رماح: اطلع من الخيمه قبل اشيل بندقيتي
سيف: افا يارماح تهددني؟
رماح: انت عدوي الحين مثل ما ابوك عدو ابوي
سيف:محنا اعداء لا تقول هالكلام انا احبك وانت تحبني
وادري انك تحبني ولكنك تكابر عشان ابوك
رماح: انت ماتدري وش بقلبي
سيف: الا ادري وادري انك تحبني
رماح: لو تبي مني شي المجلس قدامك
سيف: اللي بينا اكبر من اني اكلمك بمجلس
بكلمك بأي مكان ابيه لانك معشوقي اللي احبه
اخذ رماح بندقيته وصوبها على سيف: اطلع من هنا
سيف: استهد بالله يارماح
رماح: اطلع
سيف: نزل السلاح خلني اكلمك
رماح: مابينا كلام
حط رماح بندقيته على صدر الثاني و دفه فيها الا طلع برا الخيمه:
عطني مقفاك وامش من هنا
سيف: تراني احبك لو ترفع قدامي سيوف وبنادق ماتفرق معي
رماح: الدرب اللي جيت منه تدله ياسيف امش من هنا ولا عاد
اشوفك ابد
مسك سيف يده وشد عليها وحط راس البندقيه على قلبه:
صوبني لو تبي وانا ادري انك ماراح تسويها لانك تحبني
رماح وهو يناظر في عيونه: مين قلك مااقدر اصوب عليك
واقتلك ؟؟
سيف: ماتقدر يارماح قلبك يحبني وانا داري وعارف بها الشي
رماح: وش تبي جيت ! لجل تحرق قلبي وتذكرني باللي صار؟؟
اذا جيت لجل هالشي تراك حققت اللي تبيه وامش من هنا
مابي اشوفك
شد سيف على يده وهو يناظر فيه: ابيك ابي اجلس معك واقرب منك
رماح رفع صوته: سيف!!!
سيف: عيون سيف وقلبه وروحه
رماح : لو انت صادق وتحبني ابتعد من هنا
سيف: واللي يحبك يبتعد عنك؟؟
قرب نمر منهم: ياشيخ
بعد رماح عن سيف ولف وجهه: انت للحين مارقدت؟؟
نمر: لا مارقدت سمعتك تنادي وقلت يجوز تبي شي
رماح: لا مابي شي ارجع لخيمتك وارقد
نمر وهو يناظر في سيف : منهو ذا اول مره اشوفه!
سيف: وانت وش تبي وليه تبي تعرف انا مين !!
