أبو محمد:دام كل واحد معاه كاس شاهي والجو قمرا ويجنن تعالو اسولف لكم سالفه صارت معي أنا وخويي
أبو ماجد:سولف وش اللي عندك
أبو محمد: قبل سنتين تقريباً كنت أنا وخويي متعب رايحين لتبوك كان في هناك شغله لنا خلصنا الشغلة هذي وخلاص بنرجع للخبر واحنا بطريقنا من تبوك لتيماء كان في واحد يأشر لنا كان رجال كبير في العمر
روز: كان صباح ولا مساء
أبو محمد: رحنا لتبوك كان صباح وخلصنا الشغلة وكان مقبل الليل
روز: اي وش صار بعدها
أبو محمد : المهم كان في واحد يأشر لنا وأنا اللي كنت أسوق بس ما وقفت له قال لي متعب ليه ما وقفت له قلت يمكن يكون قاطع طريق قال لي ارجع وشوف وش يبغى رجعت له ووقفنا عنده وقال له متعب يا عم تبغى شي وما جاوب وقال له مرة ثانية يا عم تبغى شي وبرضو ما جاوب
ماجد : طيب كيف شكله
أبو محمد : مسك متعب جواله وشغل النور وكشف على وجهه وكانت عيونه سودا وكبيرة وملابسه وسخة بعدها مشينا على مهلنا وقفنا السيارة واستنينا دقايق وبعدها نزلنا وما لقيناه
محمد باستهزاء: هذا جني
أبو محمد: جني اللي يخبطك اسكت خلني اكمل
الكل صار يضحك
ماجد: وش صار بعدها
أبو محمد: بعد ما نزلنا من السيارة قال لي متعب خلاص خلنا نمشي قلت له لا و الله ما أمشي أبي أعرف هذا وش يسوي هنا بهالوقت ولحاله
قال لي متعب و الله إذا رحت لازعل منك وأنا ما كان يهون علي زعل متعب يعني صديق الطفولة وكذا
ياقوت: يبه إلى الآن أنتم أصدقاء
أبو محمد : اي إلى الآن
قامت منيرة من محلها
أبو محمد: وين
منيرة: بروح أكلم عايض وأشوف وش حاله
أبو محمد: كلميه ولا خلصتي جيبي الجوال لأن بنتكلم معاه
منيرة: إن شالله
اتجهت منيرة داخل الخيمة
أم ماجد: كمل وش صار بعدها
أبو محمد: قلت له متعب تكفى خلنا نروح وأشوف وش أسوي "رافقني متعب وكل واحد شغل كشاف جواله وفجأة لقيناه جالس وشاب نار اتجهنا له ووقفنا عنده سألناه مرة ثانية يا عم تبغى شي وبرضو ما جاوب علينا وقف وعطانا قفاه ومشى ولا عبرنا وقال له متعب يا أخي إذا تبغى شي قول مو ب ماكلنيك عطى متعب نظرة تخوف أنا خفت منها مسكت كتفه وقلت له يا عم تبغى مساعدة لا حياة لمن تنادي كان كتفه مرة قاسي يعني و الله جسمه مو جسم إنسان
إسلام: وشو عاد حيوان
ابو محمد: يمكن
أبو ماجد: معقول
أبو محمد: لا أمزح أمزح المهم قال لي متعب خلاص اتركه وخلينا نمشي رحنا السيارة ولكن ما تحركنا يعني بقت السيارة واقفة قال لي متعب امش قلت له و الله ماني بماشي بعرف من هو هذا قال لي متعب أمشي ولكن قلت و الله ما أمشي إلين ما أعرف هذا وش يسوي لحاله
الكل كان يناظر أبو محمد كيف كان يسولف ومستمتعين بالسالفه وبيدهم شاهي وكل واحد حاط فروته على كتفه
أبو محمد: اتجه هذا الشخص نحو جبل كان عالي انتظرنا دقايق وبعدها نزل من السيارة صعدنا للجبل كان صعوده سهل بس الجبل عالي مرة
أم ماجد : طيب أنتم وش دخلكم فيه
أبو محمد : كذا أنا مهايط أبغى أعرف من هو هذا
أديم: أي كمل وش صار بعدها
أبو محمد طلعنا الجبل وكان متعب مرة خايف
محمد: كم كانت الساعة طيب
أبو محمد: تقريبا كانت12 الليل
محمد: طيب ما في سيارات بالطريق
ماجد: أي صح ما في سيارات
أبو محمد: إلا كان في سيارات بس مو كثير وبعدين حنا أصلا ما كنا ظاهرين يعني صحراء وليل وكذا
أبو محمد: مالكم في الطويلة المهم يوم وصلنا قمة الجبل من فوق شفناه جالس خلفة وأنا ومتعب تخبينا ورا صخرة كانت مرة كبيرة وسكرنا كشافات الجوال عشان لا يشوفنا
روز: أحس رياكشن
أبو محمد: الموضوع فيه دم ما في رياكشن
أم محمد: دم
أبو محمد: أي دم ، المهم جلسنا شوية ورا الصخرة وبعدها طلعنا بس من يقول وش صار
استبرق: وش صار
أبو محمد: وش صار
ماجد: وش صار
أبو محمد: وش صار
أبو ماجد: لا إله إلا الله خلصونا وش صار
أبو محمد: شافنا
أم ماجد: وشو
أبو محمد: أي و الله إني صادق شافنا واقبل صوبنا بمشيه سريعة واحنا بدينا نمشي مشي سريع وشوي بدينا نركض وهو يو شافنا نركض صار يركض ورانا طاح متعب وبدا ينقلب ينقلب إلين ما طاح رأسه تحت صخرة
ماجد: يا ويلي ويلاه
أبو محمد: اتجهت لمتعب مسرع ومسكت رأسه كان رأسه مفتوح والجرح شوي غميق وهذاك ** يوم شافني ماسك راس متعب وقاعدة أصارخ إن حد يساعدني راح وما لقيته ولحظي ما لقيت ولا سيارة وتخيلوا صحراء والدنيا ظلمة ولا بلاقي حد يساعدني دقيت بالإسعاف وبعد نص ساعة تقريبا وصلت لي حطوه بالإسعاف وأنا رحت وراهم بالسيارة
أم محمد: أوف كل هذا صاير واحنا ما ندري عنه
ماجد: وش صار ع متعب
أبو محمد: كان خسران دم واجد بس الحمد لله ما في خطر على حياته أحتاج واحد يتبرع له بالدم وأنا تبرعت لأن فصيلة دمي شبيهة لفصيلة دمه وطلعنا من المستشفى واللي صار صار
روز: هذي آخر اللي يهايط
أبو محمد: أنا اللي اهايط هو حرام ما كان وده اياني أروح له
أديم: معناته الله لا يوفقه
أبو محمد: أي و الله الله لا يوفقه لا دنيا ولا آخرة
ماجد:طيب من هو هذا
أبو محمد: هذه المشكلة ما نعرف من هو بس أنا أشك يا مشعوذ أو ساحر أو أنه مو إنسان بالأصل الله أعلم
أقبلت منيرة عليهم وهي تكلم عايض
منيرة: عايض بيكلمكم مو مصدق أن أبو ماجد وعيلته هنا
أبو ماجد بصوت عالي: حنا هنا هنا يا عايض ليه مو مصدق
عايض: يالله حيووووووه ارحبوا
أم ماجد: الله يحييك وأنا اختك مرحبا مليوون
عايض: وش حالك وأنا أخوك عساك طيبة
أم ماجد: بخير جعلك بخير
روز: كيف حالك يا خالي
عايض: ارحبي ارحبي وأنا خالك وين هالغيبة
روز: و الله حنا بنجي بس أمي مو راضية
عايض: أمك أمك هذي ما تبي تطلع من البيت
روز: خالي متى جاي
عايض: إن شالله باكر بعد العصر أكون عندكم
روز: أمانة لا تطول حنا أسبوع واحد ونرجع
عايض: لو أزبن من الشغل عشان أشوفك عادي أسويها
روز: الله طلعت غالية عندكم
عايض: ها وش لعاد ، وين ماجد
ماجد: هنا هنا يا خالي
عايض بحماس :البقى
ماجد: الله يبقييك وش حالك
عايض: أنت اللي وش حالك طمني عنك
ماجد: بخير دامك بخير
عايض: تدري بقول لك شي مرة مهم
ماجد: بالانتظار لا تطول علي
عايض: إن شالله
استبرق: بابا إذا خلصت شغل بدري دق علينا عشان نخلي محمد يجيب لنا خروف منه نسوي فرحة عشان عمتي جت عندنا ومنها أسبوع ماشفناك
عايض:أبشري وأنا أبوك
عايض: وش حالك يابو ماجد
أبو ماجد: والله أبشرك بخير
•••••••••••
انهو المكالمة مع عايض
أبو ماجد: يا بنات قومن جهزن العشاء
روز: وش حابيين تتعشون
ماجد: سووا لنا كبسة
أم محمد: ايه قومن وسون لنا كبسة
منيرة: عاد كبست إسلام ما في مثلها
إسلام: أسويها بس بشرط
محمد: تشارطين بعد
إسلام: أنت مالك دخل اسكت
محمد: شايف يبه كيف يعاملوني كأني بزر عمري 10 سنوات
أم ماجد: وأنت بالأصل كم عمرك
محمد: عمري 23 خلاص بتزوج
أبو ماجد: من البنت اللي بتأخذها
محمد: أمزح أمزح لسا ماني مفكر و الله
ماجد اللي صار يناظر محمد ويضحك الخفيف
ماجد: محمد قم بقول لك شي
أم محمد:يا بنات قومن جهزن للعشاء
اتجهو البنات للمطبخ ومحمد وماجد يجلسون عند السيارة
عند محمد وماجد
ماجد: أنت من جدك تحبها
محمد: ايوه وش فيها يعني
ماجد: تعرف إذا كنت صادق وش بسوي فيك
محمد: وش بتسوي
ماجد: راح أتهاوش معك
محمد: والله
ماجد: لا مو ضروري أحلف
محمد: و الله يا ماجد إني أحبها وأحب كل شي فيها
تقدم ماجد يقبل خد محمد بقوة
محمد بصدمة: ماجد وش فيك
ماجد: و الله إنك كفو يا شيخ
محمد: عاد أنا كنت خايف أقول لك
ماجد باستغراب: ليه
محمد: يعني اخوها وكذا حسبتك بتغار عليها وتهاوشني
ماجد: عادي وش فيها يعني أنت ولد خالها مو غريب عليها بعدين أنا اثق فيك وانا أعتبرك مو بس ولد خال صديق وخوي وأخو وكل شي
محمد: ما عليك زود والله وانا بعد اعتبرك اخو وخوي ورفيق وصديق وكل شي
محمد: طيب كيف بتقول لها إني أحبها
ماجد: سهلة ما يبغالها تفكير
محمد: كيف
ماجد: بتكلم معاك كأنك روز أوكيه
محمد: أي أوكيه
ماجد: روز ترى محمد يحبك
محمد: ياخي و الله إنك غبي فعلاً
ماجد: ليه
محمد: كذا بتقول لها يا غبي
ماجد: أي كذا بقول لها
محمد: والله
ماجد: أي والله
محمد: يا أخي و الله العظيم غبائك مو طبيعي
ماجد: حبيبي حبيبي طالع لك
محمد: بلا استهبال أبي أسألك أنا الحين
ماجد: وشو
محمد: أنت ما تحب
ماجد:أعجاب مو حب لسا
محمد: هذيك صح لأن نظراتك لها بالبقاله كنت شوية وبتاكلها
ماجد: أخ رأتها عيناي فتورط قلبي
قام محمد بن محله وهو يصرخ ويقول: الله الله يا اخوان ماجد دخل بعالم الحب
ماجد: محمد لا تفضحني الله ياخذك اجلس
محمد بحماس: يا شيخ و الله إنك كفو
ماجد: طيب خلاص اجلس لا تفضحني اجلس
محمد: أي شيء تبغاه قول لي تبغى علومها تبغى وش تدرس وين تدرس أنا أعلمك لأنها بنفس الديرة
ماجد: بالله تسد حلقك أحسن
محمد: وانا صادق البنت بنفس ديرتنا وقريبة من بيتنا أنا أجيب لك علومها
ماجد: لا يا شيخ وانت وش دخلك فيها
محمد: مدري
ماجد: الله يهديك 23 بس رقم ما في عقل
محمد: اجل أنت اللي فيك عقل قلت لك كيف بتقول لها قلت روز ترى محمد يحبك
ماجد: هذا الرومانسية أصلا إنك تحكي لها الشي فجأة
محمد: هذي خومانسيه مو رومانسية
ماجد: تعال تعال بس
تقدم محمد يسند دراسة على كتف ماجد كان الجو بارد وقمره وكل واحد حاط فروة على كتفه وبدو يغنون:
قمراي وأنا الليل ولا لي سما إلا سماك
صدقني إني لو سهرت الليل وعيوني حمر
اسهر على شانك على شان أسهرك وأسهر معاك
واواعدك واقول أنا مواعد مع القمرا قمر
عند البنات اللي كانوا يجهزون العشاء
إسلام: يا بنات وحدة تقطع البصل وحده تقطع الخضار ووحده تسوي السلطة الحارة
أديم: أنا اقطع الخضار
استبرق: أنا اقطع البصل
روز: أنا أسوي السلطة الحارة
ياقوت: أنا أساعد روز بالسلطة
إسلام: تم بس بسرعه
أديم: بنات وش رأيكم نصور فلوق كذا للذكرى بس
إسلام: أوكيه بس خليه نمط سريع
أديم: أنا ما أعرف أصور روز أنتي اللي تصورين
روز: جوالي ما ادري وينه آخر شي يوم سألتيني عنه أنتي
أديم: روحي شوفيه والحين إسلام تدق عليه
اتجهت روز تدور على جوالها
لكن ما لقته طلع لهم للخارج
روز: مين شاف جوالي
أم ماجد: وينه جوالك
روز: مدري
محمد اللي كان يستهبل أن الجوال مو بمعه وكان حاطه صامت
محمد: جوالك بالسيارة
روز: مو بالسيارة الحين شفته
محمد: وإذا رحت ولقيته
روز: قم
اتجهوا روز ومحمد عند السيارة
روز: ها لقيته
محمد اللي طلع الجوال من جيبه من دون ما روز تدري
محمد: لقيته
رفع محمد الجوال فوق
محمد: ارفعي يدك وخذيه
روز: محمد خلاص عطني بروح بصور فلوق وما أبغى أتأخر على البنات عطني
محمد: مو شغلي ارفعي يدك وخذيه
روز: طيب نزل يدك شويه
محمد: ماني منزلها ارفع يدك وخذيه
روز:طيب قرب لي شويه
اقترب محمد من روز وشم ريحة عطرها السفاحه وناظر شعرها البني الويفي
روز: محمد اووووف خلاص مو قادره اوصل له عطني تكفى
محمد: والله ما أعطيك خذيه لحالك
روز: محمد تراني زهقت عطني الجوال
محمد: ماني بمعطيك خذيه لحالك
روز: محمد أنت طويل وانا قصيره خلاص عطني
محمد: أعيد وأكرر خذيه لحالك
بكت روز وانصدم محمد أنها بكت لشي ما يستاهل
محمد بصدمة: روز تبكين
روز بصوت باكي: خلاص عطني
محمد: و الله آسف ما فكرتك حساسه لهالدرجة
روز: قلت لك خلاص عطني الجوال
أعطي محمد الجوال ل روز وبدا يمسح بدموعها ويتأسف منها
محمد: والله آسف مو بقصدي أزعلك
اتجهت روز للبنات وهي ماشية مسك محمد يدها
محمد: رورو زعلانة
روز: لا مو زعلانة
محمد: ناظريني
روز: محمد قلت لك مو زعلانة خلاص
محمد: ناظريني
ناظرت روز محمد بعيونها الباكيه
محمد: والله آسف خلاص
روز: خلاص أوكيه
محمد: يعني مو زعلانة مني
روز: أنت بالذات ما ازعل منك
محمد: فديتها
اتجهت روز للبنات وهي تمسح دموعها وتكون ريلاكس
عند البنات
إسلام: مو كأن روز تأخرت
استبرق: أي و الله تأخرت
أديم: الحين بروح وبشوفها
دخلت روز المطبخ
أديم: وين كنت ليه تأخرتي كنت بروح وبشوف وينك
روز: كنت أدور على الجوال
أديم: وين لقيته
روز: لقيت تحت الكرسي بسيارة محمد
إسلام: يله ابدئي تصوير
بدأت روز تصور الفلوق بنمط سريع
بدت إسلام تغني: يا حياة الروح
قلبي ما داق النوم .........ولا يوم ولا حرتاح
راح تنسى أو تهواني........أو تلقاني كلي جراح
يا مسهرني ليالي .........وانت على بالي
دخل عليهم ماجد
ماجد: بالله تسدي حلقك صوتك يقلب المعدة
روز: بسم الله أنت من وين جيت
ماجد: مو مهم أنا من وين جيت يقول لكم خالي أسرعوا بالعشاء حنا بنصلي على بين ما تجهزون
إسلام: وش فيه صوتي يا مروح
ماجد:يععععع الله يقرفك انتي وهالصوت
إسلام: أقول انقلع يا شيخ
روز: هيه هيه هذا أخوي
ماجد: حيها حيها بنت زايد
روز: وهي صادقه انقلع برا
ماجد: اخس وجه أنا اخوك
روز: أخوي ولا أبوي أطلع خلنا نكمل
ماجد: صدق إنك ما تستحين
روز: أنا ما أستحي لك شي عندي
ماجد: لا
روز: معناته يله توكل
ماجد: ماشي أنا وريك
صاروا البنات كلهم يضحكون كيف يتناقرون
طلع ماجد خارج المطبخ
صاروا البنات كلهم يتعاونون مع بعض ويخلصون العشاء بسرعة
عند أبو محمد والبقية
أبو ماجد: ماجد وش صار على العشاء
ماجد: الحين رحت للبنات توهن يبدون
أبو محمد: أجل قومو نصلي العشاء على بين ما يخلصون
توجه لكل لصلاة
الو محمد: منيره قومي صلي
منيره: أنا مصليه
أبو محمد: توه أذن كيف صليتي
منيره: صليت خلاص
أبو ماجد: الله يتقبل
صارو ام ماجد وأم محمد يتهامسون
ام محمد: كذابه ما صلت
أم ماجد: الله اعلم لا تحطي بذمتك
بعد ما أنتهو من صلاة العشاء
اتجهت أم محمد للبنات
أم محمد: يا بنات لسا ما خلصتن
روز: شوي إن شالله ويكون جاهز
استبرق: مو باقي شي يا ماما شوي ونخلص إن شالله
أم محمد: يله استعجلو لا تطولون واللي ما صلت تروح وتصلي
إسلام: بنصلي كلنا بعد ما نخلص من تجهيز العشاء
أم محمد: لعاد لا تطولون يله استعجلو
بعد فترة قصيرة إنتهو البنات من تجهيز العشاء
إسلام: يله سمّو
بدأ الكل ياكل
*
في بيت أبو نواف
ميلاف اللي كانت تجهز العشاء مع امها
أم نواف: يله يا ميلاف أخلصي أبوك الحين بيرجع من شغلة ويكون تعبان عشان يتعشى وينام
ميلاف: ان شالله، بس يمه بسألك أبوي كان شغله في الحفر كيف صار يشتغل هنا
أم نواف: هو أصلا عشان كذا باع بيتنا هذاك واشترى بيتنا لأن نقلوه
ميلاف: بس هو قال لي غير هالكلام ما قال لي انه انتقل هنا
أم نواف: وش قال لك
ميلاف: قال لي أن الحياة مرة واحدة نتونس شوية ونغير حياتنا
أم نواف: يعني أبوك صادق الحياة مرة واحدة نتونسي شوي بحياتك وغير كذا انتقل هنا
ميلاف بتنهيده:امممم خير إنشالله
أم نواف: أخوك نواف متى بيرجع
ميلاف: ما قال لي متى بيرجع
أم نواف: اتركي اللي بيدك وروحي اتصلي عليه شوفيه متى بيرجع
اتجهت ميلاف تتصل على نواف
ميلاف: الو
نواف: هلا ميلافوووه
ميلاف: وينك
نواف: و الله جالس مع الشباب بالمخيم نزين العشاء
ميلاف: جعله بالعافية بس متى راجع البيت
نواف: إن شالله باكر بعد العشاء أرجع
ميلاف: أوكيه
نواف: ليه تسألين
ميلاف: أمي قالت لي اتصلي على أخوك وشوفيه متى بيرجع
نواف: إيه باكر بإذن الله بعد المغرب أو بعد العشاء ارجع البيت
ميلاف:اممم أوكيه سيوAşkım
نواف:سيوات tatlım
رجعت ميلاف المطبخ
أم نواف: ها متى بيرجع
ميلاف: قال انه بيرجع باكر بعد العشاء
أم نواف: خير إن شالله
دق باب البيت
أم نواف: أبوك جا روحي افتحي له الباب
اتجهت ميلاف تفتح الباب لابوها
ميلاف: ارحب يبه
أبو نواف: ارحبي انت يالشيخة
ميلاف: يلا يبه بدل ملابسك وخذ لك شاور لأن بنحط العشاء
أبو نواف: عاد و الله إني من الصبح ما اكلت شي
ميلاف: مسويين لك مشبوس سمك يحبه قلبك
أبو نواف: و الله كفو سويتو الطبخة اللي أنا أحبها
ميلاف باستهزاء: تعرف كل شي عنك وش تحب تاكل وش ما تحب تاكل هذي فاطمه مو حيالله
أبو نواف: وين نواف
ميلاف: قال لك الصبح أنه بيروح مع أخوياه سيف ومحمد كشتة
أبو نواف: أي صح نسيت ومتى بيرجع
ميلاف: قال أنا بيرجع باكر بعد العشاء
أبو نواف: طيب أنا بروح ابدل ملابسي وأخذ لي شاور على بين ما تجهزون العشاء لأني تعبان بتعشى وبنام
ميلاف: أبشر يبه
اتجهت ميلاف للمطبخ
ميلاف: يمه أبوي راح يبدل ملابسه وقال انه تعبان بيتعشى وينام
أم نواف: معناته اسرعي وخلصي معاي بسرعه
خلصوا تجهيز العشاء وبدو يرتبونه على طاولة السفرة
أم نواف: يلا يا بو نواف العشاء جاهز
نزل أبو نواف وبعده كلهم يتعشون
بعد ما خلصوا العشاء
أبو نواف: الحمد لله يسلم يدين اللي طبخ
أم نواف: جعله بالعافية قومي يا ميلاف شيلي الأكل
ميلاف: لسا ما شبعت بس اشبع اشيلة
عند نواف وأخوياه اللي جالسين بالمخيم و يتعشون
«تقريباً قريبين من مكان ابو محمد والباقي»
نواف: يا عيال وش رأيكم بعد العشاء نتمشى ونصور ونصمم
سيف: وين نتمشى الدنيا ليل والجو بارد وين بتتمشى
متيم: أحلى وأحلى أصلا حط فروتك على كتفك وامشي
نواف: اي بنتمشى وبنصمم للكشته وننشره بالتيك توك واللي يجيب أعلى مشاهدات ولايكات نجيب له آيفون 14لان توه نزل
متيم: تم
سيف: يلا عموما جهزوا ال آيفون لأني بكون أحلى تصميم
صاروا متيم ونواف يضحكون
نواف: نشوف نشوف
*
عند أبو محمد والباقي اللي انتهو من العشا
أبو محمد: تسلم يدين اللي طبخ
روز: جعله بالعافية يا خالي
محمد: من اللي طبخ
إسلام: أنا والبنات ساعدوني
أم ماجد: تسلم يدينك يا عمة
إسلام: بالعافية يا عمتي
أبو ماجد: يلا يا بنات شيلو الأكل
أبو محمد: أي شيلوه و بنلعب لعبة حلوة
إسلام همست لروز: رور قولي إنك بتنامين عشان كلهم ينامون وبس هم ينامون لأني بسوي شي
روز: أوكيه
روز: لا يا خالي حنا بنام تعبانات
استبرق: اي اي بنام تعبانات يبه
أبو محمد: معناته خلاص نلعب اللعبه باكر
أبو ماجد: وش هي اللعبة
أبو محمد: تعرفون باكر
قامو البنات يشيلون بالأكل
إسلام: بنات بس تخلصون شيل الأكل بنروح نتمشى
أديم: وين بتروحين
إسلام: بس ينامون بقول لكم
_________
تصويت ياحباني🤍🌷
