مابعد الخيانه يأتي الحب
كعت فجئه لكيت تفسي مبلل بمي افتح بعيني
كوه احس جسمي ثكيل حيل فتحت عيوني اشوف احد واكف كبالي اريد اعرف منو هذا لزمت عيوني حيل لان يغوشن فتحتهن شفت عمتي ام رجلي لزمه سراحيه ذب مي عليه ذكرت صار وياي عاد جنت فاقده وعي هيه صحي بيه جانت هواي تكرهني دائمآ تحرض رجلي عليه بكل مره يكتلني ماعرف احس مسويتله سحر شي لان بدون وعي يكتل أتفه اسباب كبل يكوم يكتل.... كعدت هيه متخصره كدامي بكل عين تكلي كومي كملي غده لسوين روحج تمرضتي عرج مايطكج ماجنت اكدر اكول لهلي لان بابا دهورت صحته حيل ماجنت اريد اقلقه أو اموته من ورى مشاكلي جنت ساكته متحمله ضلم.........؛؟
مرحبآ انا رونق عمري ١٧ سنه اني ٤ بين اخواني اخويه جبير عمرة ٢٦ سنه موضف بشرطه مزوج عن جديد خواتي قبلي مزوجات واحد ابن خالتي واحد ابن عمي اني اخر العنقود اني ماحب مدرسه بطلت خواتي هم تركن وزوجن اني يومي عاي كلش اكعد اصبح انضف ارتب امي سوي غدة بابا عندة محل يبيع بي من جنت بل مدرسه جان ابو خط كلش عاجبني حيل بس هوة مامهتم بس يوصلنه بس اني كرهت مدرسه حيل لان من ورى مدرسه كلش حاقدة عليه تهيني كدام طلاب أصيح عليه فتركت مدرسه بس كلش حزنت لان بعد ماشوفه أبو خط بس هوة جان عجاب بس جنت مراهقه ..........#مرحبآ اني سالم عمري ٢٤ سنه اني ٣واحد بخواني احنه متكونين من ٦ أخوان خوات ماعدنه امي كلش جبيرة اخويه جبير مزوج اخويه ثاني هم واني احب وحدة بينه علاقه بس على مبايل بس اني احبه كلش هية تكول احبك بس ماعرف اشك بهذا شي اني جنت كلش اعتمد على نفسي اشتغل جنت باني بيت بس بعد مامكمل جنت كلش فرحان لان راح اجيب حبيبتي عليه نعيش اني وياه بي يصير عدنه جهال جنت هواي ابني احلام بي ويه رفل مرة جنت احجي وياهة كالت راح تطلع هيه صديقاتهة اني كلش احبه وغار عليه كتلهة لا لتطلعين هية عارضت وكامت تصيح كتلهة لصيحين اذا رحتي انسي كلشي بينه اني كتلهة هيج ماردت تطلع بس ماعبالي هيج ردت فعله جان تكول ماشي كلشي انتهة سدت خط وراحت اني كلش ضجت حيل نقهرت كلت اني غلطان ردت فعلي قويه جانت جان فجئه دك مبايل شفت صاحبي خابرته كال سالم شلونك كتله زين كالي تجي ويانه احنه طالعين طلعه احنه الولد اني كيفت حتى اتفضه بس هم جنت ضايج مالي خلك اطلع كتله ماشي شوكت كال هسه كتله ماشي ابدل واجي عليكم هوة نفس ديرة مالتنه جان ابدل اطلع وصلت سلمت عليهم وطلعنه مشغلين اغاني ومكيفين نشاقه ونضحك جان ننزل بمول جاي نمشي اشوف رفل ويه واحد صفنت حيل تشاقه وتضحك وياا اني كلش دمرت نفسين لان جنت كلش احبه بس جنت اشك بحبه فعلا طلع جان يصيح بيه صديقي شبيك كتله هاا مابيه شي كعدنه بمطعم وهمه يسولفون يضحكون واني مو وياهم صافن باوعت على مبايلي اكلب لكيته حاضرتني اني هم حضرته جان نرجع للبيت اني كلش مدمر كلت طلعت زعم اتفضه تالي رجعت مدمر اجيت كبل لفراشي حتى مابدلت ولا سبحت كبل ماحس على نفسي شلون غفين ونمت بعدين كعدت كمزت عبالي تأخرت على شغل وجان افتح مبايل صفنت يوم جمعه همزين كعدت سبحت بدلت نزلت غرفتي بل طابق فوك نزلت هوسه ولد اخواتي جهال اني مالي خلك رحت على بيتي جديد صفنت اباوع ماضل شي بس حديقه بقت كعدت كبال البيت وصاف شسوي كلت لازم انتقم فتحت مبايل خابرت على صديقي كتله اريد ازوج شوفلي مرة هوة حيل فرح مع العلم محد جان يدري بعلاقتي اني رفل جان يكول دلل سديت مبايل صافن بل بيت........... #رونق...
كعت صبح سبحت بدلت طلعت اني جانت عندي غرفه وحدي لان بابا جان كلش يحبني مدللي ويكلي لو بس مكمله دراسه احسن اني جنت هواي اهتم بجسمي ألعب رياضه بل بيت مرت اخويه كلش حبابه اني وياهة علاقتنه حيل قويه عبالك مو مرت اخويه اختي امي كلش تحبه فراس اخويه كل ١٠ يوم بل دوام كل ١٠ بل بيت ١٠ بل دوام نام سوى نضحك نسولف بس ماجاي يصير عده جهال مع العلم هيه صار ٤ اشهر من زوجت بس كلش تحب جهال اني كللهة شلج بهاي دوخه خلينه مرتاحين اني عندي مبايل بي بس انستاا اهلي جانو واثقين بيه حيل اني هم وعدت نفسي ماكسر ثقتهم جان كلشي ماعندي
جاي أكلب بل مبايل فجئه جان اشوف اخويه ناشر طبيت حتى اعلق جان اشوف سالم معلق زادني فضول ادخل حسابه طبيت اكلب اكلب اشوف صور اكول بين نفسي شكد حلوو يربي جان اسمع امي صيح رونق رو....... ق جان اطفي مبايل انزل اركض اشوف بيت هوسه خواتي جهالهن كيفت لان جنت حيل ضايجه نزلت اركض مدري شلون عثرت وكعت كلهة كامت تضحك واني من فشله ضحكت جان تكول امي هاي من فرحه اجتي اختي جبيرة كومتني سلمت عليهن وجان اروح للمطبخ اساعد رنا مرت اخويه جان انسوي عشه تعشينه وتعللنه شلون تعلوله جنن جان يروحن من صبح خواتي اخويه اجه بليل اوو هم راح ارجع مثل قبل وحدي بل غرفه جنت اتونس من رنا يمي جان هم اكلب بل مبايل جان اطفي انام
..... سالم رجعت على دوامي اكعد صبح اودي طلاب وارجع انام جان فجئه دك صديقي كتله يدورلي مرة مع العلم مرت اسابيع ورفل لا دكت لا دزت مسج ابد واني جنت بس ناوي انتقم منه جاوبت على علي هاا شلونك كتله زين كلي لكيتلك مرة اني مافرحت بس كتله خوش مني هاي كالي بنت ابو فراس ابو المحل كتله هوة مو زوجهن كلي يي بس عندة وحدة جنن كتله خوش راح اطلب أيده كلي شنو بهل سرعه كتله يي اني مستعجل ماضل شي لبيتي اريد استقر جان يكلي ماشي باي باي.....
رحت على ابويه بابا اريدك سالفه كال كول امي كاعدة كتله اريد ازوج امي فرحت حيل كامت تهلهل كتلهة على كيفج اصبري ابويه كالي دلل مني كول كتله بالي احد كال كول مني كتله بنت ابو فراس ابو المحل كيف حيل طار لان سمعة ابو فراس حيل حلوه جان يكول ليوم العصر اروح عليه للمحل جان اكله ماشي رحت لغرفي افكر اكول يربي اني تسرعت على هذا شي خاف رفل تزعل جان اذكر من تضحك ويه ذاك الولد كلت والله لو مو جماعتي جان رحت ضربته جان أبدل وطلعت
ابو محمد ....
رحت على ابو فراس الله يساعدك ياهلا ابو محمد تفضل كعدنه بل حديقه مال محل جان احجي وياا كتله ابو فراس اني جايك بسالفه كله تفل ابو محمد خما اكو شي كتله لا كل خير انشالله بس ابني سالم يريد يزوج واني اجيت اطلب ايد بنتك لبني واحنه ماكو احسن منكم ناسبكم
ابو فراس... تسلم يا ابو محمد انشالله خير بس انطيني مهلا يوم أردلك خبر انشالله ماشي براحتك اني اترخص الله وياك.....
رونق كاعدة بل صاله اني ماما واخويه مرت اخويه تحضر بل عشه ننتضر بابا حتى نتعشه جان يجي بابا كعد كال وين عشه أجه اعشه تعشينه اني رنا جاي نغسل مواعين جان يصيح بابا رونق هاا بابا تعاي ماشي اجيت كالي اكعدي بابا اشو اني كمت اخاف من كال هيج كعدت جان يكول بابا اجتج قسمه خوش قسمه جان تكول ماما غير نعرف منو
كال اصبري كال ابو محمد اجه ليوم جان يكول اخويه يا ابو محمد كومه عدنه ابو محمد بل منطقه
جان يكول بابا اهووو اصبرو شبيكم خلي نحجي بعدين احجو جان يكول سالم ابو الخط طلاب المنطقه يريد بنتي سالم
#.... رونق اني صفنت حيل جان اكول معقوله اني عاجبني قبل يومين اكلب صفحته ماصدكت بابا يصيح رونق رونق شبيج كتله مابيه شي جان يكول هاا شتكولين كتله بابا بكيفك لتشوفه مناسب جان يكول اني موافق امج هم
ام رونق.... اني وافقت لان نسوان منطقه حيل يحمدن بي يكولن لا يبصبح ولا عندة سوالف مكسرة
اخويه هم كال اني صديقي حيل اعرفه نعم تربيه
جان يصيح بابا هاا موافقه كتله اني بكيفكم اذا قابلين انتو اني موافقه جان بس شنو كلمه كوة طلعت من حلكي جان يكول بابا باجر يجي رجال اكله يجي يمشي
#...... سالم
كاعد نتعشه جان يكول بابا رحت ابو فراس حجيت وياا باجر يردلي خبر انشالله اني كتله خوش رحت لغرفتي صفنت حيل جان اكوم اسبح أكلب بل مبايل جان اشوف باجر عندي دوام جان اطفي مبايل انام..
رونق.... اني مامصدكه هذا شي حقيقه لو جذب ضليت مثل مامصدمه حب طفوله والمراهقه راح يكون زوجي جان اطلع صورة اكلب اضحك جان يندك باب غرفتي جان طب رنا كبل ركضت حضنته جان هيه تكول مبروك طبعآ اني ماضامه عليه شي تدري هذا جان أعجاب أول كالت تعاي اكعدي نشوف كعدنه كتلهة ماجاي اصدك شلون صارت هيج كالت بابا قسمتج هوة كتلهة سبحان الله..... جان اكللهة صدك تعاي شوفي فتحت مبايل جان اشوفه صور جان تكول عزة لعزاج هاي ميلج كتلهة ولج والله صدفه علق رجلج جان اطب صفحته
رنا..... بس صراحه حلووو هههههههه
كتلهة هاا صدك هههههه جان يصيح اخويه على رنا جان تكول يالله بعدين نحجي كتلهة ماشي راحت اني اباوع بغير عالم جان اكول كافي خبال شبيج جان اطفي ضوة انام
#سالم كعدت صبح ساعه ٧ رحت جبت طلاب الى المدرسه مريت على مطعم اخذ ريوك للعمال اني اجيب ريوك غدة للعمال ماكلف احد ولا حتى نسوان اخواني حتى مصير مشاكل رحت للبيت جاي يسون بل حديقه ناس سوي بل كاونتر كلت ماضل شي انشالله بس جنت ناوي اجيب بي رفل بس راح يصير من نصيب مرة غيرهة جان اطلع رحت للبيت سبحت رجعت اشوف تحضيرات جان اشوف مخلصين كاووتر مخلصين حديقه شغلت ساعه يكمل جان اروح اجي للبيت طبعآ البيت طابقين بس غرفتين جوة غرفه فوك وحمام فوك سويت بل غرفه جوة الغرفه ثانيه مو جبيرة يعني مخططهة لجهالي...... رحت اجيب طلاب من مدرسه وديتهم للبيت رجعت اودي مسائي جنت لازم صباحي مسائي لان جنت محتاج فلوس اكمل بيت مع العلم هاي مدة كلهة رفل ماكو خبر منه جان ارجع للبيت تلكيت بابا بل باب كلي راح اروح على ابو فراس اشوفه كتله ماشي راح بابا
ابو محمد سلام عليكم ابو فراس عليكم سلام ابو محمد تفضل تفضل
ابو محمد هاا بشرني
ابو فراس أنشالله كلشي خير جان يكول احنه موافقين جان يكول ابو محمد مشكور ابو فراس أنشالله اجيب مشيه اجي ابو فراس كل هلا بيكم بس ابو فراس اريد رقمك جان ينطيني رقمه حتي اكلك شوكت نجي ابو فراس ماشي
سالم كاعد بغرفتي اسمع بابا يصيح سالم سالم كتله هاا بابا كال جماعه موافقين اني كتلهم نجيب زلم نمشي كال سالم خوش شوكت نروح بكيفك بابا انته كول كتله اني مشغول اسبوع كله جمعه ورى ظهر نروح كال ماشي
ابو محمد دكيت على ابو فراس الله يساعدك يهلا ابو محمد ابو فراس عيني اجمعه انشالله نجي هاا ماشي كل هلا بيكم
#.... رونق اجه بابا كال كلت ابو محمد موافقين حييل كيف جان فجئه دك مبايل ابو محمد كال ابويه جمعه يجون اني كيفت حيل كوة اكل عشه حيل مستحيه من بابا جان يكول تدرون شنو حلوو بل ولد جان تكول امي شنو كال هوة الوحيد يعتمت على نفسه باني بيت وراح ينتقل بي بس يزوج اني كيفت حيل كلت الله اني وياا وحدنه ناخذ راحتنه حتى براحتي ألبس لريدة
جان تمر ايام واني اتحضر مكيفه رحت اني امي نجيب ثوب حتى ألبسه بل مشيه جان نرجع للبيت اول ماطبينه دك مبايل بابا كالت امي منو كال ابو محمد اشو اني نعصر كلبي خفت لا بطلووو
جان يجاوب بابا سلم عليه جان يروح للستقبال ورى شويه رجع كال بابا يريدون بل مشيه يعقدون يلبسون حلقات ماكو حفله خطوبه اني وافقت جان تكول ماما لا عبالي اسوي حفله جان يكول بابا عود بل حنه سوي
رونق..... رحت للغرفه كبل مددت على جربايه من تعب جان اخذ هدومي اطب اسبح اني جوة دوش افكر بي جان اطلع كبل انام جان اكعد عصر ميته تعب من سوك جان اسمع هوسه نزلت لكيت خواتي جايات لان باجر مشيه مالتي نزلت جان تكول اختي جبيرة سمر اسمهة على كيفج لا هم توكعين جان اضحك اشبكهة وجان تبجي جان فجئه كمنه نبجي بجينه بجي بحركه بس من الفرحه امي هم كامت تبجي جان رنا مرت اخويه تكول على كيفجن ترة والله خطوبه مو عرسهة جان نسكت اكعد جان شواي اخذني خواتي غرفت مامه كعدني كبالهن جان يلزمن خيط يحفن جان اكمز لا ماحف ترة خطوبه مو عرس ماما خاف متقبل جان تعيط بيه سمر اكعدي ماما كالت حفيلهة اختي طبعآ حفافه شاطرة جان تحط خيط اعيد كبل هية تكلي بعدني ماحفيت جان اكللهة يوجع جان تضربني راشدي تضحك كتلهة هاي شنو جان تكول حتى يخدر خدج متحسين كتلهة الله يساعد يحف يمج جان تحف صدك ماحسيت حيل جان اضحك كتلهة خوش فكرة هاي هههههه
جان نتعلل امي عاطت بينه يالله نامن باجر هواي شغل عدنه جان اروح لفراشي فتحت مبايلي طبيت صفحه سالم اكول بعد سنين اني ماشايفتك شوكت اشوفك باجر جان انام كعدنه صبح من وكت امي سوي ريوك تريكنه كملنه شغل تغدينه جان رسل رنا يغسلن مواعين وجان تاخذني سمر فوك كعدتني بغرفه اخويه
صح بس اخويه ماموجود بهذا يوم حرامات جان بدوام راد اجازة مانطوو كعدت تمكيجني وتحجي صيري ثكيله سوي روحج مستحيه لان زلم يحبون مرة ثكيله المهم تمكيج تسولف لبست ثوب سمائي بي قرتيله من ورى هوة تول مجسم بل اخير كلوش قرتيله جبيرة من ورة بحيث تسحل قرتيله من طولهة سور شعري مفلول مبروم حطت فلونكه على شكل نجمه زركه جان تكول كومي طبعآ اني ماخلتني اشوف أله تكمل كمت باوعت على روحي اكول هاي مني جان طب رنا ورسل جان يكولن الله مصلي على محمد جان تلبسني كلادة على شكل فراشه تراجي بس ناعمه جان طب امي نصدمت جان تكوم تبجي اني كمت ادمه جان تكول سمر ماما راح يتخرب مكياج من وراج
جان تجي تحضني امي
جان اكول سمر عفيه مو بالغتي شويه جان تكول بابا هيه مو بس مشيه خطوبه نوب جان نكعد ننتضر
# سالم..... كعدت الضهر مالي نفس اكل مادري ليش سبحت بدلت ماحس أله اخوتي طبو كلهم فجئه جان يشيلوني ينزلون بصاله جماعتي كلهم جوة علكو ديجي ضلوو يركصون يركصون يصيحون شايليني يشمروني فوك ينزلوني جوة واني أضحك جان ينزلوني كالو شو بعدك مابدلت كتلهم هسة رحت غرفتي اضحك جان اذكر اني رايح اخطب غير رفل جان اخذ هدومي ابدل جان أنزل كال بابا ماضل وكت هسة ينتضرون جان نطلع يمكن بل ٢٠ سيارة
تابعوو....
