غلـق الابـواب..

البــاب الثـاني

#روايه_غلـق الابـواب

#الكاتبه_لجـين الامين

ورداتي لاتنسوون تصوتوو بين الفقرات 🌺💋

بـسـم الله الرحمـٰن الرحـيم

استمتعووا بالقراءه
ــــــــــــــــــــــــــــــــــــــــــــــــــــــ~

                يَرمي بكلامه سهاماً فُيصيبني
                وينَسى أياماً كان بِها يُداريني
           أهذا الذي بالأمس  كان منزلاً يأويني؟
               أم أنا التي اعطيتـهُ كُل ما فيني؟ 

ــــــــــــــــــــــــــــــ~ــــــــــــــــــــــــــــــ~ــــــــــــــــــــــ / فـي مكـان اخـر /
~~~~~~~~~~~~~~~
« مــنى »

سمعت باب البيت انفتح بسرعه رحت وكفت باب المطبخ جتفت ايدي ونتجيت على الباب

دخل يتطوطح يروح منا يرجع مناا وريحتهه تكتل الله لاينطيك يا سرمد على هاي السوايه

تقدمت علي وضربتهه راجدي
منى ـــ يا حيوان يا س.... ترجع تالي الليل سكران ماتعرف الگدامك منوو

حسام ـــ امشي ولي من گدامي لا الزگج بالحايط

منى ـــ يا خنيث انتَ تلزكني بالحايط
شلت كلاص مي بلاستك خليتهه بايده
ـــ هاك الزمهه اذا تگدر

ماسيطر على الكلاص وكع من ايده دفعني وراح باتجاه غرفته وهوه يمشي ردم بالحايط

ضحكت بصوت عالي وعلى صوت ضحكتي طلع سرمد الگ..... من الغرفه

شافني اتقدم علي لزمني من شعري صرخت
منى ـــ اخخخخ
سرمد ـــ عليمن تضحكين هااا
منى ـــ وخرر مني حيوان

دفعني بقوه وكعت بالگاع رجع لزمني من شعري فتح باب المخزن وشمرني بيي
سرمد ـــ ابقيي هناا اذا شفتج طالعه اكسرر رجليج

منى ـــ امشي لك حيوان تفوو عليك

اتقدم على ضربني راشديي بكلل قوتهه احس مو بس خدي اشتعل نارر لا وجهي كلهه

سرمد ـــ لا تخليني اراويج الحيوان شيسوي ضبي السانج لا اكسرج تكسيرر

راح طلع وقفل الباب ضليت اصرخ وابجي
منى ـــ الله لاينطيك ان شاءلله الله يحركك بنار جهنمم ان شاءلله يا حيوان يا نذل يا خنيث

اندفرر الباب بقوو وهوه مقفولل وصاح
سرمد ـــ اتسكتين لو ادخلج هسه
منى ـــ وليي منااا

سكتت من عنده مابيه حيل الضرب بعد تعبتت جسمي مكسرر تكسيرر من وره الضرب مالتهم

/ قبل ثلاث ايام /
~~~~~~~~~~~~~~
دخل يصيح ويدفرر ويغلط
سرمد ـــ ولجج منــــــى اليومم وين اطيرينن منيي
حيوانهه وينج تعايي اطلعي هسه خفتيي وصرتي فارره ياا حيوانهه