قهوة

في الكابينة

ورة كم يوم راحوا التلاثة لواحدة من المقصورات داخل القطار و گعد شبم يم الشباك صافن ليبرة بين ما الاثنين گاعدين گدامه يخططون لسكنهم بالكوخ الخشبي مال ابو ديميتري عالجبل... على ذكر ابو الي گدامه، صارله هواية مشايفه عض شفته الجوة و هو يباوع عالناس الي برة، اكيد نساه هسة... حس بواحد يگعد يمه ما اهتم يندارله و بقى يباوع عالناس لحد ما مشى القطار

حس بقشعريرة تمر على طول ظهره و اكو واحد جاي يباوع عليه، دار وجهه عالجانب و انخرس، فيگتور جاي يباوع عليه و يبتسم بخفة، رمش بتوتر و رجع انظاره لحسين الي جاي يسوي نفسه يحچي وية ديميتري بس كل شوية ياخذ لمحة على صديقه و يبتسم

شبم : شجاي تسوي هنا؟

فيگتور : انا اذهب كل سنة لذلك المنزل الريفي، سعدت عندما علمت بأنك تود القدوم معنا

شيم عگد حواجبه و رجع نظراته لحسين الي كاتم ضحكته، باوع عليه بحدة و فرك اسنانه سوة

شبم : ما ردت اجي، الحيوان هذا جابني وياه

خيبة امل صغيرة ظهرت على وجه الاكبر و ابتسامته بهتت، يهز راسه بالايجاب، انگطع حچيهم لفترة لحد ما جاعوا و قرروا يروحون لكابينة الاكل، چان حسين و حبيبه يتقدمون عليهم بين ما شبم يمشي ورة فيگتور علكيف و مدخل ايديه بجيوب قمصلته

فيگتور : هل انت بخير؟

شبم همهمله و ما راد يكمل كلام وياه، يحس رغم الثاني هواي ساعده الا انه چان حقير وياه نوعاً ما، چان اكو ناس متجمعين بالكابينة مال اكل و متواجدة أصناف طعام متنوعة ، قدم الاشگر ماعون فارغ لشبم حتى يحط بيه الي يعجبه، شكره الاصغر بصوت ناصي و تقدم من المائدة، چانت اكو مشروبات منوعة موجودة و ناس قليلة سكرانة، ما انتبهوا للمرية السكرانة الي تقدمت من فيگتور و بالغلط سكبت كاس مشروبها على صدره

مباشرةً طلعت منديلها تمسح على عرض صدره بأعتذار و هي تضحك بملاطفة للاشگر الوسيم ، شبم چان واگف على اعصابه لحد ما بانت حلمة الاكبر من فوگ القميص الي صار شفاف بسبب السائل هذا و چان واضح المرية تقصدت تبقى تمسح على ذيچ المنطقة، قبل لا فيگتور يبعدها سحب شبم منديلها و شمره على وجهها مخلي الصدمة تعم المكان

شبم عاط : هم ثولة و ما تباوعين و هسة جاي تتحرشين، شگد دمچ رخيص لعد، شكو جاي تتلمسيه بهالطريقة ؟ مشايفة بشر؟

چانت المرية مصدومة على ردة فعل هالشخص، فيگتور باوع على الاصغر بأبتسامة

فيگتور : لا بأس

شبم باوع للي وراه بنص عين و انثار عليه

شبم : طبعاً عاجبتك السالفة

ديميتري و حسين حاولوا يهدون الوضع بين ما فيگتور يسحب الثاني وياه و يرجعه لمقصورتهم، سد الباب مالتها وراهم، گعد شبم بملامح منزعجة و هو متچتف و الاكبر واگف گدامه بهدوء