အင်ပါယာ၏ အခမ်းနားဆုံးနှင့်ဗိသုကာလက်ရာအမြောက်ဆုံးအဆောက်အဦး၌ ကျင်းပသည့် ဂုဏ်ပြုညစာစားပွဲသို့ အင်ပါယာ၏ထိပ်တန်းအရာရှိများ၊ သုတေသနပညာရှင်များ၊ စီးပွားရေးထိပ်တန်းခေါင်းဆောင်အများအပြား တက်ရောက်ကြသည်။
အင်ပါယာတစ်ခုလုံး၏အောင်ပွဲဖြစ်သည့်အလျောက် အင်ပါယာ၏သူရဲကောင်းများ၊ အကျော်အမော်များနှင့် ဂုဏ်ပြုပွဲတက်ချင်သည့် ပြည်သူပြည်သားများအတွက်လည်း ကိုယ်ပိုင်ကွန်ရက်များမှ တိုက်ရိုက်ကြည့်ရှုနိုင်စေရန် အချိန်နှင့်တပြေးညီ ထုတ်လွှင့်ပြသလျက်ရှိလေသည်။
ပွဲစီစဉ်သူမာရှယ်ကြီးမှာ နောက်ကွယ်မှပံ့ပိုးသူများဖြစ်သည့် ငွေရှင်ကြေးရှင်များ၊ စစ်လက်နက်ပစ္စည်းများထုတ်လုပ်ပေးသည့် နည်းပညာရှင်များ၊ အင်ပါယာ၏ဂုဏ်သတင်းမွှေးသည့်ပုဂ္ဂိုလ်များပါမကျန် ပြုံးရွှင်တက်ကြွစွာ ဧည့်ခံလျက်ရှိသည်။ ထိပ်တန်းဆိုသည့်နေရာမှလူများအား တစ်စုတစ်ဝေးတည်း တွေ့ရသည်မှာ ကြုံတောင့်ကြုံခဲဖြစ်လှ၏။
ကာကွယ်အုပ်ချုပ်ရေး၊ နည်းပညာ၊ အတတ်ပညာရှင်၊ အသိပညာရှင်၊ အနုပညာရှင်များ၊ ထိပ်တန်းစီးပွားရေးသမားများ တက်ရောက်သည့်ပွဲဖြစ်လေရာ မည်သည့်နေရာသို့ပင် ကြည့်ကြည့် အထက်တန်းကျသည့်ခံစားချက်များ၊ ခမ်းနားသည့်အပြင်အဆင်၊ ခန့်ညားချောမောတည်ငြိမ်သည့် ရုပ်ရည်ရူပကာများကိုသာ စိတ်နှလုံးအေးချမ်းစွာ မြင်တွေ့ရလျက်ရှိသည်။
ယနေ့အထူးအစီအစဉ်အဖြစ် အင်ပါယာ၏ ပြည်သူအများအား ဂုဏ်ပြုညစာစားပွဲနှင့်တစ်သားတည်းရှိနေသည်ဟု ခံစားရရန် အလို့ငှာ စားသောက်ဆိုင်များမှ အခွန်အခကင်းလွတ်ခွင့်နှင့် ပိုင်ရှင်များအား 50 ရာခိုင်နှုန်းတိတိ ဈေးလျှော့ပေးရေး အစီအစဉ်လည်းပြုလုပ်ထားရာ မိသားစုအားလုံးလိုပင် ကိုယ့်အိမ်၊ ကိုယ့်ရာ၌ အေးငြိမ်းချမ်းသာစွာရှိစေကာ ကိုယ်ပိုင်ကွန်ရက်များဖြင့် ဂုဏ်ပြုညစာစားပွဲအား တိုက်ရိုက်လိုက်ဖ် ကြည့်လျက်ရှိကြသည်။
အင်ပါယာ၏ ထိပ်သီးထူးချွန်အနုပညာရှင်နှစ်ဦးဖြစ်သည့် ရစ်ချက်နှင့် မေဘယ်အတွဲ၏ စင်မြင့်ထက်ဖျော်ဖြေမှုမှာလည်း ပြည်သူအများအား စိတ်ချမ်းသာစေလျက်ရှိ၏။