بسم الله
صلوا على خير البشر
اللهم صل على محمد وآل محمد
#نسرين_الأسدي
#اريام_في_عرين_الجهاضم
هلو فراشاتي التفاعل هو يحدد موعد التنزيل 🦋🤌🏻
~~~~~
نور
من بعد ليلة زواجي، حاولت شكد مااگدر اساير راكان علمود لا يتعصب علي بس مو ذنبي تزوجت طفله ستوها بالغه كلشي مافتهم..
لو الگه نفسي اصيح عليه
لو اتجاوز ومادري بروحي
واحصلي كتله
وهو يتعصب ويضوج وتكعد عمه تنصح وانا عقل جهل بكلشي يعاند.. اجتني الدوره وانا وراكان خلصناها عرك منا اتوجع ومالي خلك والگه روحي اعارگه بدون سبب..
گاعده خاله ايدي على خدي وخايفه افكر الليلة شراح يخلصني منه والسبوع خلص ومن اذكر ليلة العرس انرعب حرفيآ
اجن البنات گعدن يمي، مهره:- وين صافنه نور؟!
:- ها لا ماكو شيء بس بعدني مريضه..
قطوف:- والله انا يوميه اندعيلج حته تطيبين
ابتسمت الها:- مشكورة حبيبتي
مهره:- هسه احنه مابيناتنه فرق عمر جبير كلها 4 سنوات يعني اذا ردناج تلعبين ويانه حبل طقه عادي مو؟!
ضحكت:- اي اكيد عادي وحته بيت بيوت العب اذا تردن
ضلن يضحكن:- حلو.. معناها من اليوم وجاي نلعب سوه
ضلن گاعدات يمي ونسولف هواي تونست وياهن ونسيت كل الافكار الجانت شاغلتني للحظه حسيت رجعت بعدني نفسهن مامزوجة
صارت ب2 الظهر ومرت عمي صاحت عليهن
:- مهره، قطوف.. تعالن نصب الأكل ابوجن وراكان على جيه يمه
گامن بسرعه وياها واني هم گمت وراهن ضليت واگفه بباب المطبخ وهنه يصبن الاكل ويخلنه بالصاله
التفتتلي عمتي وردفت:- روحي گعدي يمه ماعدنه شيء
:-لا عمة اريد اساعدكم اني، مليت من الگعده
:- لا بنيتي مايحتاج روحي ارتاحي
مهره:- دامها ماله من الگعده خلها تساعدنه يمه
قطوف:- راح نطيج شغلات بسيطه يلا..
جهزنه كلشي وهمه دخلوا بسرعه تلگتهم عمتي وهتفت:-گواكم الله، الحمام جاهز يلا سبحوا وتعالوا تغدوا
راح راكان للغرفه يطلع ملابسه.. ندستني عمتي:- گومي ورا رجلج يمه، خاف يحتاج شيء
اومأتلها ورحت وراه لگيته واگف بصف الكنتور ويشمر بالملابس
ردفت بهدوء:- تريد شيء؟!
التفت علي ورجع باوع للملابس:- زين من طلعت منج هاي الحجايه، ماتشوفين جاي من العماله وحظي طايح الله يساعدك ما تگولين انتِ هم مرة؟!
اخذ تراك وطلع وضليت واگفه بمكاني باوعت للملابس مشمرهن ع الجربايه
تأففت بنزعاج:- خرب هسه شيرجعهن الي
ضليت ارجع بيهن وكلامه يتردد براسي شنو قصده انتِ هم مرة؟!.. ليش شبيه هسه اني؟!
أنت تقرأ
اريام في عرين الجهاضم «باللهجة العراقية»
Romance~أن لم تكن ذئبآ آكلتك الذئاب ~ من تكونين ايتها الصغيرة ؟ وكيف وصلتي الى عريني ؟ انتي لاتعلمين بماذا اقحمتي نفسك لقد منحتك الفرصة كي تبتعدي ...حاولت جاهدآ ان لا اتمادى معك لقد حاولت ابعادك عن الوحش الذي في داخلي ..اردت حقآ حمايتك من نفسي لكن ..ها...
