صَبوةْ ألاشْوَسْ

part 2

                بسم الله الرحمن الرحيم

🦋 احتاج دعمكم حتى استمر 🦋

_ لا تنسون التصويت والتعليق بين الفقرات فضلاً وليس أمراً 🦋

- الشِعر مو باب رزقي ، الخاطرك چان .

بقلمي: مَريم محمد ✨

قناتي تلي بنات تعالو هناك نسولف ✨🦋

https://t.me/ma_m16h

__________________________________

واني ادور وافتر بالغرفه رن الموبايل وچان ببالي اصيل او صديقاتي لان متواعده وياهن يجن هيچ وقت ف بدون تردد رفعت الموبايل وجاوبت الاتصال:

_ السلام عليكم

هنا اختنگت مو صوت احد اعرفه بس سامعته وبقيت صافنه شسوي اگطعه لو شنو لازم اسوي ..

_ احمم

سمعت الشخص تحمحم سديت الخط واني متأكده انه بعدين راح اكل اصابيعي ندم بس هاذ الخوفف شيسوي امداچ ملاك دومج تحطين روحچ بالمشاكل.

خلصتها اتذمر واحچي على نفسي والموبايل ما سكت واني مغلسه. 

ورا شويه اندك الجرس ونزلت بسرعه فتحت الباب چان اصيل جاي وبيده علاليگ اخذتهم منه ودخلته جوه وصحت على امي تجي:

_ ماما اجه اصييل تعالي

_ ياا اصيل جاي شعجب

_اجه اجه يلا تعالي

وطلعت امي راحت الاصيل واسمع ضحكهم جوه واني رحت للمطبخ اعزل بالاغراض واهز بإيدي لان ماما تموت على اصيل معتبرته مثل ابنها مرات احسها تفضله عليه لان علاقتهم كلش حلوه المهم خلصت وحميت الغداء وصبيتله وخليته بصينيه و وديته.

ميلاد: ايي ولك ممرتاحتلها.

اصيل:  يابه ليش هيچ مكبره الموضوع حته لو اكو شي يبين بسرعه تدرين بيها ثوله .

شافوني دخلت وسكتوا:

اصيل:  ايي اهلاً بست الحسن صايره معدله ما عرفناچ

_ اصيل ممكن تنچب ترا لان اشتريتلي.

_ انا اخوك شو صايره تجاوزين.

ميلاد :  عيب عليچ ملاك اني كم مره كايلتلچ ومحذرتج تحترمين نفسچ روحي منا العرمه.

صراحه اني انهضمت من عدها شبيها يعني ماله داعي هالكلام استغفرلله خليت الاكل عالميز ودرت وجهي وعفتها تحچي وحدها هي ترزل واصيل يبرر ببدالي عباله ماعرفه اللوگي.

اندك الجرس ورحت فتحته اجن صديقاتي بدلت وجهي بسرعه واستقبلتهن بابتسامه بشوشه:

_ اهلا وسهلا ببناتنا الانيقات شو اتاخرتوا؟

تبارك: حبيبتي غير نشتري ونجيب حبايبنا ونكشخ خوما هيچ نجي ايد ورا وايد گدام؟

_ عليمن جايبه حبايبچ اني جبتهم الچ.