اريام في عرين الجهاضم «باللهجة العراقية»

مشاهد من الرواية

#اريام_في_عرين_الجهاضم

#نسرين_الأسدي

المقدمة :

(الرواية غير مناسبة للصغار)

من تكونين ايتها الصغيرة ؟
وكيف وصلتي الى عريني ؟
انتي لاتعلمين بماذا اقحمتي نفسك
لقد منحتك الفرصة كي تبتعدي ...حاولت جاهدآ ان لا اتمادى معك
لقد حاولت ابعادك عن الوحش الذي في داخلي ..اردت حقآ حمايتك من نفسي
لكن ..ها نحن الأن نقف عند حافة النهاية حيث الطريق مسدود ولا سبيل للعودة ....

الي حاب يشوفها بالفصحى موجودة بصفحتي الثانية للروايات الفصحى بأسم
(بين يديه)

مشهد ١ _
~~~~~

توضيت.. رفعت راسي للسماء الجو بي خيط بروده والفجر وصوت الاذان يدخل لأذني.. صليت على محمد وال محمد.. وتمشيت للبيت.. اضلم بارد..

نص الي بالبيت نامو من سمعو الاذان ونص غلسوا.. جريت نفس الله يهديهم..

فتت للصالة اصلي لأن اختي نايمه واني اريد اقرالي شوية قرآن.. فرشت السجادة وجهزت نفسي للصلاة صليت وكملت واندعيت لبكلبي وكمت اجيب القرآن من الغرفة..

تمشيت وعبرت من غرفة اخوية شفت من جوه لباب الضوء مشتغل.. اعرف لبينه وبين نفسه حرب قويه.. يارب كون بعونه وساعده يارب بحق حبيبك محمد..

خليت ايدي على مقبض لباب وفتحته بكل هدوء لأن كل ضني اختي نايمه.. بس ياريتني لاگيتها ميته ولا هلشوفه..

متمدده على الجرباية وابن عمي فوكاها ودشداشتها مرتفعه لنص فخذها.. واصوات مقرفه توصل لمسامعي.. لا استغفر الله شنو هاي شجاي يصير..

التفتولي ثنيناتهم فازين كام هوا يلبس بتيشيرته بسرعه وهيه تلملم بملابسها وتهز براسها.. لا لا..

بعدني ما طالعه من صدمتي ولا مفتهمه لجاي يصير وماحس غير اخويه هاجم على ابن عمي منومه بالكاع ويكتل بي ويصيح بحرگة كلب.. دماه وجها تشوه من الضرب.. خنس ابن عمي وصوته اختفه..

كام عنه وعيونه جاحضه بعصبية وحمرر دم.. بدون تفاهم لزم اختي من رگبتها ورفعها على الحايط.. عيونها نفتحت بشكل مرعب ووجها صار ازرك وهوا مستمر يخنگ بيها ويردد

"" انا.. انا عرضي يصير بيد العاريه.. اكتل عرضي واكتل روحي""

~~~~~~

مشهد ٢

:لزمني من زندي عايط بوجهي
كافي تلعبين وياي لعبة الفار والبزون اني مستحيل ابعد عن طريقج ولا اطلع من حياتج انتي تخصيني
واني ما اخلي الشغلات الي تخصني بيد كل من هب ودب

ضحكت بستهزاء : اني ماخصك ومستحيل ارجع وياك هاي الفكرة شيلها من بالك

التفتلي بنظرات مختله : صحيح نسيت انتن الي يريدجن ويركض وراجن راح تتكبرن عليه.. بس الي يبعد عنجن ويعتبرجن شي ماموجود راح تبوسن رجليه وتتوسلن يرجعلجن