بسم الله
صلوا على خير البشر
اللهم صل على محمد وآل محمد
#نسرين_الأسدي
#اريام_في_عرين_الجهاضم
(تحتوي الرواية على مشاهد جريئة لذالك وجب التنبيه)
______
قطوف
مرت ٧ سنوات ووصلنه للصف السادس ابتدائي
صرنه انا ومهره كلش قريبات وتربينه مثل الخوات
هي ماتضم علي شيء واني ماضم عليها وبالمدرسه جانت دائما تعارك وترادد بس انا جنت عكسها كلش فقيرة وهادئة صوتي ماينسمع، اخاف من كلشي
لدرجة حته الصوت العالي يخليني ابجي يمكن صدمة تخلي امي عني هي الي آثرت عليه
نطلع للمدرسة مشي ونرجع مشي والطريق كلش طويل
وبس نرجع ناكل غدانه ونطلع للشارع نلعب ويه جهال المنطقه
بس اني مو دائما اطلع لأن بس وصلت ٩ سنوات جسمي صار بارز ويجيبلي النظر ومن وصلت السادس ضليت البس كله ملابس واسعه وعريضه بس حته احمي نفسي من عيونهم وهم ما فاد جان جسمي هو لعنة بحياتي
قطوف:- مهره، مهره
مهره:- ها قطوف شنو؟!
:-عمه تريد معجون تعاي امشي ويايي للمحل
:-مااكدر قطوف هسه دوري واذا رحت اخسر
روحي وحدج
جنت هواي متردده وخايفه اروح وحدي لأن ابو المحل دائما نظراته مو حلوه وكلامه هم بس انجبرت اروح
دخلت لكيت كم شخص موجود تنفست براحه واخذت المعجون واجيت انطيته الفلوس حته اروح
بس مااخذهن مني وسوه نفسه يحجي ويه الناس البقية
ردفت بسرعه:- عمو اخذ الفلوس
التفت علية:- رجعي عمو هذا مو بدينار روحي اخذي من الجهة الثانية
:-بس انا اخذه كل مره بدينار
:-لا هذا غير شركه روحي جيبي ذاك الثاني
تمشيت للجهة الثانيه واخذت واحد بس واضح ماكو فرق بيناتهن ليش كال مو هو؟!
رجعت اله وشفت الناس طالعين
مديت ايدي اله حته ياخذ الفلوس لزم ايدي وگمزت خايفه
ردف:- ليش مستعجله ضلي بعد شويه يمكن تشوفين شيء يعجبج
:-لا ماريد، اصلآ انا ماعندي فلوس
:-ومنو كال رايد منج فلوس تعاي انطيج ابلاش بس ضلي يمي شويه نلعب لعبه حلوة ها شتكولين
حاولت اسحب ايدي وعيوني دمعت ردفت بسرعه:- لا ماريد.. عوفني
سحبني من ايدي وقربني اله ضل يتلمس بجسمي ويهمس:- شبيج لا تخافين ماراح اسويلج شيء، بس شوية
ضليت اضرب على ايده واحاول اسحب نفسي
لمن دخلت مهره عايطه:- قطوف.. وينج امي دزتني كالت تآخرتي
تركني بسرعه وبتعد عني ودموعي تارسه عيوني
تقربت علي:-قطوف شبيج تبجين؟!
التفتت عليه بسرعه:- شسويتلها انتَ شسويت لبنت عمي ليش تبجي؟!
عاط بينه:-كلشي ماسويتلها بس هي جبانه ردت انطيها هدايه ملاعيب ماقبلت، ماتردين انتِ ابلاش ترا ماريد فلوس
مهره:- لا.. مانريد منك شيء.. انتَ واحد جلب
سحب الماسحه وراد يركض ورانه واحنه نهزمنه بسرعه
راجعين للبيت خايفين ونركض لحد مادخلنه ونتنفس بتعب
ام مهره:- وين جنتن ليش تآخرتن هيج؟!
أنت تقرأ
اريام في عرين الجهاضم «باللهجة العراقية»
Romance~أن لم تكن ذئبآ آكلتك الذئاب ~ من تكونين ايتها الصغيرة ؟ وكيف وصلتي الى عريني ؟ انتي لاتعلمين بماذا اقحمتي نفسك لقد منحتك الفرصة كي تبتعدي ...حاولت جاهدآ ان لا اتمادى معك لقد حاولت ابعادك عن الوحش الذي في داخلي ..اردت حقآ حمايتك من نفسي لكن ..ها...
