غلـق الابـواب..

الـباب الثـامـن

روايه _ غلق الابواب

الكاتبه _ لجين الامين

حسابي تيك توك lu_lu_2007

قناتي تلي Lu_Lu_2007

«ورداتي لاتنسوو تصوتوو وتعلقوو بين الفقرات 🎀»

بســــــــم الله الرحمــــــٰن الرحيـــــم

استمتعواا بالقراءة

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

~ رنـــد ~

ذو الفقــار ـــ لاتگملين سمعت

انصدمت ماعرفت شنو احجي
شلون سمعني وشنو سمع ماادري

ـــ شنو سمعت

دار علي باوعلي بابتسامه عريضه گال
ـــ سمعتج كلتي راح يجون يخطبونج

گام من مكانه وكمل كلامه
ـــ اي ومبروك مقدماً عيوني تستاهلين كل خير

غصه صارت ابلعومي ودموعي گوه لازمتهن ماينزلن
يگلي مبروك مااهتم يعني
هناا اني عقلي وكف تفكير و طلعت من الغرفه بدون ماگول شي

نزلت للمطبخ لگيت البنات جاي يجهزون بالثواب
مسحت عيوني ايدي يرجفن

رند ـــ اسيل خلصتوو بعد متحتاجوني !؟

باوعتلي باستغراب وگالت
ـــ خلصنه حبيبتي

رقيه ـــ رند بيج شي

ابتسمت وهزيت راسي بـ لا
ـــ امي خابرتني واريد اروح

اسيل ورقيه وحده باوعت للثانيه
اسيل ـــ روحي حبيبتي ومشكوره ماقصرتي

رقيه ـــ تعبناج ويانه

رند ـــ لا ماكوو تعب ولو امي مامتصله چان بقيت وياكم
يله مع السلامه

ـــ الله وياج عزيزتي

طلعت من البيت بسرعه
افكرر شنو سويت اني
هوه گال سمعني بس اني ماگلت بشكل مباشر راح يخطبوني اني حجيت وي كوثر على اساس اسوي لعبه

غميت كصتي
رند ـــ اي اي سمع والله سمع امداني امداني اني شنو سويت واذا سمع صدك شلون راح اباوع بوجهه بعد والله عيب اني بشنو كنت افكرر كلتلي كوثرر لا تتسرعين لاتگولين هاي السالفه تافهه اني مااسمع الكلام ياربييي

ضليت احجي وي نفسي لحد ماوكفت تكسي
وطلبت منه يوصلني للبيت

وصلت للبيت دگيت الباب شوي وانفتح طلع بوجهي صادق
لا ياربيي هذا ليمته اجهه

صادق ـــ رند شبيج

دفعت الباب على كيف ودخلت
،رند ـــ هلا صادق شلونك

يحجي باستغراب يباوع بعيوني الي صايرات حمرر من گد ماحابسه دموعي
ـــ الحمدلله انتِ شلونج...