ذئاب من نار

البارت الثالث عشر

بنات اول ما البارت ده يجيب ٦٥ فوت هنزل الجديد علي طول
___________________________________

يتصدم دياب بشدة وتنزل علي صاقعه قويه ويقول.انت بتقول ايه
يتنهد رحيم بقوة ويقول.هو ده الحل الوحيد علشان رؤي تتعدل يا دياب انت لازم تتجوزها وتخليها تمشي علي الطريق الصح
دياب بغضب شديد.عنها ما مشيت خلاص يا رحيم انت شكلك فيك حاجه رؤي دي كانت مع ايهم يا رحيم عايزني اتجوزها من بعده
رحيم بصوت عالي.اولآ صوتك يا دياب ومتنساش اني ابوك ثانيا رؤي كانت بتحب ايهم زمان قبل حتي ما تتجوز والموضوع ده انتهي من زمان وايهم اتجوز بنت عمتك وعايش معاها ثالثاً هو ده اللي عندي وانت لازم تنفذ ده
دياب بغضب اعمي.انا مش منفذ حاجه يا رحيم انا البت دي مش بطايقها علشان اروح اتجوزها روح شوف عيل $$$$$ زي اللي كانت معاه يتجوزها هو شبها وهي ش
قطع كلامه رحيم التي لكمه بقوة كبيرة علي وجهه ويتصدم دياب من فعلته ويقول رحيم بغضب شديد.اوعي تفكر تغلط فيها كده يا دياب رؤي بنت عمك اتلم ولما تتكلم عليها اتكلم باحترام فاهم
يضحك دياب بسخرية شديده ويقول.اه بنت عمي حلوه
ويغير نبرته صوته ويقول بصوت عالي.بنت عمي دي انا اللي عارفها يا رحيم هي عندك عايز تعدلها اعدلها بعيد عني انا مش هتجوز بنات حد
نهي كلامه ويسير الي الخارج وكان ان يذهب لاكن يقول رحيم بصوت قوي.لو متجوزتش رؤي لا هتكون ابني ولا اعرفك يا دياب وهتعتبر ابوك وامك ماتوا من انهارده معندكش اهل
يتصدم دياب بشدة من حديثه وللحظه واحده يشعر بأنه الان يقفد كل من حوله يشعر بأنه لم يبقي معه احد ويلف الي رحيم وينظر اليه ويقول.انت بتقول ايه
رحيم ببرود.زي ما سمعت يا دياب لو متجوزتش رؤي هتعتبر ابوك مات وامك لو هتختارك انت يبقي تعتبر هي كمان ان جوزها مات
يتصدم دياب أكثر وينظر أمامه بصدمه وهو لا يعرف ماذا يفعل الآن فهو سوف يكسر قلب للمرة الثانية وهو قلب وتين التي يعلم بأنه إذا فعل ذلك لم يكون اليه مكان في قلبها مره اخري لاكن يتذكرها وهي تقول اليه.حياتي هكملها لوحدي يا وحش ومش عايزه حد فيها.لا يا دياب ياريت تنساني فعلاً علشان اعرف اعيش حياتي.
ويتذكر ايهم التي لم تتركه رؤي وهو لا يريد ان يخرب زواجه من كارما بسبب هذه رؤي ليغلق عينيه بقوه ووجع شديد وهو يختار للمرة الثانية من حوله عن سعادته هو وينظر الي رحيم ويبتسم بجمود شديد ويقول.ماشي يا رحيم بيه هتجوزها علشان اريحك
يبتسم رحيم ويذهب آليه ويضمه ويقول.كنت عارف انك مش هترفض ليا طلب يا دياب كنت متاكد من ده
يبتسم دياب ببرود شديد ويقول.بس انا مش هعمل حاجه اعمل انت كل حاجه واللي انت عايزو انا مليش دعوه بالهبل ده
يبتعد رحيم عنه ويخبط علي كتفه ويقول.اتلم وسيب كل حاجه علي ابوك ومتشلش هم حاجه يا دياب
دياب بسخرية شديده.وانا كده المفروض مشلش هم فعلاً يا رحيم بيه
نهي كلامه ويذهب الي الخارج ينظر خلفه رحيم وهو يعلم بأنه داخل قلبه نار جهنم الآن لاكنه لا يعرف ماذا يفعل فرؤي اذا ما تغيرت سوف تدمر العائله بتأكد وسوف يتأثر الجميع بذلك وهو لا يريد ذلك ويريد ان يجعلها تتغير وتعود الي الطريق الصحيح