اسلام بصوت باكي وهي ترجف: اووف ياربي انا ليه بقيت لوحدي
نواف: يا بنت الحلال خلاص تكفين لا تبكين امسحي دموعك
متيم: بنت من انتي؟
اسلام وهي منزله راسها: بنت عبدالله الشمري
نواف: وش اسمك
اسلام: اسلام
سيف: طيب كم عمرك ودارسه ولا لا
اسلام بضحك: عمري18 واي دارسه ثالث ثانوي" اسئلة ثانيه
نواف بضحك: لا حنا بس نبغى نغير جووك
رفعت اسلام حاجبها وابتسمت
نواف بخاطره: يا زين ابتسامتها
*
عند ابو محمد والباقي اللي كلهم كانو جالسين بالخيمه
منيره: والله والله بس ترجع انها لتشوف شي ما يعجبها انا اوريها بس
ام محمد: يا منيره استهدي بالرحمن
ابو محمد: بس يطلع الصبح نشوف وينها وان شاءلله نلاقيها
ابو ماجد: ان شاءلله
ماجد اللي كان حاط راسه على رجل محمد وهمس له بصوت منخفض: حمودي
محمد: لبيه
ماجد: أبي سنابها من وين اجيبه
محمد همس لماجد باذنه: المدرسه قربت واكيد بتكون بنفس مدرسة اديم واستبرق
قاطعه ماجد: وفرضاً ما كانو بنفس المدرسه
محمد: يا ابن الحلال البنت بنفس الديره ما شفتها يوم رجعت بيتهم كان بيتها قريب لنا خلاص ما عليك انا اجيب لك اللي تبغاه
ماجد:اوووف ياربي
محمد: بس روروتي
ماجد: وش بها روروتك
محمد: كيف بقول لها
ماجد: لي لك ولك لي
محمد: وش يعني هالكلام
ماجد: يقلبي يعني ميلاف عليك وانا روز
محمد: الله الله
ماجد: الله الله
ام ماجد: انتم الاثنين سوالفكم ما تخلص وش فيه بينكم
ماجد: اسرار اسرار يمه
ابو محمد: اسرار
ماجد: اي اسرار
روز: الله يديمكم لبعض
محمد ناظرها ورفع حاجبه وابتسم: امين
استبرق واديم اللي كانو يبكون وهم يبكون نامو
ابو محمد: ذولي رقدو ودموعهم على خدهم
ام ماجد: الله يهدّي الحال
ابو محمد:امين
ام محمد: كم الساعه الحين
ناظر ماجد جواله
ماجد: الساعه ثلاثه الا عشره
ابو محمد: هنا في نت بس مافي شبكه صح
محمد: اي بس النت ضعيف
••••••••
وصلت رساله لجوال ابو ماجد ناظر ابو ماجد الرساله واستغرب وعقد حواجبه
ابو محمد: وش فيه
ام ماجد: وش فيه
ابو محمد: انا اسأل زايد
ناظرت ام ماجد لابو ماجد
ام ماجد: وش فيك
ابو ماجد: ناظري الرساله
ناظرت ام ماجد: الرساله
ام ماجد بضحك: امممم عادي الوظايف كثيره دور لك وظيفة وخلاص
محمد: وش فيه
ماجد: يمه وشو علمينا
ام ماجد : ابوك المصنع اللي بتشغل فيه قفل
ام محمد: وشو قفل
ام ماجد: المصنع اللي يشتغل فيه زايد خسر مبلغ مالي وقفل
ابو محمد: طيب عادي هنا في شركة عقارات وجارنا سكن جديد بالديره اللي حن فيها ويشتغل فيها نزوره ببيته ويكون واسطه لك
ابو ماجد: يا هووووو ترا الموضوع مو لعبه
ابو محمد: هدي واستهدي بالرحمن خل هذا الموضوع بعدين
ماجد: يبه انت من قال لك هذا الكلام
ابو ماجد: فهد قال لي
روز: من فهد
ابو ماجد: فهد صاحب المصنع بس هذا مليونيير الله لا يضره
ام محمد: معناته المصنع لو خسر مبلغ مالي ما يهتم لانه مليونير
ابو ماجد بضيق: الله لا يضره حنا ما نقول الّا اللهم لا عيش الّا عيش الاخره
ابو محمد: اللهم امين
محمد بضكك: جيّتكم لنا مافيها خير اسلام ضايعه وعمي الله يستر عليه
ماجد:وش قصدك
ابو ماجد: مها انتي وش جايبه بالضبط
ام محمد: اعرف اعرف جايبه ثورر🐂
الكل صار يضحك
روز اللي كانت نايمه على رجلها اليمين استبرق ورجلها الشمال اديم وياقوت اللي تطقطق بجوالها ولا مهتمه لحد
روز: بنات بنات قومو خلاص مو باقي شي عن الفجر
قامو اديم واستبرق
اديم حركات النايم: الله يرحمك يا اسلام
ضربت روز اديم على راسها بالخفيف
ماجد: الله يرحمها
ام محمد: وش فيكم انتم تتفاولون على البنت
ابو ماجد: الرحمه عالميت والعايش عادي
ابو محمد: روحو نامو الفجر باقي له لسا
منيره: والله ما انام كيف انام وبنتي ما اعرف وينها
ابو محمد بعصبيه: انا قلت روحو نامو يله
ام محمد: خلاص يا منيره تعالي وصلي عالنبي
منيره بصراخ: والله انا مصليه عالنبي بس قليلات الحيا مااعرف ليه راحو يتمشون بالليالي
روز: خالتي روحي ارقدي احسن لك
منيرة: انتي اخر وحده تتكلمين انتي اصلا الاساس بأن اسلام تضيع
ماجد اللي غمز لروز بعيونه بمعنى انه سلكي لها
روز: خلاص اوكيه
ابو محمد بصوت مرتفع: انا قلت ادخلو نامو يله
ام ماجد: خلاص هد وانا اختك ما يصير الا اللي تبغاه خلاص
ابو محمد: انا مروق وابدع ما يكون بس انتم يالحرييم اخخ منكم
ام محمد: ههههههههه حنا وش فينا
اقترب ابو محمد لأم محمد وهمس باذنها: ادخلو نامو
ام محمد: ان شاءلله
دخلو الحريم يرقدون وما بقى بالخيمه الا محمد وماجد وابو محمد وابو ماجد
ابو ماجد: تعالو نجلس عند النار
اتجهو يجلسو عند النار ويسولفون بس عشان يمشي الوقت
عدا الوقت واقبل الصباح
عند الساعه5.15
عند نواف اللي جالس عجواله
متيم: اسمع حنا بنروح نشوف وين اهلها انت خلك عندها
نواف:طيب
سيف:مُشينا
متيم:مُشينا
نواف:خلاص انت وياه يله روحو
اتجهو متيم وسيف خارج الخيمه
عند نواف
نواف اللي يطبطب على كتف اسلام بالخفيف
اسلام: صاحيه صاحيه مو نايمه
نواف: طيب ناظريني بكلمك
جلست اسلام وناظرت نواف ونزلت رأسها بحكم انه غريب عليها
اسلام: وش عندك
نواف: انتي متضايقه من شي
اسلام: صراحه اي
نواف: قولي لي وش مضايقك
اسلام: بس ما اعرفك عشان اقول لك
نواف: ولو عادي فضفضي لي
اسلام: محتاجه افضفض والله
نواف: قولي معناته
اسلام: انا كل شي بالحياه يضايقني حساسه من كل شي ما احب حد يزعلني ما احب حد يقول لي كلام ما يعجبني وغير كذا امي
نواف: وش بها امك
اسلام: تصرفاتها كلها سلبية مافيها شي اجابي الكل يكره يجلس معها ويكره يسولف معها
قاطعها نواف: عادي كل واحد فيه تصرفات سيئه
اسلام: وش اسمك انت
نواف: نواف
اسلام: عطني سنابك
نواف صار قلبه فراشات يوم سمع هالكلمه منها
نواف بضحك: ما اعطي سنابي لبنات بس انتي عادي
اسلام: يعني انا رجل
نواف: لاا مو كذا يعني القصد اني وثقت فيك
اسلام: اي
عطا نواف حسابه سناب لاسلام
اسلام: ضيفني بالسناب وهناك بقول لك كل شي
خرج نواف من الخيمه نواف بينه وبين نفسه اخخخ يا زينها •••••••••••♡꧁꧂
*
في بيت ابو نواف
ابو نواف: يله يا ام نواف قومي الصلاه وقوّمي ميلاف معك وخلها تسوي فطور لاني بفطر وباخذها معي بسجلها بالمدرسه وبعدها اطلع الشركه
ام نواف: ان شاءالله
دخلت ام نواف الحمام الله يكرمكم توضت وصلت الفجر بعد ما انتهت من صلاة الفجر اتجهت لغرفة ميلاف
ام نواف: ميلاف قومي الصلاه
ميلاف حركات النايم: يله يله يمه بس بنام شوي
ام نواف: ميلاف قلت لك قومي الصلاه وبعدها البسي عباتك ابوك بياخذك يسجلك بالمدرسه
فزت ميلاف من فراشها: هاا يسجلني وين
ام نواف: يسجلك بالمدرسه قومي وغير كذا اصلاً ام خالد اتصلت بس امس وقالت بتجي هي وبناتها يبون يتونسون معنا
ميلاف وهي رافعه حواجبها : هي وبناتها
ام نواف: اي قومي خلصيني وبعدها جهزي فطور
ميلاف: طيب
خرجت ام نواف من غرفة ميلاف
عند ميلاف
ميلاف: سلامات هذي خرّي مرّي عندنا وبعدين
قامت ميلاف من سريرها وتوجهت للحمام الله يكرمكم توضت وصلت الفجر وبعدها اتجهت للمطبخ تجهز الفطور
بعد ما انتهت من تجهيز الفطور اتجهت لغرفة امها وابوها
ميلاف: يله يبه يله يمه الفطور جاهز
ام نواف: ابوك يبغى شكشوكة
ميلاف: سويت شكشوكة
ابو نواف: بعد الفطور البسي عباتك بوديك المدرسه اسجلك
تنهدت ميلاف بضيق: ان شاءالله
توجهو للفطور وبدو يفطرون
بعد ما انتهو من الفطور
ابو نواف:الحمدلله يسلم يدك يا بنيتي
ميلاف: بالعافيه يبه
ام نواف: شيلي الفطور وبعدها توكلي
ميلاف: طيب
بعد ما انتهت ميلاف من شيل الاكل اتجهت لغرلتها لبست عبايتها وركبت السياره
ابو نواف: جبتي ملفك وشهادة ميلادك
ميلاف: اي
بس وصلو المدرسه
ميلاف: هذي هي اللي انا بدرس فيها
ابو نواف: اي هاذي
صورت ميلاف المدرسه وبعثتها على قروب صديقاتها
وتكلمت بالفويس: انننه شوفو مدرستي شقد حلوه مو مثل مدرستكم المعفنه
ردت عليها اقتباس: يا حبيبتي كانت مدرستك
ميلاف: كانت فعل ماضي
ابو نواف: اعطيني ملفك ويله بندخل غرفة المديره
دخلو غرفة المديره ودقت الباب ميلاف
المديره: تفضلي حياك
ميلاف: معاي ابوي
المديره: اي حياكم
دخلو وجلسو وعطى ابو نواف ملف ميلاف للمديره
بعد ما دخلت المديره كل بيانات ميلاف داخل الحاسوب
المديره: كم صفك
ميلاف: اول ثانوي
المديره: وش تصنيفك
ميلاف:علمي
المديره: تبين شعبه الف ولا باء
ميلاف: عادي اي شي
المديره: ابد على كيفك اللي تبينه
ابو نواف: وش تبين
ميلاف: ابي شعبه الف
المديره: ابشري "بس هنا بالمدرسه قوانين لازم تطبقيها يعني تلتزمين بالزّي المدرسي الموحد الشي الثاني تلتزمين بالهدوء والنظام خلال تواجدك بالمدرسه وثالث شي تحترمين النشيد الوطني وتشاركين فيه ورابع شي تحترمين القوانين الصفيه وخامس شي ممنوع الجوالات ولو جبتي جوال يتم نقلك الى مدرسه ثانيه
ميلاف: ان شاءلله
ابو نواف: مشكوره
المديره: حياكم الله
خرجو من المدرسه باتحاه بيتهم
وصلو بيتهم ونزلت ميلاف للبيت وراح ابو نواف للشركه
ام نواف: توقعتكم تتأخرون
ميلاف: بس عطيناها الملف ودخلّت البيانات داخل الحاسوب
ام نواف: اي
ميلاف: تقول لي ان فيه قوانين لازم اطبقها التزم بالزي وما اجيب جوال والتزم بالقوانين الصفيه وكذا حركات وبركات
ضحكت ام نواف
ام نواف: افصخي عباتك ويله عشغل البيت
ميلاف: طيب بس يجي نواف بخليه يوديني المول ابغى اتقضا اغراض المدرسه
ام نواف: انتي النيه جبتي طلبيه من شي ان ليه تبغين المول كمان
ميلاف: بعض اشياء ما عجبتني بشي ان بشوف بالمول يمكن يعجبني
ام نواف: خير ان شاءلله
*
عند ابو محمد والباقي اللي كلهم كانو رقود
صحا محمد وشاف نفسه نايم عند النار
محمد: ياهوووو حنا نمنا
فزو ابو ماجد وابو محمد
ابو ماجد: النووم لعب علينا قم قم يا ماجد
محمد: الشمس طلعت مو بس اذن الفجر وباقي اسلام ما رجعت
ابو محمد: صلّو وبنروح نشوف وينها
محمد: تلاقونها جالسه عند احد المخيمات
ابو محمد: ان شاء الله تكون عند احد المخيمات بس ما تكون ضايعه ولا نعرف وين اراضيها
ابو ماجد: محمد رح وقوم الحريم خلهم يصلون
محمد:ماجد قم بنصلي
قام ماجد وهو مهستر
اتجه محمد داخل الخيمه اللي كانو نايمين فيها الحريم
محمد: ياهوووو قومي الصلاه
ما حد قام
محمد: ابوي يقول لكم قومو صلّو يله
الكل قام من فراشه واتوجهو للصلاه ما عدا روز
اقترب محمد من روز وحط يده على شعرها ومسح عليه وقال بلطافه: روروتي قومي الصلاه
روز حركات النايم: ابغى انام خلاص
محمد: قومي يله حنا بنصلي وبنروح نشوف اسلام وينها
فزت روز من فراشها بسرعه: اي صح نسيت اسلام
خرجت من الخيمه وبقى محمد جالس على مكانها : اخخخخخ يا ويل قلبي
عند سيف ومتيم اللي مازالو يدورون
سيف: تراني تعبت هذيك العيله اخر عيله نجي لها واذا مو هي نقول للبنت روحي ولاقي اهلك بنفسك
متيم: طيب بس سد حلقك لو تموت نواف ما تركها لوحدها
سيف: استغفر الله العظيم بس
عن ابو محمد والباقي
اللي كانو يصلون خلف ابو ماجد
بعد ما انتهو من الصلاه
محمد: مين وش معنا
ابو محمد: الحريم يبقون هنا وحنا بنروح بس
روز:والله غير اروح معكم
محمد:انتي معاي لا تخافي
روز: اي خلاص انا مع محمد
ماجد اللي صار يناظر بمحمد وابتسم محمد ونزل راسه
ماجد: قبل لا نروح في اثنين هناك اظن انهم مقبلين علينا
ابو محمد: من هم
ماجد: ذولي «وأشر باصبعه على سيف ومتيم»
سيف: السلام عليكم
رد الكل وعليكم السلام
ابو محمد: حياكم الله تفضلو
متيم: يزيد فضلك يا عم"لا والله حنا بس بنسألكم انه فيه بنت لكم ضايعه اسمها اسلام
فزت منيره: اي وينها وينها
ابو محمد: هدي هدي يا منيره
سيف: موجوده عندنا بالمخيم
منيره: محمد تكفى رح معهم جيبها
محمد: ابشري"تعال معي يا ماجد
استبرق: اخيراً يعني' ما بقى دموع بعيوني
همست ام محمد لام ماجد: وش بها هاذي حسستني انه بنتها ماتت
ام ماجد: الله يعينك يا عايض
صارت ام محمد تضحك
منيره بحركة يعني اللي مو عاجبها : على وش تضحكين انتي
ابو محمد: اتركيها تضحك ماهي مشتريه الضحكه منك
منيره: تناظر فيني وتضكك وش الدليل يعني
صارو البنات يضحكون
ابو ماجد: صلو عالنبي وانتم يا بنات ادخلو جهزو الفطور والحين تجي اسلام وتجهز معكم يله
اديم : حاضر يا عم
دخلو البنات للمطبخ وهم يضحكون
استبرق: والله يتهاوشون مثل الضراير
روز: اي والله
اديم: امي مهستره
روز: بنت استحي عيب هذي امك والجنه تحت اقدام الامهات
اديم: الجنه بعيده عنها والله
ياقوت: استغفر الله وانتي وش دراك
اديم:انها لا تصلي لا تصلي
استبرق:طيب طيب خلاص قفلو الموضوع ويله كل وحده تسوي شي على بين ما تجي الضايعه
اديم: هييي هذي اختي
روز: ههههههههههههه الضايعه
ياقوت: اتا اسوي الشاهي واطلع وما اتدخل بالباقي
روز: تسوين الشاهي وبعدها تروحي تنظيف الخيم
ياقوت: اممممم طيب
عند محمد وماجد ومتيم وسيف اللي متجهين نحو المخيم
وصلوا المخيم
نواف :يالله حيهم
محمد :الله يحييك
متيم: ذولي اهل اسلام
نواف: ارحبو يالله حيهم
اسلام يوم سمعت صوت محمد خرجت من الخيمه وهي مسرعه
اسلام: محمد
تقدمت تحضن محمد بقوة وصارت تبكي وانصدمم محمد
ماجد: هيه هيه ما يجوز لك يله امشي
نواف: ما يجوز لها
محمد: انا ولد عمها ماني اخوها
استغرب نواف وعقد حواجبه
وانصدم انه كيف ضمته وهو ولد عمها وحسبها انها تحبه
ماجد: بيض الله وجيهكم ما قصرتو والله انكم رياجيل
متيم: وجهك
نواف: ابد حنا ما سوينا الا الواجب
محمد: يله حنا نستأذنكم
نواف: الله معكم مع السلامه
توجهو محمد وماجد واسلام للمخيم
وصلو المخيم
ابو محمد: يالله حيها اسلام وش اللي وداك بالليالي
تقدمت اسلام تحضن عمها وتحب راسه
ام ماجد: طيب وانا
ام محمد: اي وانا كمان
تقدمت اسلام تحضن ام ماجد وام محمد
منيره بس سمعت صوت اسلام خرجت من الخيمه اللي كانت جالسه فيها
تقدمت منيره تضرب اسلام على وجهها بكل قوتها
الكل انصدم من كف منيره لاسلام
ابو محمد: سلامات ليه تمدين يدك عليها
منيره بصراخ: انتم مالكم دخل هذي بنتي اسوي فيها اللي ابغاه
ابو ماجد: بس مو كذا
منيره: قلت لاحد يتدخل
اسلام من قوة الكف اللي رج مخها اغما عليها
تقدمت لها ام ماجد وام محمد
ام محمد بصوت مرتفع: يا بنات جيبو مويه بسرعه
عند البنات
روز: وش فيها مرت خالي تصارخ
استبرق: الحين اروح اشوفها
توجهت استبرق للخارج
ام ماجد بعصبيه : يا بنت الحلال صار لنا ساعه نصارخ ماحد سامع منكم جيبي بسرعه مويه
توجهت استبرق مسرعه للمطبخ ودخلت عالبنات وهي تبكي
استبرق: بنات بنات اسلام ماتت
روز بصدمه: وشو
اخذت استبرق كاس مويه وتوجهت للخارج واعطت الكاس لام محمد
كبت ام محمد المويه على وجه اسلام وصحت اسلام
ابو ماجد: اسلام صاحيه انتي فيك شي
اسلام بدوخه: كويسه كويسه
منيره: حسابي معك لسا ما خلص
ماجد: كل هذا ولسا ما خلص
منيره: انا ما اكلمك
محمد: خلاص خلاص اسكتي
منيره: وش دخلك انت الثاني
روز: ياهو وش فيه
ماجد: ست منيره ضربت اسلام بكل قوتها على وجهها واسلام مثل ما انتي شايفه
توجهت روز لجوالها مسرعه فتحت السناب وارسلت لخالها عايض كل شي وش سوت منيره بالتفصيل الملل
رجعت روز لهم ورفعت رجل اسلام عشان يرجع الوعي لها مضبوط
بعد ما رجع الوعي لاسلام كلهم جاسين حولها
منيره: حسابي معك ما خلص
ابو محمد بصوت مرتفع: منيره والله ان ما سكتي ليصير شي ما تتوقعينه
منيره باستهزاء: وش بصير يعني
ابو ماجد: منيره اقصري الشر وادخلي داخل
اخذت اديم امها داخل الخيمه
اديم بصوت باكي: ماما شفيك انتي
منيره: سدي حلقك
اديم: يمه والله بس يجي ابوي انا انا راح اقول له كل شي وهذا وانا بنتك اعلم عليك تشوفين يمه تضربين اسلام لشي ما يستاهل وقدام زوج عمتي بعد
منيره بصرااخ: اطلعي براااااا
اديم: طالعه برا لعاد بجلس عندك
منيره: ونعم التربايه والله
عند اسلام اللي كانت مصدعه من الكف
ابو محمد بصوت مرتفع: بعد الفطور بتكون كل الاغراض مرتين بالسيارة
ماجد: ليه
ابو محمد: هذي مو كشته والله مثل ما قلت لكم بعد الفطور كل الاغراض مرتبه بالسياره
ابو ماجد: ان شاءلله
ام ماجد: انتم خلصتو تجهيز الفطور
ياقوت: اي خلصنا
ام محمد: طيب جيبوه خلنا نفطر
روز: طيب
توجهو البنات يحطون الاكل
روز: الله يهداك يا استبرق قالت بنات بنات اسلام ماتت
صارت اديم تضحك: غبيه غبيه سبحان الله
ياقوت: صراحه هي صادقه اللي يشوف اسلام كيف كانت طايحه بالارض يفكرونها ميته
استبرق: اي والله
اديم: اخخ يا امي وش سويتي
روز: الله يهديها
استبرق: معقول فيها شي
ياقوت: ما يبغالها تفكير اكيد فيها
روز: روحي يا اديم قولي لهم تعالو افطرو
توجهت اديم تناديهم على الفطور
••••• توجه الكل للفطور
ابو محمد: وينها
ابو ماجد: من هي
ابو محمد: منيره
اديم: جالسه بالخيمه الثانيه اتركونها
بدا الكل ياكل
عند نواف واخوياه
نواف: يا عيال قالت لي عطني سنابك
سيف: طيب وش فيها
نواف: انا طول عمري ما عطيت سنابي لبنت ولا ضفت حتى
متيم: صراحه لايقين لبعض يعني الزوج نواف والزوجه اسلام احس كذا كيووت
نواف: لا يا شيخ وش تخربط انت
سيف: شفت انا قلت لك يهدي عليها كانه زوجها بس انت قلت لي سد حلقك احسن لك
نواف: هي صراحه من ناحية انها حلوه هي حلوه وتجنن بعد بس يوم حضنت ولد عمها قلت ببالي معقول تحبه
سيف: عادي يمكن ميانه عندهم
نواف: ان شاءلله انها ما تضيع مني تعرفون وش بسوي
متيم وسيف: وش بتسوي
نواف: اخذت سنابي بخليها تقول لي وين ساكنه واتعرف عليها بشكل تفصيلي وبعدها اقول لابوي اني بتزوح وبروح اطلبها
متيم: بتطلبها
نواف: اي بطلبها
سيف: حي حي ولد سعود
نواف: حي نباك
متيم: دقيقه دقيقه انت من جدك ولا وشو
نواف: اي من جدي وش فيها يعني
متيم: اي "ياخي الله يتمم لكم على خير
نواف: بس ان شاءلله يكونو اهلها عندهم اخلاق وتربيه واهم شي تكون تصلي
متيم: طيب فرضاً كانت ساكته بأبها
نواف: والله لو انها ساكنه بالمريخ اني لاخذها
صار سيف يغني : قالولي الحب له علامات: في نبض القلب والهمسات
نواف: اسكت اسكت بالله صوتك مو طبيعي
كمل سيف الاغنيه ورفع صوته: وروح بتطير تنادي عليك: ورعشة ايدي في السلامات
متيم:الله صح صوتك
سيف: اي هذي الناس الكفو؛ عموماً صح بدنك
عند ابو محمد والباقي اللي انتهو من الفطور وصارو يرتبون الاغراض بالسياره
ومحمد اللي وثقّ كل شي
محمد وهو يصور فيد ويقول فيه: طبعا هذي اغرب كشته رحتها واحد وظيفته طارت وبنت ضاعت وأم تهاوش بنتها يعني الكل منفس الا انا ومجودي سبحان الله في قمة الرواق
ماجد: اي صح صح
روز: طيب خلصنا ترتيب الاغراض وضبطنا كل شي يله نرجع الديره
محمد: ليتس قوووو
ركبت البنات سيارة محمد وركبو ام ماجد وام محمد ومنيره اللي مو عاجبها شي وابو ماجد سيارة ابو محمد
في سيارة محمد ماحد تكلم وإسلام اللي حاطه رأسها بحضن روز وماسكته بقوه من قوة الصداع
بعد فتره قصيره وصلو البيت وصارو ينزلو باغراض الكشته
محمد: الجامعه الاحد يععععع
روز: وللاسف المدارس الاحد كمان
استبرق: اي صحيح باكر بتودينا المول نتقضى اغراض المدرسه
محمد: طيب طيب ان شاءلله
_____________
♡♡تصويت ياحباني🤍🌷
••••••••••♡♕
انشرووووو الروايه
