She/Her
တီချယ့်ကို နောက်နှစ်ထဲမှာ လက်ထပ်ဖို့စီစဉ်နေကြောင်း အသိပေးလိုက်သည်။ ဝမ်းသာစွာနဲ့ Congratulations! အပြောခံရတဲ့အတွက် ကျေနပ်မိပါသည်။
" ထက်ပိုင်ဦးနဲ့ပဲမလား... "
" တီချယ်ကလည်း.. သူပဲရှိတာပါ... "
" အေး ဝမ်းသာတယ်.. အဲ့ကောင်ကို စိမ်းကားမနေနဲ့ ကော်ဖီလေးဘာလေး လာတိုက်ဦးလို့.. ငါကပြောနေတယ်ပြောလိုက်ဦး... "
" ဟုတ်... "
ထက်ပိုင်ဦးတယောက် အသက်ရှည်ဦးမည်။ တီချယ်နဲ့စကားပြောနေတုန်းမှာပဲ သူ့ဆီက ဖုန်းဝင်လာ၏။ မနက်ကတည်းက နေ့လယ်အတန်းပြီးတာနဲ့ အခန်းပြင်ဆင်ဖို့အတွက် တိုင်ပင်ဖို့ သူ့အိမ်ကိုသွားမယ့်အကြောင်း ပြောထားသည်။
တီချယ့်ကို ခွင့်တောင်းပြီး ဖုန်းကိုင်လိုက်တော့ ထင်တဲ့အတိုင်းပဲ သူရောက်တော့မယ်အကြောင်း ဖုန်းကြိုဆက်လာတာဖြစ်သည်။
" လာပြီလား... "
" ဟုတ် တီချယ်.. ပြန်တော့မယ်နော်... "
" အေး ထက်ပိုင်ဦးကို စားသောက်ဆိုင်ကြိုတင်ဘိုကင်ထားမယ်ပြောလိုက်... "
" ဟုတ်ကဲ့... "
တီချယ်က သူမတို့နှစ်ယောက်လုံးအတွက် စာသင်ပေးတဲ့ဆရာမဆိုတာထက် ဘဝနေနည်းကို သင်ပြပေးတဲ့သူလို့ ပြောလို့ရသည်။ လမ်းညွှန်ပြသပေးတဲ့ ဆရာကောင်းရှိတာကလည်း မကြိုးစားပဲရတဲ့ ဆုလာဘ်တခုပါပင်။
ကျောင်းရှေ့ကိုရောက်တော့ လမ်းတဖက်ခြမ်းမှာ ရောက်နှင့်နေပြီဖြစ်တဲ့ သူ့ကားကိုတွေ့ရသည်။ ကားလမ်းကူးဖို့ကလည်း ရှုပ်ယှက်ခတ်နေ၏။ သူက ကားလမ်းမကူးပဲရပ်နေဖို့ ခြေဟန်လက်ဟန်နဲ့ ပြောလာပြီး လမ်းရှင်းတာနဲ့ သူမဆီ အပြေးရောက်လာသည်။
YOU ARE READING
Bewitched
Romance" Mr. Darcy says to Elizabeth, You have bewitched me, body and soul " " အဲ့တာပြီးတော့ ဘာဆက်ပြောသေးလဲ... မှတ်မိလား... " " And I Love... I Love... I Love You... " Boy x Girl Burmese Fiction Own Creation