" DEADLY ROMANCE"
ကားထဲရောက်ရောက်ချင်းမှာ ဂျိတ်ခ်ဟာ
အရုပ်ကြိုးပျက်။လူစီဘော့စ်က နောက်ကိုလှည့်ကြည့်လာတဲ့အခါ
ဂျိတ်ခ် ပြုံးသည်ဆိုရုံပြုံးပြမိသွားတယ်။အရင်ဆုံး သူ့နှလုံးခုန်သံတွေကိုထိန်းရဦးမယ်လေ။
" အပြင်မှာ ပိုချောတာလား "
အသက်ရူမမှန်တဲ့ သူ့ကိုကြည့်ရင်း သက်တော်စောင့်
ဖြစ်တဲ့လူစီဘော့စ်က ရယ်ကျဲကျဲဆိုတယ်။" သေလောက်အောင်ပဲ "
အောက်နှုတ်ခမ်းကိုဖွဖွလေးကိုက်ရင်း တအံ့တသြ
ဂျိတ်ခ် ရေရွတ်ပြလိုက်တော့ လူစီဘော့စ်ရဲ့ရယ်သံ
အကျယ်ကြီးက ကားထဲဟိန်းသွားတယ်။" ဓာတ်ပုံမြင်တုန်းကတောင် ဒီလောက်ဖြစ်နေတာ
အခုဘယ်လိုသတ္တိတွေနဲ့ တွေ့လာတာလဲ ?
ဂျိတ်ခ်တော့မသိဘူး ကျွန်တော်တောင်စိတ်လှုပ်
ရှားနေတာ "တစ်ဦးတည်းသော လူယုံသက်တော်စောင့်ကို
ဂျိတ်ခ်မျက်လုံးလေးမှိတ်ပြမိသွားတယ်။" ကျွန်တော်က ဘယ်သူမို့လို့လဲ "
ဂျိတ်ခ်ပုံစံက ခုနကစိတ်တင်းထားရပုံနဲ့မတူ။
ခပ်ဖွာဖွာလွင့်နေတဲ့ ပန်းချပ်ကလေးလို ပေါ့ပါးနေတယ်။ပတ်ဆောင်းဟွန်းနဲ့မျက်နှာချင်းဆိုင်ထိုင်ပြီး စကားတွေ
ပြောလာရတဲ့ခဏတာက ဂျိတ်ခ်အတွက်တော့ နှစ်ခါ
ပြန်မရနိုင်တဲ့ အိပ်မက်ကလေးလိုပဲ။ဥက္ကဌရှင်းဆီကနေ ပတ်ဆောင်းဟွန်းဆိုတာ ဒီလူပါဆိုပြီး
ဓာတ်ပုံပြတုန်းကတည်းက နစ်ဝင်သွားမိပါတယ်ဆိုရင်
မလွန်လောက်ဘူးမလား။ အဲဒီ့လူကတော့ ဓာတ်ပုံပြစရာ
မလိုလောက်အောင် သူ့ကိုသိပါတယ်တဲ့လေ။
အဲ့တာတောင် တစ်ချက်ကလေး လာနှုတ်ဆက်ဖော်
မရတာ လွန်တာပေါ့။" ဘယ်နေ့အားလဲတဲ့ ကျွန်တော့်ကိုအကြာကြီး
စိုက်ကြည့်ပြီးမေးတယ် "လူစီဘော့စ် ဆံပင်မရှိတဲ့ခေါင်းကြီးကိုပွတ်ရင်း
ဂျိတ်ခ်ရဲ့ရင်ခုန်သံကလေးကို ဂရုတစိုက်နားထောင်
ပေးဖြစ်တယ်။