كنـت اظنـك مـلاذي و طلـعت عـدو

ساعه ٤:٠٠ فجرا
عند البنات
_________________
الجادل تقوم من البرد بعد ماكبو البنات مويه بارده عليها وشافت الخوف في وجيهم والقلق وصرخت بأعلى ماعندها:ياكلب وجع مايضحك تشوفوني نايم تجون تصحوني ليه؟
سديم وهي تمد لها المرايه:شوفي بنفسك !
مسكت الجادل المرايه وانصدمت شافت عيونها مفقعها وحمراء من البكي وعرفت انها ما استحملت وبكت وعي نايمه و بوسط فشلته تكلمت نوره
نوره:ايش فيكي انتِ بخير!؟
سديم:صادقه انتِ ماصرتي طبيعيه اخر فترة!
الجادل:لا لا قاعدين تتوهمون بس صدقوني
سديم وهي تأخذ كتاب وتفتحه:اي اي واضح
الجادل تناضر لها بعصبيه:غصب
نورة:خلاص بنات ماتستاهل شرايكم نجهز شنطنا ابرك؟
الجادل:انا بقوم ابدل اول
نوره:تمام حياتي
بدلت الجادل وراحت مع البنات يرتبون شنطهم
الجادل:سديم ماكنك كثرتي كتب؟
سديم:الكتب اهم من الملابس بالنسبة لي!!
نورة وهي تضحك:تذكرون لما نست كتبها المدرسيه واقلامها ودفاترها بس مانست رواياتها!ضحكو البنات وقعدو يجهزون وهم يضحكون

ساعه ٨ صباحا
في ساحه
_________________
هلال:ياولد ذا مايسكت؟
محمد:شوف وش بيصير الحين
ناظره هلال مصدوم وش يقصد فيه؟فجاء وبدون سابق إنذار يطيح المدير ويتزحلق ويفطس محمد ضحك ويصرخ المدير فيه
خليل:ياكلب تعال الحقني لمكتبي!
لحقه محمد وسط ضحكات الطلاب من شكل المدير الغبي وقتها
الجادل وهي تكلم هلال:هي ورع!
هلال:انا ورع يالخكري!!؟
الجادل:ياليل ليل أهدأ ياولد أهدأ بس بسألك صابون اللي كبه محمد وينه الحين؟
هلال:ليه وش ناوي عليه؟
الجادل:مالك دخل
هلال:قولي ولا والله ما اقولك
الجادل:طيب يالبزر في استاذ معصبني من بداية الترم وفكرة خويك اسطوريه صراحة
هلال:اي استاذ؟
الجادل:استاذ صالح
هلال وعيونه تلمع:قدام بقولك بس بشرط
الجادل:وش هو شرط؟
هلال:تاخذني معك!
الجادل:نعم نعم؟؟
هلال:هي ترا مو جاي عشان سواد عيونك الاستاذ ذا غاثني من اول الترم !
الجادل:ياليل البزر تمام
راحو الجادل وهلال وسط صدمة شباب والبنات لأنهم كانو أعداء وش صار لهم ،ياخذون المنظفات ويروحون لمكتب استاذ صالح ومستغرب هلال
هلال:انت منجدك بنكب منظفات وبس!؟
الجادل:شكلك تعودت على تكسير السيارات
هلال:وكيف عرفتي انه انا!؟
الجادل:واضحه!
هلال:ماعلينا انا عندي فكرة
الجادل:وش هي
هلال قرب من الجادل وهمس لها وانصدمت الجادل من اللي قاله

بعد نص ساعه
_______________
رجعو الجادل وهلال وعلى طول سألو سديم ونورة الجادل وش كانت تسوي مع هلال !؟
الجادل وهي تضحك:انتضرو شوي وبتشوفون
مر شوي وجاهم استاذ صالح وهو مبلول بالكامل و وجهه مرسوم عليه رسومات حيوانات وكان يصارخ عليهم بس لا حياة لمن تنادي كلهم كانو يضحكون
الجادل :رغم انك ماتنطاق الا ان افكارك حلوه
هلال:لسا ماشفت شيء
ضحكت الجادل بعدها جا المدير وقال إن رحلة بتتاجل لكم يوم فرحت الجادل وعلى طول راحت لهلال
الجادل:ولد اسمع
هلال:نعم؟
الجادل:ابي مفتاح المدير
هلال:تستهبل تتوقع بيكون معي مستحيل!
كشرت الجادل وطلعت لسكن وشافت البنات يستنوها وبلهفه سألوها
الجادل:شفيكم شفيكم بقولكم لا تاكولني!؟
الجادل:الورع هلال اشغلني يبي يروح معي عشان نغرق استاذ صالح ولما رحت قالي انه زمان لما كسر سيارة الاستاذ ساف مجموعة مفاتيح جوا سيارة وعرف انها مفاتيح الاساتذه والله وفتحنا الباب بشويش ودخلنا ورسمنا على وجهه بس
سديم:يعني عنده مفتاح المدير طب ليه ماقلتي له!!
الجادل:تحسبيني بقره طبعا سألته بس ما طلع بينهم للاسف
نوره:حسافه!!
الجادل:اي والله كان معنا فرصه
قاطعهم اتصال جميلة خافو البنات ومادرو وش يقولو بس ردت الجادل
الجادل:ه هلا؟
جميلة:لا هلا ولا مسهله وش سويتو ؟
الجادل توترت بس ردت بقلق:للحين مافي اي جديد بس بس
صرخت جميلة فوجهه والجادل خافت
جميلة:تستهبلين ليه موديتكم انا عشان تلعبون!!
الجادل:ترا حاولنا بس شكوى لله
قفلت جميلة المكالمة وراحت الجادل غرفتها بزعل وحزنو عليها البنات
سديم:خل نروح نكلمها
نوره:مانعتني ادخل غرفتها
سديم:هذي لسه زعلانه !
سكتت سديم وفكرت بان كان لها حق انها تزعل لان نورة دخلت بموضوع حساس بزياده وجن لسديم فكرة وصرخت للجادل
سديم:رياننن !ترا بنطلع شوي وبنرجع
سكتت الجادل وطلعو البنات ورجعو بعد نص ساعه بكيكة صغيرة وفتحوا الباب
سديم:جبنا لك كيتك المفضل..
ماكملت كلامها من صدمتها هي ونورة وخوف الجادل
نورة:كيف سمحتك لك نفسك تسوين كذا!!!
الجادل:دقيقه بفهمك!!
نورة:لا كلام ولا شيء انا بنجن ضيعت شعري الحريري وطويل واخر شيء انتِ لا!!!
سديم:وشعر القصير اللي كنا نشوفه
الجادل:احم باروكة
سكتو البنات وسط صدمتهم الجادل كذبت عليهم بموضوع انها حلقت شعرها ولبست باروكة
الجادل:يعني مالي كيكه؟
ضحكو البنات من صدمه وضلو سهرانين ونورة كل شوي تناضر للجادل بحقد مقهوره من شعرها اللي الراح وناضرتها الجادل وفهمت وراحت الجادل لفتره ورجعت وانصدمو البنات
سديم:يامجنونة
نورة:تمزحي صح؟؟
الجادل وهي واقفه وماسكه شعرها بعد ما حلقته
الجادل:ما هان علي زعلكم
حضنوها البنت وهم يبكون معادا الجادل
نورةوهي محتضنه نفسها:يعني تخلينا عن انوثتنا ورافهيتنا وحياتنا ودراستنا عشان ذيك الحيوانة متخاصمه مع زوجها!؟؟
سديم :الله ياخذ حقنا منها