بِـ قلم : ليليا واتبادية
حسابي الأنستا : its._.lelea
- لديها ملامحٌ يفِيضُ منها الجمال
وجهٌ قمرِيّ ويلتفُ حولَه شال .
﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏
حرير :
أثرت بيّه جملته بشكل كَبير ، ركضت بسُرعة فَتحت باب ألغُرفة ودخلت ، كَعدت بالأرض منهارة ، شوكت ارتاح بحياتي؟ ليش كل مرة اكول خلاص هلمرة راح اعيش حياتي ويصير شي يخيب أمالي؟
حطيت ايدي على حلكي ماريد تطلع صوت شهكاتي ، كمت سندت نفسي على الحايط وكعت على الچرباية ، تمددت بتعب أريد بس أنام حتى ابطل تفكير ، النوم وسيلة الوحيدة الي تخليني ما افكر ، مسحت دموعي وغمضت عيوني
حسيت على صوت الباب يندك ، كمت وكفت شوية شوية وأني مستندة على الحايط ، فتحت الباب وشفته المُهيب واكف كدامي!!
باوعت عليّه بأستغراب ، شجابه؟
_أحم تفضل محتاج شي؟
نزل راسة وتحمحم ، كال بِـ همس:
_مُمكن أدخل؟
أبتعَدت من الباب وسويتله مجال حَتى يدخل
_تفضل!
دخل للغرفة وأني سَديت ألباب وَراه ، انداريت عليّه چان كاعد بالأرض يم الچرباية ، تقربت بهدوء وكعدت بعيد عنه
تنهدت بتعب ودار وجها التعبان عليّه ، رجع دار راسه عليّه تقرب يريد يسحبني لحضنه ابتعدت بسرعة وهوة تفهمني و وخر من نفسه
المُهيب : خذي راحتج أني رايح!!
هزيت راسي وهوة كام يريد يطلع ، قبل لا يطلع كال بتوسل:
_مُمكن أنام يمچ اليوم
باوعت عليّ بصدمة شنو هاي الجرأه ، كلت بتوتر:
_لأ
_لاتفهميني غلط أني انام على الأرض وأنتِ على الجرباية بس أريد احس نفسي يمچ
يباوعلي يريدني أوافق ، كلت بِـ همس:
_تمام ، بس لاتتقرب مني!!
ابتَهج وجها بأبتسامة ، كال بـ سرعة:
_أي أي ماتقرب منچ بس خل أنام يمـ يمچ
بقيت ساكتة وهوة واكف يباوعلي ، شوية وكلت:
_زين تعرف وين أكو فراشات؟
_اي بالمخزن
_وينه المخزن
ابتسم وأشرلي بيّده
_تعالي
طلع من الغرفة وأني رحت وراه ، نزل للطابق الأول وراح بأتجاه الاستقبال ، چان باب ما منتبها أله قريب على باب الأستقبال ، فتحه بهدوء ودخل وأني دخلت وراه ، باوعت على الزاوية الي يأشر عليّها چان أكو فراشات مصفدة على بعض وحاطينهم بالزاوية
أنت تقرأ
خطيئة " انقاذ ضحايا "
Romanceفَتاة فاتِنة ، جَميلة ، جَذابة ، مِثالية . ذات الشعࢪ الأســـود الحَࢪيــࢪ و الطويـــــل . العيون البُــــــــنية المَليئة بالجمال ، الغموض ، الحزن . واقفةٌ على المســـࢪح ، تَرقُص بأتقان .
