عايزة ألفت انتباهكم لشوية حاجات،،
وانا بقرا كومنتاتكم لقيتكم بتقولوا ان الأحداث مش سريعة زي الروايات التانية، وده مخلي الرواية مملة، بس ده عشان انا بحب اركز على مشاعر الشخصيات، يعني مينفعش بعد بارتين تلاتة تلاقوا تايهيونغ حب جونغكوك وخلاص بقت علاقتهم فل وياسمين،،
تايهيونغ في الرواية عنده صدمات، محتاج يتخطاها الأول عشان يقدر ينبي علاقة صحية مع جونغكوك،
اشرحهالكو، اولا عيلة تايهيونغ مكنتش عيلة كويسة عارفة تحتضن طفل ده عمه ضربه وهزأه وهو عيل مبيفهمش حاجة عشان سأله ليه معندكش عيال، واما عرف عمه انه مثلي رح مجوزه جوازة صالونات، وحضرة الاستاذ اللي تجوزة كان محتاج علاج، مكنش فاهم ان تايهيونغ مش عايزه، وسبق وكتبتلكم شويه عن سي ديفيد ده،،
ومش بس كده، ده حتى لما تقدمله جونغكوك عمه اجبره يوافق، مع ان تايهيونغ مش عايز يتجوز تاني، ده مصدق خد الطلاق، ومدلوش فرصة يتكلم مع عريسه ده خد منه التلفون، لغاية ما جه يوم فرحه، وهدده ميقلش عن جوازته الاولى لجونغكوك، ومع ان جونغكوك شخص كويس ومحترم، وهو العوض فعلا لتايهيونغ بس تايهيونغ لسا خايف،،
يعني تايهيونغ لما كسر كباية في المطبخ كان خايف ومتوتر واعتذر لجونغكوك، لما تأخر بالنوم كان شوية وهيعيط عشان راحت عليه نومه، وحتى لما تأخر فالجامعة كان خايف من جونغكوك ليغير رأيه وميخيليهوش يكمل دراسته، دي حاجات ابتدت تتغير، يعني تايهيونغ مكنش خايف لما وصل الساعة ٩ البيت، مع انه كان مرعوب قبلها لما وصل الساعة ٧، عادي بقى يتأخر بالنوم في الاجازات، ده حتى مكنش عايز يقوم يعمل فطار عشان يبقى بحضن جونغكوك، كان مرعوب ليقرب جونغكوك منه، بس دلوقتي هو خجول بس، ومع انه جونغكوك فكر انه تايهيونغ لسا خايف منه عشان كان بيرتجف بس الحقيقة انه كان متوتر،،
لو لاحظتوا تايهيونغ مبيعرفش يعبر عن نفسه، يعني مرفضش جونغكوك لما قربله مع انه كان خايف ومش عايز، وبعدها معرفش يسأله عن علاقته بليو مع انه هيولع من الغيرة، ده حتى معرفش يقول لجونغكوك انه مقصدش يرفضه وانه خجل بس، وبرضو معرفش يقول حاجة لما جيمين حضنه مع انه مبيحبش حد يلمسه، ومقلوش ان متجوز جونغكوك، دي حاجة لازم يتخطاها، ومع انه معجب بجونغكوك حتلاقوا انه لسا عنده مشاكل كتير لازم يحلها،،
اتمنى اني شرحتلكم وجهة نظري كما يجب، لاني بقرأ كومنتاتكم كلها، ولو لسا شايفين ان الرواية مملة عادي كنسلوا عليها مفيش مشكلة، بس بلاش تحسسوني ان لازم اخليهم يحبو بعض والوضع كده، ومفيش حاجة اسمها سرعي الأحداث كل حاجة بتأثر بالشخصيات، وبالتالي لازم اركز عليها، معلش هو جيمين لسا مقابلش يونغي حتى!
اما بالنسبة لموعد التنزيل مفيش موعد محدد، انا بدرس وبشتغل، ومش دايما بيبقى عندي وقت اقعد اكتب، ولما ببقى فاضية بنزل بارتين وتلاثة،،
اما بالنسبة للي بيدلعوني بالكومنتات الجميلة فأنا هقولكم على حاجات هتصير مستقبلا في الرواية:
اولا: جونغكوك هيقابل ديفيد ازاي وليه هنعرف بعدين 😬🤌
ثانيا: هتشوفوا ام جون، دي عسولة خاالص 💃😴
ثالثا: هنفهم مشكلة جون الصغير 🥺🤏
واخيرا: هنشوف غيرة جونغكوك مولعة شطة 😍🔥
وسؤالي للمتابعين الجامدين اللي مركزين بالتفاصيل: تايهيونغ ليه مبيغيرش قدام جونغكوك!!!
وعايزاكم تخمنوا معايا كده ازاي هيتقابل جيمين ويونغي اول مرة 🙈
وبس .. سلام ❤❤
أنت تقرأ
Marry again
Romanceلم يكن زواج تايهيونغ الاول ناجحا، وعانى حتى تمكن من الحصول على الطلاق، الامر الذي جعله يرفض الزواج مجددا عندما تقدم له رجل الأعمال الاشهر في البلاد جيون جونغكوك، الا انه اجبر على الزواج في نهاية المطاف، فما الذي سيحصل؟ التوب: كوك 🔝😌 الكوبل الثانو...
