جلسو شاهين و هزاع يتسوقون ونمر يمشي وراهم وشايل
الاغراض على ظهره وناظر فيه هزاع: اذا تعبت خلنا نساعدك
نمر: ماتعبت خلصو مقاضيكم
شاهين: شكله صدق مثل ماقال ابوه يشيل الصخر لو يبي
هزاع: شايل اكياس الرز والطحين كأنه شايل طفل صغير
شاهين: انت تشوف جسمه ! ايييه يمه ليتك استخرتي قبل تتزوجين
ابوي
هزاع ضحك: وش هالكلام انت بعد
شاهين: كنت ابي جسمي يطلع نفسه
هزاع: خلنا نخلص قبل غروب الشمس نبي نرحل
شاهين: باقي الماء بنحمله على ظهر البعير ونمشي
هزاع: اجل مشينا
نمر وهو يناظر في الاحجار الكريمه اللي كانت معروضه قدامه
وقرب وجلس يلمسها : دامها شيخة قبيله لزوم اعطيها هديه
بسيطه مني لجل تعرف اني رجال حقيقي واني ابيها
واتقرب منها
اخذ نمر السلسال اللي كان عباره عن خيط اسود ومعلق فيه
حجر كريم بلون ابيض واشتراه وحطه بجيبه ومشى
ولحق هزاع وشاهين وطلعو برا المدينه وتوجهو للشمال
وهم يمشون وسط الصحرا وقطعو مسافة الا جا نص الليل
وهم بالطريق ووقف شاهين مكانه: انا تعبت خلونا نريح
نمر: كم باقي ونوصل ؟
هزاع: مسافة نص يوم
نمر: قليله خلونا نكمل
شاهين: ماتتعب انت ؟؟ ماتبي تنام؟
نمر : بنام اذا وصلنا
شاهين : لا بالله مااقدر اتحرك ولا ابي امشي ابرتاح
هزاع: وانا بعد ابرتاح خلونا نبات هنا الليله الا تشرق
الشمس ونكمل
شاهين: يكون افضل بعد
نزل نمر الاشياء اللي كان شايلها وجلس يحوم حول المكان
ويتفقده وشاهين يناظر فيه :وش تسوي ؟؟
نمر:حنا في ارض خاليه وصحرا والعقارب والحيات والذيابه
تكثر بها الاماكن
هزاع:يارجال ارتاح خلك من هالاشياء طول عمرنا نجي ونروح
من هالمكان ماصابنا شي
نمر : ارتاحو انتم وارقدو وانا ان جاني النوم نمت
فرش هزاع فراشه بجنب شاهين ونامو ونمر جلس يراقب المكان
شوي ورجع انسدح وهو يناظر في السما : ماكملت يوم واحس
