقول: يمة مابي الغداء بالعافية عليكم أنا سويت شوفان إذا تبين ترا ف لك ولعبدالعزيز وحتى يكفينا بكرة
أم عبد العزيز رفعت رأسها من الدفتر وناظرت لظهر بنتها الي رايحة الغرفة وابتسمت بحزن وهي تقول: والله ان البنات زينة البيت ومحد يعرف لهمك وتعبك إلا بنتك الحمدلله ي رب انك رزقتني ببنت ولو أني اكره أبوها لكن اوجودها بحياتي غير الحمدلله ي رب على سلاف الحمدلله على نعمتك وعلى م رزقتني
^
^
^
شركة أبو سيف
دخل السكرتير وهو يسلم وأبو سيف يرد السلام
أبو سيف بجدية: بشر اليوم حصلت شي! رجعت من الخارج ! لها ظهور احد شافها !
مهند اكتفى بانه يهز رأسه بلا كالعادة
أبو سيف هز رأسه وقال: اجل عطني الي عندي اليوم من الشغل ودي أني اروح أريح البيت بسرعة
عبدالرحمن هز رأسه وبدا يقوله عن جدوله ووش عنده اليوم
^
^
^
عند بدر الي وقع العقد وكل شي صار تمام وأول م راح الشخص هو علطول انطلق للعمال وبدا يوريهم الشغل ومعه المهندس
بدر وهو يسأل المهندس: كم يحتاج له على م يخلص ويكتمل!المهندس: عاد طلبك الصراحة صعب تنفيذه لذلك بنحتاج وقت قرابة الست شهور أو ثمان شهور مو اكثر من كذا
بدر: حلو أهم شي الشغل يكون كويس
المهندس: م عليك عندي أزهلني
بدر: يلا اجل اترككم أنا عندي مواعيد ثانية
وفعلا خرج بدر من المكان وشغل سيارته وبدا يروح باتجاه بيت اخوه الثاني أبو سلطان وأول م وصل ودخل البيت قال بصوت عالي: ي ولد ف احد؟
كان سلطان ورواد وإلياس بالصالة وعيوش بحضن اليأس الي كانت كل شوي تتنقل بين احضان اخوانها قال رواد اول م سمع صوت عمه: تعال تعال ي اخو أبوي الي صاير م ينشاف ، محد فيه إلا حنا العيال
اليأس بطقطقة: شكله صار الموضوع بالاشتراك ادفع مبلغ وتشوف وجه
سلطان وهو الوحيد الي قام يسلم على عمه :هلا بعمي
بدر ابتسمت ويوم جلس سلطان خذا بدر وحدة من التكايات الي بالكنب ورمى فيها رواد وهو يقول : وجع ان شاء الله ترا الي داخل مسلم اقل شي سلم عليه
رواد بمزح: أنا الي اعرفه ان الي يدخل يقول السلام عليكم والي بالمجلس يردو السلام
بدر راح وجلس جنب سلطان وهو يرخي نفسه ويرتاح وفجاة ناظر على اليأس وهو يقول؛ هات عيوش خلني أشوفها
اليأس من الكسل الي فيه مد عيوش لرواد ورواد اخذها ومده لبدر
بدر وهو يلعب مع عيوش: وينه أبوكم م ينشاف أبغا اسلم عليه اقل شي قبل لا امشي
اليأس: ف غرفته للان م صحي
بدر هز رأسه: وبدا يسألهم عن أحوالهم لين قال: وينها لوسين
فجاة سلطان ورواد واليأس انفجرو ضحك وهنا بدر قال: اهخ ي وسخين والله إني عارف أنكم مسوين شي للبنت انطقو وش سويتو لها . كان سلطان بيقوله لكن من الضحك م كان ينفهم كلامه
بدر: يالليل هذا منتهي أقول واحد منكم انتو الاثنين يعلمني بالسالفة وش صار
بدأ اليأس يهدا وقبل لا يتكلم نطق رواد وبسبب أسلوبه المرح علم عمه بالسالفة لكن قاله بطريقة تضحك لدرجة بدأ بدر يضحك معهم وهو يشتم فيه
^
^
^
