عند أبو محمد والباقي اللي انتهو من العشا
أبو محمد: تسلم يدين اللي طبخ
روز: جعله بالعافية يا خالي
محمد: من اللي طبخ
إسلام: أنا والبنات ساعدوني
أم ماجد: تسلم يدينك يا عمة
إسلام: بالعافية يا عمتي
أبو ماجد: يلا يا بنات شيلو الأكل
أبو محمد: أي يله شيلوه و بنلعب لعبة حلوة
إسلام همست لروز: رور قولي إن حنا بنام عشان كلهم ينامون وبس هم ينامون بسوي شي
روز: أوكيه
روز: لا يا خالي حنا بنام تعبانات
استبرق: اي اي بنام تعبانات يبه
أبو محمد: معناته خلاص نلعب اللعبه باكر
أبو ماجد: وش هي اللعبة
أبو محمد: تعرفون باكر
قامو البنات يشيلون بالأكل
في المطبخ عند البنات
إسلام: بنات بس تخلصون شيل الأكل والتنظيف بنروح نفلها
أديم: وين بتروحين
إسلام: بس ينامون بقول لكم
استبرق: بنت وين بتروحين
اسلام: بنروح نتمشى
اديم: اقول اسكتي تبغين تروحين روحي لحالك
روز: لا يا اسلام حنا ما قلنا كذا حنا قلنا بنلعب بلوت
اسلام: طيب بس نرجع نلعب عادي مافيها شي
استبرق: لا يا اسلام الدنيا ليل والجو بارد الحين وين بتروحين
اسلام: بنات وش فيكم ضاقت بي وودي امشي شويه خلاص
روز: خلاص بنروح يله
اديم: اذا روز رايحه بروح
استبرق: وانا بروح
ياقوت: لا والله ماني برايحه بروح ارقد ازين لي
روز: تعالي معنا
اديم: اي روحي معنا نصور ستريكات
ياقوت: لا والله ماني برايحه بروح انام
استبرق: براحتك
اسلام: انتي اصلاً مالك داعي كان بقيتي ولا رحتي وجودك وعدمه واحد
ياقوت: لا يشيخه
اسلام: امزح امزح
*عند ابو محمد والباقي
ام ماجد: انا بروح ارقد لاني تعبانه وغير كذا راسي يوجعني
ابو محمد: اي خلاص كلنا بنروح نرقد
محمد: انا بقعد شو يه مع ماجد وبعدها ندخل ننام
ابو ماجد: لا تتاخرون بالجلسه
ماجد: ابشر يبه
توجهو الحريم لخيمتهم وابو محمد وابو ماجد لخيمتهم
عند البنات
اسلام: يا بنات وحده منكم تروح وتشوف وش قاعدين يسوون
روز: انا بروح
استبرق: بروح معكك
توجهو روز واستبرق للخارج
روز لماجد: وين الباقي
ماجد: راحو يرقدون
روز: امممم وانتم ليه ما ترقدون
محمد: بنجلس شوي وندخل
روز: اي
استبرق: طيب حنا بنروح نتمشى ونصور ستريكات انا ورزو واسلام واديم
ماجد: الجو بارد وين بتروحون بهالوقت
روز: بنروح نتمشى بس
محمد: تروحون باكر تعالو الحين العبو معنا
روز: انت اسكت يكفي انك خليتني ابكي
ماجد: ليه وش سوا لك عشان تبكين
محمد: ذي تستهبل ما بكيتها ولاشي
روز: الا بكيتني
استبرق: ياهو وش السالفه
روز باستهبال: اخوك ذا ما يستحي
استبرق: ليه وش سوى لك
روز: امزح امزح ما سوى لي شي
ماجد: محمد وش سويت لهااا
محمد: الحين اقول لك
روز: ايوه قول له احسن ما اقول له انااا
استبرق: عموماً حنا بنروح لا تعلمون حد
ماجد: روز اجلسي مافي تروحين
روز: لا ليه ماجد بروح بس نمشي شوي نصور ستريك ونرجع ما راح نبعد
ماجد: اخااف عليك تروحين بالليل
روز: لا لا تخاف بنروح شوي وبرجع
ماجد: طيب خلاص روحي
محمد: يا ويل قلبي اللي يخاف على اخته
ماجد: طبعاً اختي مالي غيرررهااا
روز: يا ويل قلبي مجوووووووودي
استبرق: طيب خلصينا وانتم لا تعلمون حد
محمد: طيب خلاص
اتجهت روز واستبرق عند البنات
روز: بنات الكل راح ينام يله نروح الحين بس ما نبعد
اسلام: في حد بالخارج
استبرق: جالسين محمد وماجد عند النار ويسولفون
اديم: بس هم؟
روز: اي بس هم
اسلام: قلتو لهم لا يقولون لحد؟
استبرق: اي قلنا لهم
اسلام: ياقوت بتروحين معنا لأخر مره؟
ياقوت: لا والله ماني برايحه
روز: معناته روحي ارقدي عشان لا تبردين
ياقوت: اوكيه
البنات وهم ماشيات وماخذتهم السوالف والستريكات وكل وحده حاطه فروتها عليها
اسلام: بنات وش رايكم نبعد بالمشي
روز: لا والله أنا قال لي ماجد لا تبعدين
اديم: انا مع روز في السراء والضراء وين ما تروح بروح معها
روز: ويل قلبيي ينااسسسسس
استبرق: لا ليه نبعد حنا قلنا ما نبعد صح يا اسلام
اسلام: بنات وش فيكم ضاقت بي وودي امشي نبعد شوي وبعدها نتسابق واللي توصل اول وحده للمخيم نوصي لها طلبيه من شي ان بألف ريال
روز: عندي كل شي مو محتاجه
اديم: امممممم انا اظن اني مو محتاجه شي
استبرق: لا ما نبغى اسلام الدنيا ليل والجو بارد خلاص نمشي شوي ونرجع
اسلام: معناته ارجعوو كلكم وانا ببقى لحالي
روز بصدمه: تبقين لحالك
اسلرم: قلت لكم ارجعو كلكم يله
استبرق: وش فيك انتي
اديم: يعني نرجع خلاص
اسلام: خلاااااااص ارجعوووو يله توكلو
روز: براحتك والله" انتي تبغين تبقين لحالك يعني؟
اسلام: اي ابغى ابقى لحالي يله توكلو
استبرق: وش فيك انتي في حد قال لك كلام ضايقكك
اسلام: لا والله مافي حد قال لي شي؛ بس خلاص دامكم ماتبغون تمشون بعيد اتركوني بمشي لحالي
روز: خلص بنات مشينا
رجعو البنات المخيم وبقت اسلام لحالها وقررت انها تمشي بعيد عنهم••••••
عند محمد وماجد اللي كانو يسولفون عن ايامهم بالمدرسة
اقبلو عليهم البنات••••
محمد: ها ليه رجعتو؟
روز: اسلام تبغى تمشي لحالها وتبعد وقالت لنا اتركوني بمشي لحالي
ماجد: وانتم تركتوها من عقلكم
اديم: اي تركناها هي كذا تبغى
محمد: ليه تركتوها بالليل والظلام والله انكم اغبياء
استبرق: وحنا وش دخلنا هي قالت لنا اتركوني لحالي ضاقت بي
محمد: ارجعو لها وقولوا لها يقول لك خالي ارجعي
ماجد:اي ارجعوا لها الحين يله
روز: طيب
اتجهوا البنات للمكان اللي كانوا واقفات فيه لكن ما لقوها صارت روز تنادي بأعلى صوتها: اسلاااااااااااام اسلاااااااااااام ويييينننكككك يقوووووول لك خالي اررررررجععععععي
اديم: وين بتكون راحت يعني
روز : خلاص خلنا نرجع اسلام كبيره وواعيه وتعرف حنا وين جالسين
استبرق: اخخخ ليتني بقيت معها
روز: ويل قلبي يا الحنيه بس
اديم: خلاص خلنا نرجعع الجو بارد وهي ان شالله ترجع لحالها
رجعوا البنات للمخيم
ووصلو ل محمد وماجد
روز: ما لقيناها
ماجد: تستهبلون انتم كيف ما لقيتوها؟
محمد: ياهوووووو وين البنت
اديم: والله ما لقيناها خلاص ترجع لحالها
استبرق بحزن: ان شالله
روز: اسلام كبيره وواعيه تعرف وين تروح ووين تجي
محمد: اووكككيه كبيره وواعيه بس الدنيا ليل وحنا مو بالديره
روز: اذا خايفين عليها روحو شوفوها
اديم: اي اذا خايفين عليها روحو شوفوهاا
محمد: اي طبعا بنروح ونشوفها وش بنسوي يعني
ماجد: بنات انتم تمزحون ولا وش
اديم: لا والله ما نمزح ما لقيناها
ماجد: طيب كلنا بنروح ونشوف وينها اوكيه
استبرق: طيب اوكيه
اتجه الكل يدور على اسلام وصار الكل يدور ويدور ولكن ما لقوهاا طلع محمد الجبل وما لقاها والكل صار يصرخ وينادي: اسلااااااااااااام اسلااااااااااام ويييييننننكككك وبرضو ما لقووها وسألو عنها الناس اللي جالسين وكلهم قالو انهم ما شافوها رجعو كلهم للمخيم
محمد: وين بتكون راحت
ماجد بعصبيه: انتم ليه تروحون بالاصل
اديم: رحنا واللي صار صار
روز: حنا ما كنا بنروح بس هي قالت انها متضايقه وتبغى تمشي
محمد: وليه رديتو عليها
اديم: ياخي خلاص اللي صار صار والحين ترجع ان شالله
ماجد: استبرق روحي قوميهم وقولي لها اللي صار
استبرق: بننتظر شوي واذا ما رجعت بروح اقول لهم
انتظروا نص ساعه وما رجعت
استبرق بصوت باكي وحزين: يا ربي وين بتكون راحت
روز: انشالله الحين
ما كملت روز كلامها وصارت استبرق تبكي
اديم: لا ليه تبكين يا قلبي انشالله الحين ترجع خلاص لا تبكين
تقدم محمد يحضن استبرق ويمسح على شعرها ويهدي عليها
محمد: خلاص خلاص يقلبي بإذن الله الحين ترجع
ماجد: بروح اقوم واقول لهم اللي صار
روز: اي اي رح قل لهم
اتجه ماجد داخل الخيمه اللي نايم فيها ابو ماجد وابو محمد
ماجد: يبه يبه قم بقول لك شي
ابو ماجد حركات النايم: خير وش فيه
ماجد: يبه اسلام ضايعه
ابو ماحد: وشو ضايعه
ماجد: البنات راحو يتمشون رجعو وما رجعت اسلام رحنا ودورنا عليها وما لقيناها وسألنا عنها الكل وقالو انهم ما شافوها
ابو ماجد: عبدالله قم قم
او محمد: خير وش فيه
قال له ماجد السالفه وفز من فراشه سريع: تمزح انت ولا وشو
ماحد: اي والله اني صادق
اتجهو كلهم للخارج
ابو محمد: الكل يحط فروته عليه ويله كلها بنروح نشوف وينها
ابو ماجد: اي يله
روز:حنا نروح معكم
ابو محمد:اي اي يله
اتجه الكل يدور على اسلام
النتيجه: ما لقوها
ابو ماجد: سألتو عنها
محمد: اي سألنا الكل وكلهم قالو ما شافوها
ابو ماجد: لا حوول
ابو محمد: لا اله الا الله وين بتكون راحت
محمد: انا باخذ البنات وارجع للمخيم وننتظر بس يقبل الصباح وبس يقبل نطلع كلنا ونطلع
ابو محمد:اي انا برجع
ابو ماجد: انتم ارجعو وانا وماجد بنطلع الجبل ونشوف
ماجد: اي اي
اتجهو ابو محمد ومحمد والبنات للمخيم
عند ابو ماجد وماجد اللي صعدو الجبل لكن ما لقوها
ابو ماجد: بنادي بصوت واحد يله
صارو الاثنين ينادوني بصوت واحد مرتفع: اسلاااااااااام
وما لقوهاااا
ماجد: خلاص خلنا نرجع ومثل ما قال محمد بس يقبل الصباح نروح ونشوف
ابو ماجد: طيب يله
توجهو للمخيم•••••••
عند اسلام اللي كانت ماشيه على عماها ومو عارفه هي وين رايحه ناظرت حولها وما لقت ولا حدا اتصلت بروز لكن مافي شبكه وصارت تصارخ بأعلى صوتها ان حد يساعدها
*
في بيت ابو نواف
ميلاف اللي جالسه بغرفتها تطقطق على جوالها
حست ان في حد واقف ورا الباب حسبت انها امها
ميلاف: يمه ادخلي ادخلي
وما جاوبت عليها
ميلاف: يمه ادخلي عادي
اتجهت صوب الباب وفتحته وما لقت شي
وراحت لغرفت امها وابوها وفتحت الباب بشويش وشافتهم رقوووود
ميلاف اللي تقول بصوت منخفض مرره: ميلاف وبعدين مع حركاتك هذي الا ايمتا وانتي كذا
رجعت لغرفتها تتصل على نواف
ميلاف: الو نوافووه
نواف: ارحبي
ميلاف: وش حالك
نواف: حمدلله بخير
ميلاف: وش تسوون
نواف؛: والله جالسين نصور ونصمم بتنشر عاليه توك
ميلاف: اووووه
نواف: كيف الفكره بالله: بننشر بالتيك توك واللي يجيب اعلى مشاهدات نجيب له ايفون 13
ميلاف: انا ابغى ايفون قبلهم
نواف: وين ابوي وامي
ميلاف: نايمين
نواف: وانتي ليه ما تنامين؟
ميلاف: ابغى ايفووون
نواف: انتي لك عيوني بس اذلفي
ميلاف: اوريك لا جيت
نواف: اذلفي يله
سكرت الجوال وصارت تناظر بالدريشه
وفجأه صارت تسمع صراخ طفل
اتجهت ميلاف نحو الصوت وقربت اكثر له وتأكدت ان الصوت من الخارج
فتحت باب بيتهم وناظرت بالخارج والصوت كان من الغرفه الخارجيه
اتجهت ميلاف نحو الغرفه وقبل لا تفتح الباب سمعت شي طاح وانكسر من داخل الغرفه
فتحت الباب وما لقت شي رجعت لغرفتها وهي طالعه الدرج شافت ابوها خارج من الغرفه
ميلاف: اااا هلا يبه
رجع ابو نواف الغرفه ولا كلمها
ميلاف بضحك: وش فيه قاام كذا
رجعت غرفتها ونامت••••••••
*
عند نواف واخوياه اللي كانو يصورون ويصممون
نواف: هاا يله الحين بننشر ومعنا للصباح
متيم: لا خلها لبعد العشاء
سيف: اي خلها لبعد العشاء و
نواف : تمون انت وياه
صارو يسمعون صوت صراخ وشوي يقترب منهم الصوت اكثر
متيم: يا عيال تسمعون ذا الصراخ
نواف: اي نسمعه
سيف: اي كأنه صراخ بنت
نواف: خلنا نمشي باتجاه الصوت ونشوف من هي
متيم: جوالي بيطفي ولا في نور
نواف: السياره فيها كشاف كهربائي الحين اجيبه
اتجه نواف السياره اخذ الكشاف ورج لهم
سيف: مو كان الصوت اختفى
نواف: اي بس الصراخ كان من هذا الصوب اذا رجع نروح ونشوف
جلسو حول النار ورجع صراخ اسلام مره ثانيه
نواف: يا عيال رجع رجع الصوت
سكتوا كلهم وسمعو صراخ اسلام اللي كانت تقول في حد هنا يساعدني يرحم والديكم
متيم: يله مشينا
نواف: الصوت جاي من خلف الجبل
سيف ومتيم: اي
اتجهو كلهم ورا الجبل كان الجبل عالي وكبييير صارو يقربون اكثر من صراخ اسلام
نواف: يا عيال هذيك هذيك البنت
ركض كلهم لهااا
متيم: خير وش فيك تصارخين
اسلام اللي كانت تبكي من الخوف وخافت اكثر انهم يخطفونها
اسلام: يرحم والديكم اتركوني
سيف: انتي انس ولا جن
نواف: يا ولد سد حلقك احسن لك
اسلام بصوت باكي: ابعدو ابعدو عني تكفووون
نواف: يا بنت الحلال ماحد مقرب لك بس انتي وش فيك تصارخين
اسلام:انا كنت ماشيه مع البنات وقلت لهم يروحون واتركوني لوحدي وبقيت لوحدي الين ما تهت
نواف: طيب تعالي تعالي بس يقبل الصباح نروح ونشوف وين اهلك
سيف: دقيقه دقيقه انتي عارفه الحين وين مكان اهلك
اسلام: لا ما اعرف
متيم: انتي كم عمرك
اسلام بعصبيه: انت وش دخلك ياخي
نواف: خلاص خلاص هدي تعالي معنا الحين
اتجهت اسلام معهم للمخيم اللي هم جالسين فيه
وصلو المخيم وجلست اسلام داخل الخيمه وجلس نواف يناظرها ويهدي عيلها
نواف: يا بنت الحلال والله ونا ولد سعود اني ما ارجع بيت اهلي الا ونا رادك ل اهلك خلاص لا تبكين
اسلام اللي مسكت طرحتها وغطت وجهها بالكامل
نواف: انتي متضايقه من شي
اسلام بصوت باكي: لا بس عادي تعطيني جوالك يمكن يكون فيه شبكه بدق على امي
نواف: ابشري
صارو سيف ومتيم يناظرون بنواف اللي مهتم باسلام ويهدي عليها
سيف اللي همس للمتيم: كانه زوجها صح
متيم: اقول انطم
سيف: والله اني صادق
اتصلت اسلام على امها ولكن حتى بجوال نواف مافي شبكه
متيم: هنا مافي شبكه بكل الجوالات خلاص ان شالله عند الصباح نروح ونشوف وين اهلك
اسلام: ما اقدر اصبر للصباح
نواف: مو باقي شي الحين الساعه2 وباقي يمكن ساعتين على اذان الفجر اصبري
اسلام بصوت باكي ورجفه: اففف يا ربي انا ليه بقيت لوحدي
__________________
البارت قصير اعذروني اختبارات وكذا♡♡♡♕
وتفاعلوووو لان التفاعل موب عاحبني ابد😥
وانشرو الروايه ابغى الكل يشوف اللي اكتبه والتعب اللي اتعبه
•••••••••••••♡
انشرووووووووووووووا الروايه ✋👊🤚👊
تصويت ياحباني🌷🤍
