بسم الله
صلوا على خير البشر
اللهم صل على محمد وآل محمد
#نسرين_الأسدي
#اريام_في_عرين_الجهاضم
هلو گلبي شوفوا بنات اريد اطلب منكم طلب
الي ما مصوتين على البارتات الأولى ياريت ترجعون تصوتون
وهنا هم اريد عدد التصويتات والتعليقات يصدمني
حته ما افقد حماسي للقصة وياريت تخلونه نوصلها 1k تصويت ورا هذا البارت اعتمد عليكم فراشاتي
والطلب الثاني ياريت تنشرون القصة يم صديقاتكم او كروباتكم وسوولي تاك وتدللون خلوني احس بقيمة تعبي 🥺❤
ويلا اخليكم ويه البارت
بس لا تتجاهلون كلامي 💔🥹
~~~~~
جاي العب ويه بنت اخوي بيت بيوت كل شوي اوگع بيتها وهي توگع بيتي
واسمع صوت امي تصيحلي:- نوره، نويره وينج
:-ها يمه هنا، جاي نلعب شنو؟!
:-ولج صخام الصخمج تلعبين گومي عمج وابنه جايين يخطبونج گومي غسلي وبدلي بسرعه
:- شنو يخطبوني يمه، ماريد اعرس انا
:-انجبي ولج، ماتريد تعرس شكبرج بعد تصيرن صرتي ١٥ سنة غصبآ عليج تعرسين ذنيج خواتج مو كلهن عرسن وحطن بيوت وانتِ گاعده تلعبين گومي لا بارك الله بيج
ضليت ابجي واصيح:-ماريد اعرس ماريد والله حرام عليكم انتِ وابوي
شمرت علي ثوب جديد وعاطت بيه:- يلا گومي غسلي ولبسي بسرعه
طلعت واني خليت راسي على ركبي وضليت ابجي
حرموني من المدرسه وهسه راح يجبروني ازوج ابن عمي الي ماعرف عنه شيء غير اسمه
اجت بنت اخوي وحظنتني وضلت تبجي وياي
دقايق ودخلت امها..
:- نور هاي ليش بعدج مامبدله گومي هسه شويه ويصيحولج.. يلا بدلي بسرعه خل احطلج شوية مكياج..
سمعت بالمكياج وگمت:- صدك راح تخليلي مكياج
:-اي طبعآ غير راح تصيرين عروس يلا امشي بسرعه
جانت افكاري بوقتها كلش بسيطه وماعرف شنو المعنى الحقيقي للزواج جنت معتبرته مجرد مكياج، بدلة، غرفه الج وحدج، وملابس طلعه جديده
شفت بيدها خيط ومقص وملقط:- گلتلي مكياج مو حف اصلا ابوي ما يرضه
:- لا گلبي يرضه لأن رح يزوجج أصلاً يعني بعد مايتدخل بيج.. وهم بس شواربج صايرات ينحلف بيهن
بدت تاخذلي خيط وانا اكمز وابجي ووجهي احمر وامي كلساع تگرصني تكلي رگدي خل تنضف وجهج وانه مارضه..
بالگوه كملتني وخلتلي بودره وكحله وحمره وانا كيفت صرت حلوه بالمكياج.. اجه اخوي صاحني حته اطلع اسلم عليهم
انطتني صينية العصير وگلتلي روحي دخلي عليهم
أنت تقرأ
اريام في عرين الجهاضم «باللهجة العراقية»
Romance~أن لم تكن ذئبآ آكلتك الذئاب ~ من تكونين ايتها الصغيرة ؟ وكيف وصلتي الى عريني ؟ انتي لاتعلمين بماذا اقحمتي نفسك لقد منحتك الفرصة كي تبتعدي ...حاولت جاهدآ ان لا اتمادى معك لقد حاولت ابعادك عن الوحش الذي في داخلي ..اردت حقآ حمايتك من نفسي لكن ..ها...
