رماح وهو جالس يشرب قهوته في الخيمه وقت الظهريه:ماشفت لي هزاع وشاهين؟
وليد: يجهزون نمر
رماح ضحك: يجهزونه من الحين؟؟
وليد: ياشيخ ، نمر تقول انه من ولد ماقص شعره ولا تنظف مثل
مايتنظفون الرجال لو انه مب ادمي كنت قلت انه متربي مع
المواشي وعايش وسطها
رماح ضحك : يعني ماكذب يوم يقول ان ريحته طين وتراب
وليد: مير انه يقول النسوان حوله كثير هقوتي انه يكذب
النسوان وش يبون بواحد مثله
رماح: النسوان يهتمون لزين وجهه وطوله ورجولته وانت شفته
البارحه يوم شال صناديق اللي بوزن ثلاث رجال
وليد: اي بالله شفته قوي وشديد مير اني سمعت شاهين وهزاع
يقولون ان لهم دين عند ابوه دينارين ذهب مقابله
رماح: ماقالو لي
وليد: شكلهم نسو
رماح: روح شوف وش يسوون ووش علمهم
وليد: سم
راح وليد وجلس رماح يشرب قهوته : الله يسامحك يبه كان
المفروض ها الوقت انا بالديره بين اهلي وجماعتي
واجهز معك لزواج هلال ولكن مب مقدر لي هالاشياء
دخل نمر على رماح: طلبتني ياشيخ
ناظر فيه رماح: ماطلبتك ولكن ابي اعرف وش يسوون فيك هزاع
وشاهين
نمر: جيت لك لجل تبعدهم عني يبون يقصون شعري
رماح: وانت ماتبي تقصره؟؟
نمر: لا ابيه مثل ماهو
رماح: وينهم؟
دخل شاهين ومعاه هزاع: سم ياشيخ
رماح: وينكم من الصبح؟
هزاع: نمر اليوم عريس ونبي نظبطه لجل تشوفه عروسته
بمنظر زين
رماح: سوو له اللي يبيه ياهزاع
هزاع: اللي يبيه ماهوب بزين
رماح: هو حر وبكيفه سوو له اللي يبيه
هزاع: ابشر اللي تبيه
رماح: خلوه عندي ابيه روحو جهزو خيمته
هزاع: سم
رماح ناظر في وليد: وانت بعد ياوليد روح معهم
وليد: سم
راحو كلهم وبقى رماح اللي كان جالس مقابله وقام وقرب