السلام عليكم
-لو كان للذنوب صوت
- لـ وَرد الهاشمي
- البارت السادس
وقفتُ على المحطة.. لا لأنتظر القطارَ..
ولا عواطفيَ الخبيئةَ في جماليات شيء ما بعيدٍ..
بل لأعرف كيف جُنَّ البحرُ وانكسر المكانُ، كَـحجرة خزفية..
ومتى ولدتُ وأين عشتُ، وكيف هاجرت الطيور إلىٰ الجنوبِ أو الشمال .
- محمود درويش
___________________________________________
هذا الموقف جان من المواقف الي ماتنسي بحياتي
خلص فقدت وجع مو طبيعي ببطني و غثيان ورجلية صارن خيوط يادوب لگيت گاع انبطحت بيها وعيني صارت تطفي وترجع تفتح...
غواش صارن عيوني واشوف مناع توه گاعد وجهه ع حمام
شافني اخذ صفنة يلا استوعب الي شافة جاني يركض لزمني من ايدي يريد يگعدني وهو يسأل شبيج ويكرر هذا السؤال
بس اني ماعندي حيل اسولف ، گعدني وخلاني انتچي على الحايط شفت عيونة ركزن على الگاع وجهه صار احمر دحگت على مكان ماهو يدحگلة لگيت دم!!!!!
بچيت بفشلة واحراج
هو من شافني هيج راح
دحگت شفتة يمشي بأتجاه غرفتنة اني واسيا ، توقعت راح يناديها ، فات ع غرفة وطول ما أن طلع وحدة بدون اسيا جان ضني بلكت تجي وماجت
استحيت من مناع حيل وضليت ابچي
هو من شافني رجع گعد يمي وگال
:- لا تبجين يولي ميخالف ماصار شي ، اني راح اگومج للغرفة بدلي ونامي
مارديت عليه من المستحة...
لزم إيدي وگومني دحگت ع گاع وفكري لازم انظفها
مشيت ع غرفة ومناع لازم إيدي فتح باب الغرفة فتت اني وهو راح وسد الباب دحگت لگيت اسيا گاعدة من فتت انطتني ظهرها ونامت
ماحجيت شي مشيت على كيفي بدلت هدومي عدلت نفسي لازم اطلع انظف الگاع حتى ولو موجوعة گبل محد يشوفها
فتحت الباب وطلعت امشي وكلساع اعقج وجهي من الوجع امشي على كيفي ،
بعدني مافتت للمطبخ
وجان اشوف مناع منحني لازم الوصلة ويمه سطل ويمسح بالگاع ، هذا الشي صعب تقريباً على كل بنية اخ يشوف او يعرف اختة عليها الشهرية ويگعد ينظفلها
بالأخص احنة عدنة هسة عيب عيب عيب هذا الشي
حتى من امي تعرف بية مريضة استحي وماحجي وياها شلون لو چان اخوية
هذا الموقف من المواقف الي ماراح انساها بحياتي وراح تجي بعدها نوب چثير
مناع ما اعتبرة اخ احسة كل شي بحياتي اخ واخت سوالي شغلات اختي اسيا ما تسويها هو وعيد بيهم صفات كل اخت تتمناها
انسحبت من المكان بهدوء بدون لا يحس عليه ورحت لفراشي افكر ليش هيج صار وياي نزيف!
وجع وغثيان حيل قوي ولحد الان بية دوخة ووجع هاي اول مرة هيج يصير !
افكر اگول لأمي بس استحي منها اضل ساكتة احسن وإن شاء الله مايصير شي
غفيت ونمت نوم عميق ما حسيت ألا على اذان فتحت عيوني الشمس طالعة ومحد بالغرفة دحگت ع شباك الشمس جاي تنزل يعني الدنيا عصر گمت احس نفسي ريشة وخفيفة لميت فراشي وطلعت من الغرفة ماكو صوت بالبيت...
