آلَلَهّمً صّلَِّ وٌسِلَمً وٌزٍدٍ وٌبًآرکْ عٌلَﮯ سِيَدٍنِآ مًحًمًدٍ وٌعٌلَﮯ آلَهّ وٌصّحًبًهّ أجّمًعٌيَنِ.
(حينما تضيق بك السبل وتقول لأ مفر من مصيرًا معتمًا!; ويأتيك التيسير من رب العالمين.)
"هدير ياسر"
❤❤❤❤❤.
حياتي إنقلبت رأسًا على عقب، كل ده في يوم و ليلة بسبب موقف واحد كان كفيل يغير حياتي كلها...
من حوالي خمس سنين كنت بنت عادية جدًا بسيطة أهلي أبسط ما يكون ناس من بتوع زمان الناس اللي عندهم البنت الأفضل ليها البيت وعدم الإختلاط وعدم الكلام الكتير وعدم التدخل في اللي ملناش فيه مش بنتكلم على حد ولا بنجيب في سيرة الغير علشان من عاب ابتلى دي كانت قاعدة متمسكيش سيرة الناس علشان محدش يمسك سيرتك والإنسان سيرة..
وصلت للمرحلة الثانوية بعد مُعاناة ولإني خارجة من بيئة طلعتني إنسانة جبانة بتخاف من أي حد وأي شخص ممكن يقرب منها إنسانة بتتكسف من خيالها بتموت في جلدها لو حست بالخوف من حد بتخاف من نظرات الناس كلها كانت عايشة في قُمقم ويدوب لسة خارجة منه علشان تلاقي نظرات أول مرة تشوفها وتلاقي شباب بيقفوا كل يوم طوابير عند باب المدرسة علشان يكلموا بنات أو مستنين بنات..
مكنتش بسلم من نظراتهم وبحس بيها بتقتحم كل جزء فيا بدون خشى وأدب..
كنت بطلع من المدرسة جري عشان أتحاشى النظرات دي وبستنى حد يطلع من المدرسين وأطلع أتحامى فيهم علشان محدش يتعرضلي لحد ما بقى ليا أصدقاء من المدرسة من نفس نوعيتي بنمشي سوا علشان محدش يتعرض لنا لأن الموضوع بجد مثير للإشمئزاز...
ابتديت ألاحظ نظرات لشخص ما بيراقبني من بعيد لبعيد والشخص ده كان بالنسبة ليا بشوفه بس مش فاكرة فين بالظبط بس شكله مش غريب..
مهتمتش وقررت أتجاهل الموضوع عادي ممكن صدفة..!
بس الغريب لما بقى بيظهر كتير في أماكن بكون موجودة فيها كأنه بيراقبني.!
في مرة كلمت صاحبتي وحكتلها عن شكي دة وهي قالتلي هتعرف بطريقتها تجبلي أراره، قولتلها ماشي..!
وبعد يومين «سما» و «دعاء» مجوش ودول اللي كنت بتحامى فيهم وبمشي معاهم، بس للأسف دلوقتي همشي لوحدي وأنا مرعوبة بس هشجع نفسي وأمشي بثقة هم هيكلوني يعني..
مشيت وعديت من عند المدرسة ونوعًا ما اتطمنت إني وصلت لمكان بعيد عن الشباب وكمان هقدر أمشي براحتي.. فجأة لقيت حد جنبي وبيكلمني وهو بيبص قدامه إتصدمت ومعرفتش أعمل إيه هو بيكلمني؟؟
-«هيام» كنت عايز أقولك حاجة ممكن أنا عارف إن تصرفي دة غلط بس أنا،أنا اترددت كتير قبل ما أكلمك ومش حابب لعبة القط والفار دي مش عارف هقولهالك إزاي بس أنا،أنا.....بحبك!!
-قالها وجرى!! حسيت إني مصدومة مبلمة مش عارفة أعمل حاجة من الصدمة بس فرحانة أول مرة أحس إن قلبي بيدق جامد كدة هو ده الحب ولا إيه؟
أنت تقرأ
(صراعات داخلية2)
Ficção Geralهُناك العديد من القصص والروايات التي لم تسمع بها من قبل؛ ستجدُها هُنا من خلال سلسة إسكربتات جديدة.
