مسك نمر يده ورفعها لفمه وسلم عليها وسحب رماح يده:
لا تعاود هالشي مره ثانيه
نمر: اوعدك اخلص البير بسرعه وبشتغل بكل مجهودي
رماح: لا يانمر ماسويت هالشي لجل تتعب حالك وتهلك نفسك
نمر: بسوي اللي اقدر عليه واكثر مب شرط حفر البير كل شي
تبونه بسويه وانت لا طلبت مني شي بقلك سمع وطاعه
رماح ابتسم: مشكور
طلع رماح ووراه نمر وناظر فيهم شاهين: وش السالفه؟
رماح: يبي يشكرني
شاهين ناظر في نمر: واللي يبي يشكر يروح ورا الستار
نمر: ايه مابيك تشوفني
شاهين: وش ؟؟ هالمجنون حتى بالشكر تحسب انك بتضعف
نمر: ايه مااحب احد يشوفني ضعيف وانت اولهم
شاهين: ياراسي !! وش ساويت لك!! الحق علي رايح
للخياطه لجل اجيب لك ملابس
نمر: بتروح غصب عنك لجل الشيخ هو اللي قالك روح
رماح ضحك: خل الرجال بحاله ياشاهين
شاهين: ويعني الشيخ مايشوف ضعفك !!
نمر ناظر في رماح : انا برجع اكمل الحفر
راح نمر وشاهين يناظر فيه: مسكينه المره اللي
بترضى فيه ؟؟
رماح:الا على ها الطاري مالقيتو له مره؟
شاهين:الحريم واجد
رماح:نفس مايبي؟
شاهين:ماقال يبي شي ولا مواصفات قال يبي مره وبس
رماح:زين
شاهين: ماطمنتنا على ديرتنا ياشيخ وعلى اخوك هلال؟
رماح : بخير كلهم بخير
شاهين:ابوك وش اخباره؟
رماح سكت شوي وهو حاس بضيقه وحزن:ابوي بخير
هذا اللي ابيه اني اشوف ابوي بخير
شاهين: اخ بس يارماح ليتك تنطق وتقول وش بقلبك ووش اللي صار
بينك انت وابوك والله ان سكوتك يتعبك ويتعبنا معك
رماح: والله ياشاهين محد مهون علي كل هالاشياء الا انتم
انت وهزاع وباقي الرجال اللي رضو يجون معي جعلني ماعدمكم
قرب شاهين وسلم على راسه: معاك ان شاء الله بكل شي
رماح: سلمت
شاهين: انا بروح لهزاع يقولون ولده الصغير مريض
