وضَل كلبي بأمل ترجع
والاكيك ،
وكلت خله بأمل ما احجي خله ،
محضرلك لحِن ما سامعه العود
مِثل الريح تعزف على الكُذلة
وطُلع كُل الرسمتة ،
اوهام بِ اوهام
ارسِم عَلى الضلام بقلم
كُحلة .
...
• زين شوكت يجي •
نطقت بصوت ناصي بعد عدلت وكفتها تسأل عن وقت جيته
• اليوم بالليل يوصل •
نطق علي بعد ما قرا الرسايل مره لُخ يتأكد من وقت جيته وهمهمت هي تبلل شفايفها بطرف لسانها
• وكسان يجي ويا ؟ •
نطقت فور ما اجه السؤال براسها عاقجه ملامحها تنهد علي يهز راسه بمعنى لا
• ما اعتقد ماذكرلي شي عن هتان •
نطق وهو منتجي على الطاوله يطمنها بأن مايجي لأن الاخر ماذكر اي شي عن جيه هتان ومايعتقد بأن يجي هسه وبهيج وقت بعد 3 سنوات
• زين ايار مايضوج من ابسل يعني ماشايل عليه ؟ •
نطقت توكف بصفه تنتجي هي الثانيه تتسائل اذا جيه ابسل ممكن تزعجه او لا وهز علي راسه مره لُخ بمعنى لا
• لا ماعنده مشكله ويه ابسل مشكلته ويه هتان ويمتى يلين كلبه ويبطل عناد ومرافس ماندري •
نطق متأفاف من عناد صديقه وشلون رافض هتان رفض شديد من يوم روحته
• لا تضغط عليه حقه يضوج وبعدين لاتشوفه هيج هسه بس يجي ويشوفه بعينه يرجع يحاجي طبيعي بس يحتاج وقت اله لسه مامتخطي روحته وابتر ايدي منا اذا مارجع حجه ويا •
نطقت وهي تربت على ضهر الثاني حتى لايضغط على ايار بشكل هي تعرف بأن مايكدر يتحمل اذا يشوفه وتعرف شنو بكلبه ومامتخطي وتعرف هواي شغلات صارت ويا لذلك مكادر يتقبل يحجي ويا هسه تاشر على كتفها نهايه كلامها وضحك علي على حركتها
• شجاي تسوون •
نطق ايار داخل للمطبخ مفززهم ثنينهم مخليهم يوكفون عدل ويتحمحمون اثنينهم بنفس الوقت يضحكون بوجهه
• عبالك جني داخل عليكم شعدكن من وراي ؟ •
نطق ايار بعد ماشاف نزتهم هاي وشلون يباوعون منا ومنا شاك بأن اكو شي من ورا يحيكونه هلاثنين
• شعدنا يا عيني تعرفنا نسوي شي من وراك •
نطقت رفل وهي متقربه منه تلزم اكتافه وتبتسم بوجهه ابتسامه جانبيه
• تسوون مو جديده •
نطق ايار مبعد ايديها يتذكر كل الأشياء السووها هلاثنين بدون علمه مخليها تتأفأف دافرته بقوه على طيزه مخليته يدور ويلزم مكان الدفره عاقج ملامحه يسمع ضحكه علي العاليه
• ضحكه كحاب •
نطق ايار وهو يمسد مكان الدفره منزعج من ضحكه الثاني الي ما علق على كلامه مستمر يضحك
• سوده علي طيزك يعورك يما •
نطقت وهي تتصنع ملامح الخوف مبرطمه شفايفها ومضيقه عيونها لازمه المكان مخليته ينز موخر ايدها فوراً
• شبيك يما تعال اشوف طيزك وين يعورك دليني هنا ؟ •
نطقت وهي مازالت تتصنع الخوف تتقرب منه شوي شوي لازمه مكان فرده من فرداته تمسد عليها بس ما انطاها مجال يضرب ايدها بقوه مخليها تعيط
• بربوك لاتصيرين شني تتلمسين بطيزي شكايليلج على طيزي سبيل تلمس •
نطق عاقج ملامحه يخزرها ويحجي لازم فرداته مبرطم شفايفه على حركاتها وهي ضحكت بقوه تضامناً ويه ضحكه علي الي ما وكفت لحد ما سمع رنة تلفونه يدور يشوف المتصل تحمحم يستعدل بوكفته يبطل ضحك غامز لرفل ياشرلها بحواجبه على ايار ماخذ تلفونه وطالع من المطبخ مخلي ايار يرفع حواجبه لطلعته بملامح شك واستغراب ورفل تقريباً تكون عرفت منو الي اتصل تجي ببالها فكره حتى تلهي ايار ماتخلي يفكر بعلي تتقرب منه مره لُخ ناويه تلزمه مخليته يطفر منا ومنا تمشي ورا بسرعه وهو كذلك يمشي بسرعه حتى لاتلزمه
